Eklisiastis 9:16 - Nobonob Baibel

¹⁶ Anam amunu, da ami. “Doyak dabmak ena ele am ɠagattag eɗidtte.” Amge danab laa oh ag daɗek danab nug doyak dabmak ena ele, ag haen elab iitta doyak dabmak ena nuhignu ena iinab doon, nuhig nai ele dab-ii-metteb.

Eklisiastis 9:16 Referans Kwoze

Eklisiastis 7:19

Danab laippu nug doyak dabmak ena ele daatte dayeb amu, nuhig ɠagattag am aab okkainu gumak danab eblaih laih ele dilag ɠagattag eɗidtte.

Prowerb 24:5

Danab doyak dabmak ena ele, nug danab ɠagattag eɗidtte. Ao, laa doyak ena ele, nug danab ebehi ele eɗidtte.

Prowerb 21:22

Danab doyak dabmak ena ele nug aab okkai laa, ban hak danab ɠagattag aguppa daatteb amu, nug appa banelag gotte; nug ukka, ban haknu aben ɠagattag ahilag, ag amuppa ena daaglagnu oolagppa genab dootteb, nug amu loppaɗtte.

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

Prowerb 10:15

Danab ah enulag ele ag ahilkad keekenu, “Imuam ihinig aab ɠagattag aɗ ele,” atteb; amge daɗeknab dayak am uug ele, danab ag daɗeknab anam daatteb ele, ag nena qena autna aotteb.

Prowerb 8:14

Danab ulum nai ena mettak, aria epeɗia ha dabmak ena awak ele dahilppa daattep. Ge, diignu doyak tutukku, amu ɠagattag ele dahilppa daattep.

Eklisiastis 7:12

Aɗinu? Men doɗo danab ehanidtte, amubia doyak dabmak ena ele am ele danab ehanidtte; anam amge men doɗo danab ehanitteb, bau daakkunu elele iitta. Danab nug doyak dabmak ena ele, doyak dabmak ena ele amuam danab amu ehanitteb, bau daya oikkunu elele.

Eklisiastis 10:10

Na hebeb ii uɗigppe, aeg iitta daakku dayeb amu, na wagai mena, keeke okulkkut; amge na doyak dabmak ena ele aɗan, keeke hekkut dayeb amu, uɗat amuam pehettak gokku.