Eklisiastis 8:9 - Nobonob Baibel

⁹ Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Eklisiastis 8:9 Referans Kwoze

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Eklisiastis 5:13

Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Eklisiastis 7:25

Anam, amge da doyak dabmak ena ele aokkulnu wagai mein daami; Da diig aɗinu wan imuppan keeke oh ippu godeppa, anam ba gotte amu, da amu ele dookkulnu wagai memi. Laa amu, da nau hak kobol am kaaka, da amunu diig dookkulnu hein; da Kayak dab-ii-maama hak kobol ele am kaaka, da amunu diig ele dookkulnu hemi.

Eklisiastis 3:10

Uɗat laala Kayak danab ah mattom amu, da anidmi.

Eklisiastis 1:14

Da keeke oh danab ah ag ⌊beɗu ehanittaknu⌋ aam waappa henan daatteb anatten malami, amu keeke amu ohnab am gaɗappa, unuqagppa ele anttak laippu iitta; amuam danab nug ulah aɗakkunu, ulah dim lamidtte, am amubia.

Duteronomi 2:30

Da nai amu mei ukke doyom, amge Hesbon dilag king Sihon nug ig anam hekkunignu uuom. Aɗinu? Yawe, ahilag Kayak, Nug ag ehanatteb, ag Sihon eɗidkkulagnu, Nug he, Sihonnu dabmak aakku ɠagattag eppe, hibguitta heum. Sihon nug ag wan nuhig oppatna gokkulagnu uuom me, ag gemu dootteb bia, Yawe Nug ag ehanatte, ag nug eɗidppig.

Eksodas 14:28

Yawe Nug anam he, yu eɗua pana na, Paronu ban daup ag bannu karis attan daan, ban heppig, daup ag hos attan daan, ban heppig ele, daup oh ag Israel dim lamadna yu gamagppa nona ukkaegeg tonattom. Laippu laa ii dayom; oh mauhppig!

2 King 25:7

Ripla appa, Babilon dilag king nug a, Sedekaia amegppa anattette, ag bekkod oh aqaeg mauhppig. Anam heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag nug aon, Babilon wanppa goppig.

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 7:7

Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte.

Eklisiastis 5:7

Dabmak hamu hamu awakppanu nai mattiak okkai bette, amu diig amunu na Kayaknu ebehin oh bodoetta le maɗ!