Eklisiastis 9:5 - Nobonob Baibel

⁵ Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

Eklisiastis 9:5 Referans Kwoze

Aisaia 26:14

Gemu danab okkai ig gumigppig ele amu, ag mauhppig. Ag laa ii daatteb, ag geha eɗun bau ii ahamna. Na bu mattae, ag nauhna autnanab aoeg, danab ah ag gemu danab amu onilag baula ii dabmetteb. Iitta.

Eklisiastis 1:11

Danab anukkanab daadppig amu, laa nug ag ahilagnu dab-ii-mette. Laa ii doppig, butti aɗi dokkulag, laa ag dimulagppa dokkulag amu, amu ag ele ag ahilagnu daulag atikku.

Sam 6:5

Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Job 14:21

Danab mauhe, dimppa nug bekkod ag binalag okkai ele aotteb dayeb amu, nug ii dootte. O iitta, nug bekkod ag uɗa nak aotteb dayeb, nug amu ele ii anidtte.

Eklisiastis 2:16

Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.

Sam 109:15

O Yawe, na nau hak danab amu heppe, nug wanppa ii daamanu, na hanhan nug alakkud, anig ele dilag hipuninnu dabmekkutnu oɗ medattem.

Eklisiastis 8:10

Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.

Aisaia 63:16

Anam, amge o Yawe, na am ig Mamenig. Abraham nug ig ii dooiglo. Ge, Israel nug ihinignu, “Imu, ag am da buɗulad iitta,” alotai. Amge O Yawe, na am ig Mamenig. Na nakka aakkuib, na anukkanu uɗie, gemu ele, na qagaiettakppanu eɗua uhuqaknu ehanittak ihinig daattem.

Eklisiastis 7:2

Danab nug lag laappa, appa ag laa mauhomnu mahiak hetteb, amuppa gokku am ena; nug lag laappa, appa ag hobul henan daatteb, nug amuppa gokku am nakok enatai, amge enanag iitta. Aɗinu? Ig danab oh ig mauhkkunig; amu danab nug bau dayaya, nug amu dabmaɗ!

Job 30:23

Da doottem, na heppe, da mauhkkul; danab ohnab mauhak abenppa gokkulag, amu na heppe, da appa gokkul doottem.

Eklisiastis 9:4

Qai bau daatte, nug laion mauha niitte eɗidtte; diig amunu, amubia danab nug danab bau daan oiyegeg oolagppa oitte ele amu, nug am ena bekkunu dabmak aɗa oikkunu elele.

Eklisiastis 9:10

Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

Sam 88:13

Amge, ⌊da ina bau daattem amunu,⌋ O Yawe, da nahipnu unuqidttem. Deɗ anen anenppa, buttua da nahipnu unuqidttem.

Luk 20:32

Ag mauheg, dimppa ah amu ele nug mauhom.