Eklisiastis 9:17 - Nobonob Baibel

¹⁷ Danab ag doyak dabmak ena ele ag qinonob nai madippeg, danab ah ag nai amu dooglag, am enanag; me okkai danab, ag Kayak dab-ii-menan ii dim lamidtteb ele, ag baalag okkaippa madippeg, danab ah dooglag, amuam ena iitta.

Eklisiastis 9:17 Referans Kwoze

Prowerb 28:23

Danab laa nug laa eheɗ heumnu daug batakku dayeb, danab ah ag danab nug daug batak heum ele, ag gog takppa nuhignu oolag elele daakku; amge danab nug oo eeɗaknu ittag nai maditte ele, ag nuhignu oolag elele ii daama.

Jems 1:20

Aɗinu? Danabnu oo nauhak am genab tutukku hak kobol, Kayak Nug ig amu dim lamidkkunignu oo hette amu, am kobol amu he ii bette.

Aisaia 42:2

Nug ewak laa ii hema. Ao, Nug baag okkaippa ib naɗippa danab amelagppa nai ii mattima.

Aisaia 42:4

Nug amu hekkunu dabmak nug ooppa dayebeb, aɗitai laa ii qeeb nema; nug ooppa ɠagattag ele doyaya, nug uɗat amu ii uuma. Nug heeb, nai doya mala hettoɗia epeɗia elele mettak kobol am danab ah wan ohppa daatteb, ag kobol amu tonatteb oiglag. Danab ah wan miagnu, wan umanu ele, ag nuhig nai amuppanu ena bekkulagnu dabmak aɗan oiglag,” awa atte.

Eklisiastis 7:5

Danab doyak dabmak ena ele nug na daut bateb, na dabmekkut am ena; amge na danab nug Kayak dab-ii-maama ii dim lamidtte ele, nug ahi ettebeb, na daanna dookkut, am ena iitta.

Eklisiastis 10:12

Danab doyak dabmak ena ele nai maditte amu, nug oo bodoette enanag maɗoɗ ele hak kobol dim lamitta maditte amunu, nuhig nai ele am anam, am doyaknu enanag; amge danab nug Kayak dab-ii-maama ii dim lamidtte ele, nug nai mauhnoak mattiaya uug aotte.

Aposel 19:41

Aria, aabnu ɗo mettak danab nug amelagppa anam awowa he, danab ah amu qatiadppig.