Eklisiastis 8:5 - Nobonob Baibel

⁵ Aun nug kingnu haknunab anak dim lamidtte amu, nug guittak laa ii aoma; amu danab nug doyak dabmak ena ele, nug aɗi keeke hekkunu, nug amu haknu haen, amu haknu ippu ena ele dootte.

Eklisiastis 8:5 Referans Kwoze

Hibru 5:14

Amge ee ɠagattag am danab kalulag ele, ahilagnu daatte. Danab anam amu, ahilag dabmak am okkai meum, ag dabmak elele aon oitteb amunu, ag kobol ena, nau ele epeɗin dooglagnu elele.

Aposel 4:19

Ag amelahppa anam appig, amge Pita, Jon ele aa apiɗ. “I Kayak nai imu uuɗa, ahilag nai dim lamidkkunih dayeb amu, Kayak Nug keeke amunu ena awa akkute? Ag tutukku anidna dabmak aweg!” aoya apiɗ.

Luk 20:25

Anam aeg, Nug ag amelagppa aum. “Aria, ag Sisarnu keeke Sisar mettaglag, amge Kayaknu keeke ag Kayak metteg!” awa aum.

1 Stori 12:32

Isakar buɗubppanu am danab okkai 200. Ag Israel danab aɗi aɗi hekkulagnu, haen adekku ag hekkulag am ele dooppig. Danab 200 amu, laa ag ele tiilag laippu ele, ag ag waalagppa daappig amu, ag oh uɗippig.

Aposel 5:29

Nug anam a amu Pita nug totol danab 12 ele ag oh eɗun appig. “Kayaknu nai, amu danab dilag nai ele aa laippu iitta daattep dayeb amu, ig Kayak nai dim lamidkkunigoitte.

Hosea 5:11

Israel danab ah ag kayak hambuppuak dottolkad noolagppa dup nona binalag menan daan, uuglagnu uuppig oitteb, amunu geha kekeɗ ag eheɗ hattaglag. Ge, ag dahil bu mettak mattaglag.

Eklisiastis 10:2

Danab nug doyak dabmak ena ele, nug ib ena awa oikkunu daatte; danab nug Kayak dab-ii-maama ii dim lamidtte ele, nug ib eheɗ awa oikkunu daatte.

Eklisiastis 8:2

Na king oɗe dim lamidkkutnu Kayak noobppa daanna, na nahip nai ɠagattag qettan mattime amunu, na kingnu haknunab anak dim lamitte!

Eklisiastis 2:14

Danab nug doyak dabmak ena ele nug danab ameg ena ele oitte bia daatte; danab Kayak dab-ii-maama ii dim lamidtte ele nug danab ameg gaɗuak, gatatuppa oitte bia daatte. Anam, amge da keeke laa ele aakku dabmemi. Amuam danab Kayak dab-ii-maama ii dim lamidtte ele nug mauhtte; aria danab doyak dabmak ena ele amu, nug ele mauhtte.

Prowerb 17:24

Danab nug diignu doyak tutukku ele nug hanhan doyak dabmak ena ele aɗi ippunidtte, nug amu dabmetta autanab aotte; amge danab nug Kayak dab-ii-maama ii dim lamidtte ele, nug anam iitta, nug dabmak hamu hamu aotte.

Eksodas 1:17

Isip dilag king nug anam aum, amge ah aɗit amu, aa hanhan Kayaknu ebehilti oh bodoetta le mettom amunu, aa Isip dilag king aum bia ii heya, aa nid danab ii aqadpiɗ. Iitta. Aa uuatteh, bau daappig.

Kolosi 1:9

Deɗ i nai amu doomuɗ, deɗ amuppa i diig amunu Kayak ag ehanadkkunu digmeɗa unuqidɗaɗa daattep. I ahilagnu daunih ii atitte. I Kayak ag ehanatteb, ag nuhig dabmaknab awak attem daatte dooglagnu, Kayak Ouɗi Nug ag doyak dabmak ena ele, amu oo maittak ele oh ag matteb, ahilag dabmakppa daakkunu unuqidttep.

Sam 119:6

Da ool ɗo nahip dim lamidkkulnu ɠagattag dayeb, da ele nahip ɗonu dabmein hekkul dayeb amu, da uɗa nak ii aopa.

Prowerb 12:21

Nau hak kobol am genab tutukku hak danab ii aɗama; amge nau hak danab ag hak nau kuɗumnab hetteb.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.