Eksodas 10:17 - Nobonob Baibel

¹⁷ Da amu hemi amunu, aa hipunin dahil gemu haen laippu laa ele uhuqya meɗaglahnu, da ool daatte. Aria, aa Yawe, ahilag Kayak, aa Nug unuqidya oɗ medapeɗ, keeke naunab imu Nug heeb, iitta mekkunu oɗ matattem. Keeke nau imuppa amu, da nauhttem,” awa aum.

Eksodas 10:17 Referans Kwoze

Eksodas 8:8

Anam daye, aakku Paro nug Moses, Aron ele onilahppa e uɗieh, nug aa amelahppa aum. “Aa Yawe unuqidpeɗ, Nug og ihinigppa daatteb amu, Nug heeb, iitta meppeg, am geha da nahipaɗ danab ah paɗadppi gona, ag doɗ main Yawe mettaglag,” awa aum.

Eksodas 9:28

Ais doɗo am hakkaɗ ele ig eheɗ iqatte amunu, na amu iitta mekkunu Yawe unuqidkkutnu oɗ medattem. Da geha heppi, ag gokkulag; ag baula ippa ii daamna,” awa aum.

1 King 13:6

Aakku King Jeroboam nug Kayaknu propet amegppa aum. “Na Yawe, nahip Kayak, na Nug unuqidppe, nug da ehaniɗa heeb, da eppel imu eɗua ena daakkunu ool daatte,” awa aum. Nug anam a amu, Kayaknu propet nug Yawe, nuhig Kayak, nug Nug unuqitte, king eppeg eɗua, ena dayom bia dayom.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

Rom 15:30

O lailad, da ag ihinig Naɗi Jesus Kristusnu, amu Kayak Ouɗinu oo mauhak ihinignu dootte, amu ele dabmebeppeg, ag da aɗi aɗi uug maottem ele, ag da ele ig oh ig Kayak dahilnu unuqidkkunignu ahilkad dabmak maɗedattem.

Aposel 8:24

Pita anam awa a, Saimon nug inam aum. “Aa apiɗ dahilppa bemanu amu, aa Naɗi da ehaniɗkkunu unuqidkkulahnu oɗ matattem,” awa aum.

Aisaia 26:16

O Yawe, nahipad danab ah ag uug nau doon oippig, haen amuppa ag na mattidppig. Ao, na ag toliadna, bu mattaeye, ag ɠagattag iitta daan, otiptippaib na unuqidppig.

2 King 4:40

Aria, ag lewa danab amu lakkulagnu tappiɗppa gokkaɗna madappig, amge danab ag lewa amu digmena lanan doon, ag Elisa onigppa inam eppig. “O Kayaknu danab, lewa imu iqeb mauhkkunig,” enana, ag lewa amu lakkulagnu elele iitta.

1 Samuel 15:25

amge na dahil hipunin uhuqna meɗappe, da Yawe noobppa dup noin binag mekkulnu amu, da na ele, i oh eɗuɗ, Kayak binag maknu abenppa gokkunihnu ɠagattag unuqidttem,” awa aum.

Eksodas 8:28

Moses nug anam a, aria Paro nug aum. “Aakku amunu, da ag uuadppi, ag atu taɗakppa gona, ag doɗ main Yawe, ahilag Kayak, ag Nug mettaglag, amge ag umanab aib goppig. Aria, ag dahilnu ele unuqidppeg, da ehaniɗaɗ!” awa aum.

Eksodas 9:27

Ais anam neene, Paro nug Moses, Aron ele, aa gumidya gokkulahnu nai me ukke, aa gumidya ukkaeh, Paro nug aa amelahppa inam aum. “Da nai tappai ne, hipunin hemi. Yawe Nug am kobol tutukku hette, amge da, dahilad danab ah ele amu, ig eheɗ hettem.

Eksodas 8:4

Og ag geha oolna, na beɗunppa, amu nahipad ehanittak anuqak danab beɗulagppa, am nahipad danab ah beɗulagppa ele tekkulag,” ’ ” awa aum. ⌊Yawe Nug Moses amegppa anam a, nug Paro gumitta ukka, nug anam aum, amge Paro nug nai amu dab-ii-mettom.⌋

Namba 21:7

Anam mat emalatteg mauhattegeg, laa ag Moses toppa gona appig. “Ig hipunin hemut. Aɗinu? Ig Yawenu, nahipnu ele nai eheɗ amut. Amge na Yawe unuqidppe, Nug heeb, mat nau imu ag ii daamnanu oɗ medattem,” anan oɗ medappig. Ag oɗ mettaeg, Moses nug Yawe danab ah amu ehanadkkunu unuqittom.