Eklisiastis 9:7 - Nobonob Baibel

⁷ Am gemu amu, Kayak Nug na gamag ahak doon, ee, wain ele nahip lakkutnu oo hette amunu, na gona, oo gamag ahak ele nahip ee, wain ele la!

Eklisiastis 9:7 Referans Kwoze

Eklisiastis 10:19

Hobulppa amu, imak daatte; wain he, laa latte amu, nug nuhig dayaknu am enanag dootte, amge laa nug men doɗo ele, nug amu hekku.

Duteronomi 12:7

Aben amuppa ag, amu ag baelkadppa ele, ag Yawe, ahilag Kayak, ag Nug noobppa hobul naɗi hekkulag. Ag hobul henana, ag Yawe, ahilag Kayak, ag ahilag uɗat heegeg, Nug itittak ena mattom, amunu ag ee, keeke elelenab ele daan oittebnu dabmena, ag gamag ahak okkainab dooglag.

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

1 King 8:66

Amu deɗ amu ukka male, deɗ amu dimugppa wagɗe, deɗ amuppa, Solomon nug he, danab ah amu ag oh eɗun, appan appan goppig. Ge, danab ah ag king itittak ena mettona, ag Yawe Nug nuhig maɗi nid Dawit, nuhignu, amu nuhikkud danab ah, ag Israel danab ah amu, Nug ag oh ahilagnu ele keeke ena ohnu dabmenan, gamag ahak okkai doon goppig.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Jon 4:50

Nug anam a, Jesus Nug amegppa aum. “Na oot uug aib dayom. Na ukke! Na bekkat nug bau ena daakku,” awa aum. Danab amu nug Jesusnu nai doya, ooppa genab doya, nug ukkom.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Mak 7:29

Nug anam a amunu Jesus ⌊Nug ahnu ooppa genab doyak okkai ele antta,⌋ Nug aum. “Na ena ame! Na oot gamag ahebeb, lautppa ukke! Ouɗi nau nug na aɗen uuittom,” awa aum.

Genesis 12:19

Aɗinu na da amelppa, ‘Nug am da appinal,’ ame amunu, da nug dahil ah daakkunu aomi? Antte! Ah nahip iikku daatte. Aoppe ukkeɗ!” awa aum.

Namba 6:20

Mana mettak danab nug anam hewowa, nug ⌊keeke amu eɗua, Nasarait danab eppegppanu diia⌋ aɗalata, nug Yawe noobppa huma epponitta mettaknu ofa hekku. Keeke amuam Yawenu tituanak daatte. Keeke amu, amuam sipsip momo, baeg naɗiapnu tuɗi huma, Nug mettak ele amu, keeke amu oh am mana mettak danabnu daatteb. Aria, amu dimppa aun nug Nasarait ted dayom amu, nug aakku wain lakkunu elele.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Eklisiastis 11:8

Danab nug maɗ kuɗum wanppa dayaya oikkutai. Nug anam daakku dayeb amu; nug nuhig oiyak ohnu gamag ahak dookku am ena. Aɗinu? Gatatu manak haen am uɗikku; haen amuam elab daakku amunu, nug amu dabmettaɗ! Keeke oh bekkunu am gaɗappa, unuqagppa ele anttak laippu iitta.

Rut 3:7

Aria, Nug dayeye, Boas nug ee, le ele lawowa, oo gamag ahak doyeye, ameg ne, niikkun ha, nug bali aeg ameg qagmak guguittak ukka niiom. Nug anam niieye, Rut qinonob wana, blanget Boas layom ele, nug blanget amu baekuɗ ooppanu ukka, baeg baag batakppa kolowa, nug aguppa niiom.