Eklisiastis 9:1 - Nobonob Baibel

¹ Da amu oh anidmi amunu, da dabmei ukke ukke, da genab tutukku hak danab, danab doyak dabmak ena ele oh, ahilag hak oh ele Kayak eppegppa daatte anidmi, amge laa nug bau dayak nuhigppa danab ah ag nuhignu oo mauhak dooglag, o iitta ag nuhignu nau ninig ele dooglag amu, nug ii dootte.

Eklisiastis 9:1 Referans Kwoze

Duteronomi 33:3

Amu genabnab, Yawe Nug nuhikkud danab ah dilagnu oo mauhak dootte. Yo, nuhikkud tituanak daatteb oh ag Nug eppegppa aakku daatteb. Ag nuhig hak amu dim lamidnan, nuhig ib ippunittak nai ele dim lamidtteb.

1 Pita 1:5

Amu ahilag ooppa genab doyakppa Kayak Nug nuhig ɠagattagppa ag atognoadtte. Nug ag atognoatteb ukkeb, ehanittak okkai ahilagnu Nug babaittom daatte amu, gog tak haenppa ag aoglag.

Eklisiastis 8:14

Keeke laa ele gaɗappa, unuqagppa ele anttak laippu iitta ele; keeke amu ele wanppa daatte. Amuam genab tutukku hak danab ag deɗ laala nau hak danab nob aolob bia ag aotteb; amu deɗ laala nau hak danab ag genab tutukku hak danab nob ena aolob bia aotteb. Kobol amu ele am gaɗappa, unuqagppa ele anttak laippu iitta.

Job 12:10

Doɗ oh ag Nug eppegppa daaegeg, Nug a, ag bau daatteb. Nug a, ag mauhtteb. Ao, danab ah oh ele, Nug ag ulah matte, ag bau daatteb. Nug ii madatte amu, ag mauhtteb.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Aisaia 26:12

Ig aɗi uɗat ena hemut ele amu, na ihinig uɗat amunu ulum mekkae, ena beum amunu, O Yawe, na heppe, nahip maɗoɗ ihinigppa ba daakku, ⌊da oolppa genab doottem⌋.

Prowerb 16:3

Na aɗi keeke hekkutnu ⌊dabmettem⌋ amu, na keeke amunu hak Yawe eppegppa me; ⌊na amu hekkut dayeb amu,⌋ Nug heeb, amu haknu maittak nahip am ena beeb, maittak amuam meu okku.

Sam 31:5

O Yawe, da ouɗil na eppenppa mettem. O Yawe, na Kayak, na doyak diig genabib ohnu diig daattem. Na da qagaiettakppanu eɗua uhuqak hena meɗakkutnu oɗ medattem.

1 Samuel 2:9

Yawe Nug nuhikkud danab ah ag nuhignu oo metta ii uuak kobol dim lamidtteb ele am atognoadtte. Ao, Nug he, nau hak danab ag gatatu ooppa daanna mauhtteb. Aɗinu? Danab ag akka, ag ahilag ɠagattagppa ena ii daatteb.

Eklisiastis 10:14

Danab nug Kayak dab-ii-maama ii dim lamidtte ele nug nai huan huan maditte, nug nai mattiaknu ii uutte. Laa nug butti aɗi, haen amuppa aɗi kobol bekkulagnu daatteb amu, laa nug amu ii dootte; amu laa aun nug oiyaya mauheb, amu dimppa nug aɗi bekkun daatte laa amegppa ab dokkute?

Eklisiastis 8:16

Amu haen da doyak dabmak ena elenu diig dookkulnu, da danab ah wanppa aɗi aɗi uɗat ii niinna henan daatteb ele anidkkulnu heinne amu,

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Eklisiastis 1:17

Da amunu da oolppa awoya, da dakka, da doyak dabmak ena elenu diig dokkulnu, da Kayak dab-ii-maama hak okkai, da kobol amunu diig ele dookkulnu dabmein, da digmein amu hekkulnu hemi. Da anam hemi, amge amu ele am danab nug ulah aɗakkunu ulah dim lamidtte bia daatte anidmi.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Sam 10:14

⌊Amge,⌋ O Kayak, na hanhan laa nug layag guittak medatte, na amu anidttem amunu, na ag heppig amu, na anidna malame. ⌊Diig amunu amu,⌋ danab ah bodoettak ag nahipnu oolagppa genab dootteb. ⌊Amu diig amunu ele,⌋ na nid anilkad mamelkad mauhppig ele, na amu dilag aɗ itak daattem.

Job 5:8

Anam, amge Job, da nahip abenppa daalom, da inam helom. Da Kayak dahil nai dookkunu oo doyak ele oɗ mettalom. Ao, da keeke oh dahilppa beum miagib Nug amegppa appi doolo.

Sam 119:109

Kekeɗ ag da hanhan iuglagnu hetteb, amge da nahip ɗonu ii daul atima.

Eklisiastis 9:6

Mauhak dimppa amu, ag wanppa daan, oo mauhak doyak, laa dilagnu, nau ninig ele doyak, ag dahil doya laa aomanu doyak aɗa dayaknu ele dooppig amu, keeke amu oh aakku iitta meum; baula ii daama. Ge, danab ah mauhppig ele ag baula keeke laa aam waappa ba gotte ele, ag amu ooppa daan, amuppa keeke laa hekkulagnu elele iitta.

Jeremaia 43:6

Ag amu diieg goppig. Aria laa amu, Nebusaradan, nug Babilon dilag daup Nebukatnesar gumappig dilag okkai, nug danab, ah, nid naunau laa, amu Juda dilag king aɗekkud ele Ahikam bekka Gedalaia, Sapan alag, nug ag gumadkkunu eppegppa meum. Amu Johanan aɗi, ag danab, ah, nid naunau, king aɗekkud amu ele diin gonana, ag propet Jeremaia, amu Neria bekka Baruk aa ele diiatteg goppig.

Job 27:12

Ag matu amu oh anidna malappig. Anam amunu aɗinu ag nai hamu laala huana maditteb?

Eklisiastis 8:7

Danab laa nug butti aɗi, kobol aɗi bekkunu daatte ii dootte; diig amunu auntai laa nug keeke attem gokku anidkkunu elele iitta.