Eklisiastis 9:12 - Nobonob Baibel

¹² Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Eklisiastis 9:12 Referans Kwoze

1 Tesalonaika 5:3

Danab ah ag, “Haen ena aakku beum, ig maɗoɗ ena daagnig,” abeppeg, haen amuppanab keeke eheɗ, ag heeb nauhkkulagnu, ahilagppa bekku. Keeke eheɗ amuam ah nug nid aokkunu guittak paha bette, amubia beeb dooglag. Danab ah ag keeke eheɗ amu ii qe-eɗidmana.

Prowerb 29:6

Eheɗ hak danab nug hipunin hette amu, hipunin amu ag pelem bia daaegeg, doɗ pelemppa tette bia, danab nug pelem amuppa tette; amge genab tutukku hak danab ag ahi ettanna, gamag ahak dootteb.

2 Timoti 2:26

Anukka Satan danab amu ag nug dim lamidkkulagnu nuhig aɗppa maattom, amge Kayak Nug heeb, ag oolag eɗueb, ag nai genab doona, ag kobol ena ele doona amu, ag baula nuhig aɗppa ii daamna.

2 Korint 6:2

Kayak Nug atte. “Haen da ii helom bia me da na ehanidkkulnu doyeye, da nahip unuqittak doyen ehanidmi. Ao, ehanitteb padal ii mak haenppa amu, da na ehanidmi,” awa aum. Doyeg! Gemu am Kayaknu ii helobia me ehanigtte haen. Gemu Kayak Nug eɗua awigkkunu dabmette.

Prowerb 6:15

Diig amunu uug naunab nuhigppa pahanab bekku. Ao, nug nauhak pahanab antta, padal meeb, babaittaknu ib laa ii daama.

2 Pita 2:12

Amge hambuppuak ippunittak danab ag am keeke ii doottebnu dabittak nai maditteb. Ag am doɗ dabmak iitta ele daatteb bia daatteb. Ag am doɗ dakkuɗ ag aɗi aɗi hekkulagnu daatteb amu, ag dabmenan ii hetteb. Iitta. Ag hakib hetteb, amubia ippunittak danab hambuppuak imu ag anam hetteb. Ag am doɗ pelemppa aɗualadta, aqadkkunignuib menuattak bia daatteb. Ag geha doɗ dakkuɗ bia padal mekkulag.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

Luk 12:39

Ag keeke imu tutukku antteg! Lag mameg nug haen adekkuppa yabhok danab uɗikku doolo, nug heeb, yabhok danab nug laug loppaɗa, lag ooppa ii nolo.

Luk 12:20

Nug dabmak nuhigppa anam aum, amge Kayak Nug amegppa aum. ‘Na am Kayak dab-ii-maama ii dim lamittak danab! Gemu tuqan imuppanab amu, na mauhkkut. Anam am, keeke oh na bappaidme daatte amu, aun nug aokku,’ awa aum?”

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Eklisiastis 8:11

Danab eheɗ hena, ag paha bu ii aotteb dayeb, danab oh ag hibguitta henana, kobol eheɗ digdig hekkulagnu dabmetteb.

Sam 11:6

Am kalu laa huana eotte onig salpa ewawa, ad ewatte nauhtteb, amu ulah gakkaɗak iwala, ad bau he qaɗaiedatteb, amubia Yawe Nug geha nau hak danab bu madakku.

Eklisiastis 3:19

Doɗ bia danab ah ag mauhtteb. Danab ah, doɗ ele oh am ib laippuib dim lamidtteb. Laa mauhtteb, amubia laa ele mauhtteb. Ag oh bau dayaknu ouɗi am laippu. Kobol amunu danab ag doɗ ii eɗadtteb. Diig amunu keeke oh am gaɗappa, unuqagppa ele anttak laippu iitta.

Eklisiastis 9:13

Amu deɗ laa danab aam waappa daya, nug doyak dabmak ena ele, nug nuhig doyak dabmak ena ele amuppa keeke okkai heum antten, da ittag okkainab iwom.

Aisaia 24:18

Am inam bekku. Danab nug haen naunu nai doya, nug haen nau amu ii aomanu nug oolkku amu, geha nug moɗ hayagppa nokku. Aria, ⌊haen amuppa⌋ laa nug moɗ hayagppanu ba oola ukka amu, geha pelemppa tekku. Amu haen amuppa hab od oh geha matuleb, le gokkaɗa, wanppa neebeb, geha wannu ukku uɗalkku.

Hosea 9:8

Propet ag Yawenu ehanittakppa, Israel dilag aɗi uɗitte anittak danab daatteb. Ag anam daatteb me, Israel danab ah ag propet ippulag ohppa pelem metteb. Ao, ahilag Kayaknu mettid lag, amuppa ele, danab ah ag propet dilagnu kekeɗ metteb.

Prowerb 24:22

Aɗinu? Yawe, king ele aa hepeɗ, nauhak pahanab nai tappe nak danab dilagppa uɗikku; amu auntai laa nug Yawe, king ele, aa danab ah amu bu gane mattaglahnu dootte.

Eklisiastis 8:8

Danab laa nug ulah attem attem hekkunu ɗo medakkunu elele iitta; amubia danab laa nug mauhkkunu deɗ nuhig ii gumatte. Ban haenppa danab okkai nug laa amegppa, “Na oot heeb, na eɗun lakka gona, hamu daakkut,” ii atte; amubia danab nug hak naunu ena doya, doyaya tuɗidib heebeb, hak nau amuam danab amu ii paɗama.

Esekiel 32:3

Amu Naɗi Yawe Nug inam atte. “Da heppi, danab kuɗum ag uhui dahil buɗippeg ukkeb, na uhui amuppa daappe, ag na leppanu uhuippa eeɗidppeg bekkut.

Hosea 7:12

Amge da geha ag gobeppeg, da uhui dahil ein diiadkkul. Ge, da ag ai hagagaɗna gonana, pelemppa waeg, uhui mameg diitte, da ahilagppa anambia hekkul. Yo, ag aɗi kobol nau heppig amu, da amunu bu aqadkkul.