Eklisiastis 9:10 - Nobonob Baibel

¹⁰ Na gemu bau daattem amu, na haen imuppa aɗi uɗat hekkutnu anidkkut, na nahip ɠagattag ohppa he! Aɗinu? Na moɗppa gokkutnu oittem amu, appa danab laa nug uɗat laa ii hette, nug keeke laa hekkunu maittak ii aotte, appa doyak laa ii daatte, doyak dabmak ena ele laa ii daatte.

Eklisiastis 9:10 Referans Kwoze

Kolosi 3:23

Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!

Epesus 5:16

Ag amu dabmenana, gemu am haen nau amunu, ag uɗat ena hekkulagnu laa dayeb anidna, ag aib uuppig. Ag haen aguppanab heig!

Rom 12:11

Amu ag aib bahilag yom. Iitta! Ag Kayak Ouɗinu ehanittakppa yagbak doon, Naɗinu uɗat pehettak hekkulagnu ag oolag metteg!

Sam 6:5

Aɗinu? Laa nug mauhom amu, nug nahipnu daugppa ii dotte. Ge, aun nug moɗppanu na binan mekkun elele?

1 Korint 9:24

Danab ag qaiqaɗ gona, nug eɗid eɗid hetteb ele, ag oh qaiqaɗ gotteb, amge danab laippuib nug nob ena aotte, ag iite dootteb? Aria, ag ele qaiqaɗ gonana, laih laih aib neegppig. Iitta! Ag nob ena aoglagnu aakkuib dabmenana qaietteg!

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Jeremaia 29:13

Ag da aniɗna dim lamiɗkkulagnu mattiɗkkulag, amu ag meulag ohppa amu henana, ag da aniɗkkulag.

Matyu 6:33

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 9:26

Amunu da dakka qaiqaɗ gottem amu, da ugekke, eɗue laih laih neekkekke ii gottem. Iitta. Da amel amu tutukku neekki ukke, nob ena aokkulnu daatte amu andette gottem. Da danab laa nug eppeg bitakka, laa makkuɗkkunu he, eppeg nug etta, laih laih ukke, ulahib otte, amubia da ii hettem. Iitta. Da uɗat dahil tutukku hettem.

Jon 9:4

Amahlak aakku daatte amunu ig laa, Nug da meiɗe uɗimi ele amu, ig nuhig uɗat hekkunigoitte. Gatatu nekkunu haen aakku malatte, gatatu neeb amu, aun laa nug uɗat ii hema.

Jon 4:34

Ag anam mattieg amu, Jesus Nug aum. “Laa Nug da meiɗe uɗimi ele, da nuhig dabmaknab awak hekkulnu, da nuhig uɗat oh hein malakkulnu, amuam ee dahil.

Eklisiastis 11:3

Lombigppa gu huana daatte dayeb, gu wanppa nette; ad laa qiia ukka wanppa niitte amu, ad amu qiia ukka dayomppa aakku niitte. Am yau uɗitteppanu ad qiia ukka niitte amu, yawalti uɗitteppanu aakku niitte. Yawalti uɗitteppanu ad qiia ukka niitte amu, yau uɗitteppanu aakku niitte.

Nehemaia 4:2

Nug awa awa iqaaqa, nug laikkud amelagppa, Samaria dilag daup ele amelagppa aum. “Juda danab imu, ebehilag iitta ele, ag attem dabmena hetteb? Ag eɗun, aɗ hekkulagte? Ag eɗun, doɗ manadna, ahilag Kayak mettaglagte? Ag uɗat dabmetteb ele am paha malaglagte? Ag men kekeɗ loppaɗeg nena, aab ewakppa nauhppig, kinipan ameg okkai hume tak niitteb amu, ag amu eɗun aon, keeke laa hekkulagte?” awa aum.

Nehemaia 4:6

Ag anam appig, amge Juda danab ag uɗat amu hekkulagnu meulag oh medappig amunu, ag wagai meegeg, aɗ amu oh attan taata, gamagppa teum.

1 Stori 22:19

Anam amunu, gemu ag Yawe, ahilag Kayak, ag meulag ohppa Nug anidna dim lamidkkulagnu Nug mattieg! Ag Yawenu Tituanak Nainu Kunup kontrak inak ele aon uɗin, Nug laugppa mekkulagnu, ag keeke laala Kayaknu tituanak daatteb, ag amu ele aon, Nug laugppa mekkulagnu amu, ag ahan, Yawe Kayaknu mettid lag digmeig! Ag lag hekkulag amu, lag amuam Yawenu, Nug onig aguppa daakku,” awa aum.

1 Korint 16:10

Timotinu amu, nug Naɗinu uɗat da hettem amubia hette ele amunu, nug ahilagppa ta dayebeb, ag tutukku dabmeppeg, nug geha oo maɗoɗ ele ag oolagppa dayaɗ!

Nehemaia 2:12

da danab laib laib laa ele ig tuqan ahat, ⌊aabnu aɗ nauhak dayeye anidkkunignu⌋ gomut. Da laa amegppa Kayak he, Jerusalemnu aɗ bappaidkkulnu dabmettem amu, da laa amelagppa amunu deɗ laa nakok laa ii mattimi. Iitta. Dabmak amuam da oolppaib dooiyi dayom. Am ig tuqan amuppa gomut ele amu, ag da ele laippu gomut; ag baelagppa oiyegeg, da dakka donki attan oimi. Ig hos o donki laala akkat ii gomut.

1 Stori 28:20

Amu Dawit nai imu ele Solomon amegppa aum. “Na ɠagattag daan, ootppa ele ɠagattag doon, uɗat amu he! Yawe Kayak, dahil Kayak, Nug na ele daattep amunu, na aib baɗame. Na dabmak qe nak ele aib doome. Na lag amu, danab ah ag appa Yawe noobppa dup nona Nug binag mekkulagnu daakkunu, amu lag amunu keeke ele babaittak daakkunu, na lag amu heppe ukka ukka, gogppa tekkunu, Nug ii uuidma; Nug ehanidkkunu dabmak ii paɗama.

Namba 13:30

⌊Danab ah ag lokkumakppa atu italak danab ag mattieg doona, ag huana baɗappig,⌋ amge Kalep nug Moses noobppa, danab ah toettan daaglagnu anana, nug aum. “Yawe Nug ehanigkku amunu, ig hekkunignu elelenab. Anam amunu, ig gota, wan amu, ig aguppa daagnignu aotu!” awa aum.

Genesis 37:35

Nug bekkod, aɗekkud ele ag nug noobppa gona qagmena, oo maknu nai madippig, amge Jakop nug ahilag oo maknu hak dab-ii-mettom. Nug dab-ii-maama, nug aum. “Iitta! Da ukken, Josep moɗppa daatte, amubia da moɗppa daakkul,” awa aum. Nug Josepnu huan gayom.

1 Samuel 10:7

At amu oh nahip-ppa beeb amu, na aakku dookkut, Kayak Nug na ele daattep amunu, ⌊na nuhikkud danab ah tutukku gumadkkutnu⌋ aɗi uɗat laa anidkkut amu, na aakkud he!

Job 21:13

Nau hak danab ag keekenu elelenab daan, ee le ele lanana, gamag ahak ele dootteb; ag anam heeg ukke ukke, ag mauhna, boumak abenppa maɗoɗ ele gotteb.

Aisaia 38:10

“Da ⌊oɗe mein, da⌋ inam ami. ‘Da danabnab dayeye, da kaino ii memi, haen imuppa da mauhkkulnu daattem. Da keeke okkainab, uɗat laa, uɗat dahil laa oh eɗittak hekkulnu daattem, amge yab danab laanu keeke yab aotte, amubia mauhak am dahil haen yab aweb, da mauhen, uɗat amu ii hepan daattem.

Job 10:21

Ao, haen elab iitta da wan imu uuen, da aben laa danab appanu eɗua ii uɗitte ele, da amuppa gokkul. Aben amuam aben gatatuib ele; am aben amahlak ii watte ele.

Job 10:22

Aben amuam gatatu ele, tuqan gatatunab bia; appa amahlak ii daatte, keeke oh mauhnoak daatte; Appa amahlak daalo, amu ele gatatu daalo.’ ” Job nug anam aum.

Prowerb 3:28

Na gemu keeke eppenppa dayebeb, mudippan layap medakkut dayeb, na aib, “Butti eɗun uɗippe medakkul,” ame. Iitta. Na gemu aakkude mette!

Matyu 20:7

Anam a amu, ag nai nob mena appig. ‘Danab laa nug ig uɗat laa ii mekkom,’ aon appig. Ag anam aeg, nug ag amelagppa aum. ‘Ag ele grep dad dahilppa gona, uɗat heig!’ awa aum.

Jon 5:4

((Ag le amemɗul mettak ameg mena daadttappig. Haen laala engel nug le amuppa na, le amu amemɗul medattom. Le amemɗul mettak male amu, aria danab aun nug tatam anuqa leppa nottom, nug oɗe nuhig attemutai ele amu, haen aguppa nug ena daattom.))