Eklisiastis 9:18 - Nobonob Baibel

¹⁸ Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

Eklisiastis 9:18 Referans Kwoze

Josua 7:5

Ai danab ag Israel lamadnana, ag aabnu aɗ odppanu ukka, lag keeke, haknu men awaknu abenppa batak, ag lamadnana gona, ag Israel danab 36 aqaeg mauhppig. Ai danab ag anam heeg, Israel ag oolagppa ɠagattag doyak ahilag iitta meum.

Josua 7:1

Amge Israel ag keeke Yawenuib nuhig pelemppa daappig, ag keeke amunu Kayak ippunattomnu oo metta ii uuak kobol ii dim lamitteg, laa nug keeke amunu laala awom. Danab onig Aakan nug keeke amu laa yab awom amunu, Kayak nug Israel dilagnu oo huana nauhom. Aakan nug Karmi bekka. Karmi nug Simri bekka. Simri nug Sera bekka. Aakan nug Israel dilag huu okkai Juda, amuppanu.

Eklisiastis 9:16

Anam amunu, da ami. “Doyak dabmak ena ele am ɠagattag eɗidtte.” Amge danab laa oh ag daɗek danab nug doyak dabmak ena ele, ag haen elab iitta doyak dabmak ena nuhignu ena iinab doon, nuhig nai ele dab-ii-metteb.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

Josua 22:20

Am haen Sera bekka Aakan, nug keeke Yawenuib nuhig pelemppa dayom amu, nug amunu Yawe ippunittomnu oo metta ii uuak kobol ii dim lamitte, Yawe Nug Israel danab ah ig oh bu iite mekkom? Nug nukka aakkuib hipunin amunu ii mauhom,” aon appig.

2 King 21:2

Nug king daya, nug Yawenu neekkakppa eheɗ heum. Nug wan anen anennu danab ah, Yawe he, Israel ag lamadppig ele, nug amu dilag kobol, Yawe Nug kobol amunu ooppa uuaknab dootte amu, nug kobol amu dim lamittom.

Eklisiastis 2:13

Da dabmei ukke ukke, amahlak am gatatu eɗidtte; amubia da doyak dabmak ena ele hak am Kayak dab-ii-maama hak eɗidtte anidmi.

Eklisiastis 7:12

Aɗinu? Men doɗo danab ehanidtte, amubia doyak dabmak ena ele am ele danab ehanidtte; anam amge men doɗo danab ehanitteb, bau daakkunu elele iitta. Danab nug doyak dabmak ena ele, doyak dabmak ena ele amuam danab amu ehanitteb, bau daya oikkunu elele.

1 Samuel 14:30

Da mamel nug nai amu ii alo amu, danab ag Pilistia dilag ee keeke aoppig amu, ag amu lalob am ena. Ag anam helob amu, ig gemu danab huanak aqadmut amu, ig amu eɗittak, huanaknab aqadlom,” awa aum.

Job 35:8

Na nau hettem dayeb amu, na danab, na bia, na amu dilagppa hettem. Ge, na genab tutukku hak kobol hettem dayeb amu, na danab laa, nug ah ooppan laa aakku, na nuhigppa hettem.

Eklisiastis 7:19

Danab laippu nug doyak dabmak ena ele daatte dayeb amu, nuhig ɠagattag am aab okkainu gumak danab eblaih laih ele dilag ɠagattag eɗidtte.

Eklisiastis 10:1

Qabuttid ag leppu muttuɗig enanag eleppa mauhna beɗaegeg, uɗig otte; amubia danab nug kobol doyak dabmak ena ele, kobol binag ele dim lamat-tte, me deɗ laa nug Kayak dab-ii-maama hak kobol laa he, nuhig kobol aɗit laa aa honap nettep.

Eklisiastis 10:10

Na hebeb ii uɗigppe, aeg iitta daakku dayeb amu, na wagai mena, keeke okulkkut; amge na doyak dabmak ena ele aɗan, keeke hekkut dayeb amu, uɗat amuam pehettak gokku.