Eklisiastis 8:8 - Nobonob Baibel

⁸ Danab laa nug ulah attem attem hekkunu ɗo medakkunu elele iitta; amubia danab laa nug mauhkkunu deɗ nuhig ii gumatte. Ban haenppa danab okkai nug laa amegppa, “Na oot heeb, na eɗun lakka gona, hamu daakkut,” ii atte; amubia danab nug hak naunu ena doya, doyaya tuɗidib heebeb, hak nau amuam danab amu ii paɗama.

Eklisiastis 8:8 Referans Kwoze

Sam 89:48

Auntai laa bau dayaya, ii mauhma. Ao, auntai laa nug nukka nug heeb, nug moɗppa ii noma. Sila.

Job 14:5

Danab nug wanppa haen gane daakku amu, na Kayak, na keeke amu matu dabmena malame. Ao, nug kalam gane wanppa daakku amu, na amu aakku ana malame. Ge, na amunu ae, nug haen amu eɗidkkunu elele iitta daatte.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Aisaia 28:15

Ag atteb. “Ig Mauhak ele nug tituanta nai qakkamut. Ao, ig mamak aben ele nai mattita, nug tituanta nai qakkamut amunu, uug nau okkainab laa ihinigppa bekkunu haaha, ii iqama. Iitta! Qe-eɗikka gokku,” atteb. Ag laa ele atteb am, “Ig heut, kayak hambuppuak ag ihinig padal mak eɗitteb ena dayaknu ehanittak daatteb. Ao, ig heut, kayak hambuppuak ag ihinig lokkuma dayaknu aben bia daatteb, ⌊amunu uug nau, okkainab amuam ihinigppa ii bema⌋,” aon atteb.

Eklisiastis 3:21

Amge doyak imu daatte; danab dilag ouɗi attan tette, doɗ dilag ouɗi honap, wanppa notte.” Da anam dabmemi.

Prowerb 14:32

Haen uug naunab laa uɗitte amu, nau hak danab ag padal metteb; amge genab tutukku hak danab ag ahilag mauhak haenppa, Kayak Nug padal mak eɗitteb ena dayaknu aben bia ahilag daatte.

Sam 9:17

Am nau hak danab ag Kayak ele ii daamna. Iitta! Ag mamak abenppa daaglag. Ao, wan imuppan wan ohppan danab ah ag Kayaknu daulag atitte ele amu, ag ahilagppa anam bekku.

2 Korint 13:4

Genab, anukka Nug danab beɗu, danab beɗu gai-iitta daatte, amubia Nug beɗu am ɠagattag iitta, Nug danab beɗu awa daye amu, ag Nug ad emaitakppa atulppig, amge Kayaknu ɠagattagppa gemu Nug bau daatte. Amu ig ele danab beɗunig ele daattem amunu, ig ele ɠagattag iitta, amge Kayaknu ɠagattagppa ig Nug ele bau daattem amunu, geha ig nuhig ɠagattagppa ag oolagppa uɗat hepput, ag ehanittak aoglag.

1 Korint 15:43

Beɗu ig boumttem amu, nug keeke binag ele iitta; beɗu Kayak he eɗua hippaidtte am binag amahlak oppiaawak ele. Beɗu ig boumttem, nug am ɠagattag iitta. Beɗu Kayak he eɗua hippaidtte amu, nug am ɠagattag.

Aisaia 28:18

Ag Mauhak ele nug tituanna nai qagappig daatte amu, da nai amu heppi nauhkku. Ao, ag mamak aben ele nai mattin, nug tituanna nai qagappig amu, da heppi, nai amuam na qekku amunu uug nau, okkai amu uɗieb, ag nauhna autnanab aoglag.

Job 34:14

Kayak Nug danab ha, noobppa ulah iwale, bau dayom amu, Nug oo heeb, ulah amu, nuhig Ouɗi ele eɗua aokku dayeblob,

2 Samuel 14:14

Le wanppa gokkaɗe, iitta me, danab nug eɗua aokkun elele iitta, amubia ig oh mauhkkunigoitte, amge Kayak Nug haen oh danab mauhkkunu daatte he ii mauhtte. Iitta! Nug heeb, danab ah ag nuhigppanu uma daatteb ag eɗun dona, Nug gumidna daaglagnu ib maditte.

2 King 7:15

King nug he, nuhikkud danab ag gona, Aram goppig baelag mattan gona, Jodan leppa batappig. Ag baelag mattan gonana, ibppa Aram ag paha gokkulag henana, ag keeke kuɗumnab mauhnoak akkaeg ukkom niiegeg anidppig. Ahilag ban lamen, am keeke laala ele. Anttona, ag eɗun gona, king amegppa appig.

Eklisiastis 8:13

Nau hak danab ag Kayaknu ebehilag oh bodoetta le ii mette amunu, ag ena ii daamna. Ag haen elabnab bau ii daamna.

Prowerb 12:3

Danab nug nau hak haaha, nug ena, ɠagattag daakkunu elele iitta; amge genab tutukku hak danab nug am ad diɗi ena ele, ɠagattag daatte, amubia daatte.

Eklisiastis 9:12

Anam amunu, danab laippu laa nug uug atten nuhigppa bekkunu daatte haen ii dootte. Danab nug uhui kakai guittak madatte ele me, kakai appa notteb. Ao, danab nug uhui aihe, ai appa notteb, amubia haen eheɗppa uug danab dilagppa betteb; ag dabmeegeg ii betteb. Iitta. Uug nug mauhnoak, nuhig haenppa laippun bette.

Aisaia 47:10

Ag nau hak kobol ahilag dimugppa, guppiɗ dimugppa dayak bia, ag anam daanna, ag, ‘Laa ii anigtte,’ adappig. Ahilag doyak dabmak ena ele, ahilag doyak ele am eheɗ dayaya he, ag ib ena apiɗidna, eheɗ gonana, ‘Igib danabnab daattem. Laa oh am hamu. Ig bia laa ii daatteb,’ appig.