Eksodas 1:7 - Nobonob Baibel

⁷ amge Israel danab ah ag buɗub buɗub doodo, nid huana menuadna, appatna, kuɗumnab daappig! Genab, ag appatna, huu ɠagattagnab bena, wan ag daappig ele oh tonappig.

Eksodas 1:7 Referans Kwoze

Genesis 46:3

Jakop anam a amu, Kayak Nug aum. “Da Kayak, na mamennu Kayak. Na Isip gokkutnu aib oot baɗom. Aɗinu? Na appa daappe, da heppi, na buɗunad ag appatna, huu okkainab, ɠagattag ele daaglag.

Duteronomi 26:5

Anam heeb, na Yawe, ahilag Kayak, Nug noobppa inam akkut. “Da mamelad aɗi ag am Aram danab, appalag diig iitta ele oinna, ag hubhub Isip wanppa nona daanna, ag appatna, huu okkainab bena, ɠagattag daappig.

Genesis 1:28

Haatowa amu, Kayak Nug itatata aum. “Aa appatpeɗ, aa buɗulti atu oh tonan malan, daan oiyeg! Oinna, ag keeke oh, doɗ dakkuɗ, aabppanu doɗ, doɗ naunau, kakai, ai oh ele, ag amu oh gumatteg!” awa aum.

Genesis 47:27

Aria, Israel danab ag wan atu onig Gosen appa wan aona appatnana, enulag kuɗum ele aona, kuɗum daappig. Wan atu onig Gosen am Isip wanppa daatte.

Genesis 35:11

Amu Kayak Nug baula ele aum. “Da am Kayak Dakka Ɠagattag Oh Ele, da inam attem. Na gona, kuɗum appate! Na appatppe, na buɗunad ag diig laippu, amge huu okkai piɗe piɗe oiglag. Na buɗunadppa danab laala ele king bekkulag.

Genesis 12:2

Amu da heppi, na buɗunad ag appatna, huu okkainab, ɠagattag ele daaglag. Da na itittak ena ele medakkul. Na onin okkai humappi, na laala itittak ena madakkut.

Genesis 9:1

Kayak Nug Noa, nug bekkod ele itattatta aum. “Ag appatna, wan oh tonan daanna oiyeg!

Nehemaia 9:23

Ge, na hee, ig mamenkad aɗi ag huana appategeg, ag bekkalkad am huanak, hoɗoppai dilag ebqak bia daaeg, wan laa, na wan amu ag mamelkad aɗi mattan, ag gona aon daaglagnu ame amu, na diie, wan amuppa goppig.

Duteronomi 10:22

Ag mamelkad aɗi, ag anukka Isip noppig amu, ag danab 70 aakkuib. Amge gemu amu, Yawe, ahilag Kayak, Nug he, ag kuɗumnab, hab waappa hoɗoppai daatteb bia appatna daatteb.

Genesis 48:4

nug nai inam da amelppa aum. ‘Da heppi, na buɗunad kuɗumnab bena, huu okkai anen anen oh laippu daaglag. Wan imu amu, da na buɗunad madappi, ahilag wan hanhan daakku.’ Nug anam awa, da amelppa aum.

Genesis 17:16

Da nug itidppi, nug na bekkat menukku. Nug wanppan wan laala, king laala ele, nug ag anilag bekku,” awa aum.

Sam 105:24

Yawe he, Israel danab ah kuɗum appatppig. Nug he, ahilag ebqak am ahilkad kekeɗ eɗadna, ɠagattag daappig.

Genesis 28:14

Na buɗunad ag wan gappud bia appatna, wan aben imuppanu qaban uɗitteppanu daatte, wan kaɗag uɗitteppanu daatte, wan yawalti uɗitteppanu daatte, amu wan yau uɗitteppanu daatte ele aoglag. Aoppeg amu, wan laa ohnu danab ag na, na buɗunadppanu ele itittak ena aoglag.

Genesis 22:17

amunu, diig amunu da genabnab genab na itidkkul. Da itidppi, na buɗunad ag appatna, abuɗ le ihippa, o hoɗoppai bia kuɗum daaglag. Ag kekeɗ eɗadna, ahilkad aab diiglag,

Genesis 13:16

Da heppi, na buɗunad appatnana, kuɗumnab, ebaqak ahilag am wan kalu bia bekkulag. Danab laa nug wan ohppan kalu ebaqa dookkunu elele daatte dayeb amu, nug Abram buɗub ebaqakku.

Genesis 1:20

Keeke amu anam ba daye, Kayak Nug, “Leppanu doɗ iɗu iɗu oh amu, ag huanak beig! Ai ele ag oh bena, hab waappa hagagaɗeg!” awa aum.

Eksodas 12:37

Israel ag aab okkai Rameses uun ahan, ag aab okkai Sukot goppig. Am danab 600,000 keeke anam ahan goppig, amge ag ah, nid naunau ele amu, ii ebaqappig.

Genesis 48:16

Kayak, Nug uug ohnu qagaiettakppanu uhuqiɗom amu; Kayak amunu amu, da Nug nid aɗit imu itittak ena matakkunu ool daatte. Ahilahnu amu, aa da alal Abraham, da mamel Aisak amu da ele, aa ig buɗunig ooppa daaglahnu ool daatte, amu aa appatpeɗ, buɗultippa danab kuɗum bekkulagnu ele ool daatte,” awa aum.

Genesis 26:4

Abraham nug da oɗel, ɗo iɗu iɗu dahil, dahil haknunab anak ele dim lamittom amunu, da heppi, na buɗunad ag kuɗumnab, hoɗoppai bia daan oippeg, wan imu oh da ag madakkul; amu da heppi, na buɗunppa wan ohppan danab ag itittak ena aoglag,” awa aum.

Genesis 15:5

Awowa amu, Nug Abram omala, dimittim noa, amegppa aum. “Na neegppe teeb, habppa hoɗopai daatteb ele umu, na ebaqadkkutnu elele daattem dayeb amu, na ebaqe! Na buɗunad amu, geha ag anam daaglag,” awa aum.

Aposel 13:17

Ig Israel buɗub daattem amu, ihinig Kayak, Nug ig mamenkad aɗi tituanatta he, ag appateg, dimppa Nug nuhig ɠagattagppa Isipnu eɗua diia uɗiom.

Genesis 26:22

Ataɗa, nug aha nakok uua ukke, maɗi nid nuhig ag le moɗ laa buuppig. Buueg amu, danab laa ag nug mehqak ii heppig amunu, Aisak nug onig Rehobot ataɗom. Ataɗaɗa amu, nug aum. “Yawe Nug aben elele imu mekkom. Ig wan imuppa elelenab daagnig,” awa aum.

Eksodas 1:12

Isip danab ag Israel danab eheɗ naunab anam hadappig, amge Israel danab ag ahilag appata kuɗum baknu am ii iitta meum. Iitta! Ag huan appategeg, Isip wanppa kuɗum huanaknab daappig amunu, Isip danab ag Israel dilagnu baɗak okkai dooppig.

Eksodas 5:5

Aria, Paro nug anam Moses, Aron ele amelahppa awowa, nug inam dabmeum. “Antteɗ! Israel ag kuɗumnab appatna, huanak daatteb, am gemu aa aɗinu ag uɗat uun, hamu daaglagnu hettep?” awa dabmeum.

Sam 107:38

Nug ag itatta autanab awe, ag baelkadppa kuɗum ele daappig. Ahilkad makau ele abategeg, kuɗumnab daappig.

Esekiel 16:7

Da anam awoya, da hei, na datta keeke eppak ena bette, amubia na ena menana daame. Da anam hei, na ena mena, na ah makkun enanagnab beme, neekkak enanag. Nahip huh am uunela mala, na ikkin uɗug elab neum. Da hei, na beɗun enanag anam beum, amge na bam iitta, beɗun miag ele daame.