Eklisiastis 8:17 - Nobonob Baibel

¹⁷ haen amuppa da keeke oh Kayak heum anidmi. Aam waappa keeke oh ba gotte amu, danab laa nug amu oh dookkunu elele iitta. Danab nug wagainab ma, diig dookkunu hekku, amge nug diig oh tutukku dookkunu elele iitta. Danab nug doyak dabmak ena ele nug, “Da amu oh doottem,” akkutai, amge nug genab diig oh tutukku dookkunu elele iitta.

Eklisiastis 8:17 Referans Kwoze

Eklisiastis 3:11

Nug he, keeke haenppanab ag betteb, amu keeke amuam anttaknu enanag aakkuib. Nug ele danab ah oolagppa ag hanhannu keeke dooglagnu dabmak mattom daatte, amge ag Kayak Nug digmakppa aɗi heum, batakppa aɗi hekku amu, ag keeke amu oh dooglagnu elele iitta.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Sam 73:16

Anam dayom amunu, da amu oh dookkulnu hemi, amge amuam elele iittanab dayom.

Aisaia 40:28

Ag Yawe, Nug Kayak hanhan daatte, Nug wan atu oh, amuppan keeke oh ele heum amu, ag amu iite dootteb? Ag amu daulagppa iite dooppig? Yawe Nug beɗu bahi ii yaatte; beɗu bodo-ii-edatte. Nuhig diignu doyak tutukku amu, laa nug oh dookkunu elele iittanab iitta.

Job 5:9

Nug kobol danab hekkunu elele iitta, ig danab ig amunu diig tutukku doognignu elele iittanab daattem amu, Nug kobol amu Nug hette. Ge, Nug kobol danab hekkunu elele iitta kuɗumnab, ebaqaknu elele iitta hette.

Eklisiastis 11:5

Na nid nug anig ooppa daye, nuhig bau dayaknu ouɗi attem ukka, nuhigppa daatte ii doottem; amubia na Kayak, keeke oh he bette ele amu, na nuhig uɗat buttinu amu anidkkutnu elele iitta.

Sam 40:5

O Yawe, dahil Kayak, na keeke kuɗum, danab amu hekkunu elele iitta, na aakku heme. Ao, na keeke ena ena kuɗum ihinignu maidme amu, laa nug keeke amu ohnu eɗua, na amenppa ab dookkutnu elele iitta. Keeke na hekkutnu maidttem am huanak, ebqaknu iitta amunu, da ma anttak hein, da laa amegppa keeke amu ohnu akkulnu hekkul dayeb amu, da elele iitta. Am keeke kuɗum, huanak ele.

Sam 104:24

O Yawe, na keeke digdig kuɗum hattame! Na nakka nahip doyak dabmak ena okkai amu uɗat mettan heme! Na keeke amu hattana hee, wan atu ohppa doɗ, amu keeke laa oh ele ambak daatteb.

Eklisiastis 1:13

Amu tatam da dakka, da danab doyak dabmak ena ele ag keeke dooglagnu henana, aɗi kobol oh dim lamidna henan keeke dootteb amu, da kobol amuppa keeke oh wan imuppa heeg bette ele dookkulnu dabmein, amu anam hekkulnunab digmemi. Da amu hein, da Kayak Nug uug okkainab ig danab ah mekkom anidmi.

Eklisiastis 7:13

Kayak aɗi aɗi heum amu, ag dabmetteg! Aɗinu? Nug aɗi keeke he, kaliak daatte amu, aun laa nug heeb, tutukku daakkunu elele?