Eklisiastis 8:14 - Nobonob Baibel

¹⁴ Keeke laa ele gaɗappa, unuqagppa ele anttak laippu iitta ele; keeke amu ele wanppa daatte. Amuam genab tutukku hak danab ag deɗ laala nau hak danab nob aolob bia ag aotteb; amu deɗ laala nau hak danab ag genab tutukku hak danab nob ena aolob bia aotteb. Kobol amu ele am gaɗappa, unuqagppa ele anttak laippu iitta.

Eklisiastis 8:14 Referans Kwoze

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Malakai 3:15

Anam amunu, ig inam attem. Beɗuppa tak danab ag itittak ena aon oitteb. Laa ag eheɗ hetteb, ag en okkai aotteb, am laa ag Kayak Nug ahilagnu eheɗ hekkunu, Nug amegppa atteb ele amu, ag uug laa ii anidtteb amunu, ig anam attem. Ag dahilnu anam atteb.” Yawe Nug anam atte.

Eklisiastis 2:14

Danab nug doyak dabmak ena ele nug danab ameg ena ele oitte bia daatte; danab Kayak dab-ii-maama ii dim lamidtte ele nug danab ameg gaɗuak, gatatuppa oitte bia daatte. Anam, amge da keeke laa ele aakku dabmemi. Amuam danab Kayak dab-ii-maama ii dim lamidtte ele nug mauhtte; aria danab doyak dabmak ena ele amu, nug ele mauhtte.

Sam 73:3

Aɗinu? Da beɗuppa tak danab ah dilagnu amu, da ahilagnu amel qe ool elele ii dayom. Yo, da nau hak danab ah, enulag okkai ele anatten, da ahilag keekenu amel qe ool elele ii dayom.

Job 21:7

⌊Amuam⌋ aɗinu nau hak danab ag kaino mena, bau daan oitteb? Ao, aɗinu ag ɠagattag tuɗidna aon, anam daan oitteb?

Jeremaia 12:1

⌊Da Jeremaia, da Yawe inam unuqidmi.⌋ “O Yawe, haen oh da nai laa, na nai amunu diig appe dookkulnu na amenppa attem amu, na kobol tutukkuppaib mehuqe doottem, amge gemu da na nai doya mala hettoɗia epeɗia elele mettak kobol nahipnu oɗ medakkulnu hettem. Am inam. Nau hak danab ag ena daanna, enub kuɗum aotteb. Da amunu diig ii doottem. Ge, danab ag nahipnu oolagppa genab ii dootteb, na ii dim lamidtteb ele, ag uug laa ii doon, elelenab daatteb. Da amunu diig ii doottem.

Eklisiastis 10:5

Aam waappa eheɗ hak laa daatte anidmi; eheɗ hak amuam danab okkai, ag beɗulagppa.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Job 1:22

Uug digdig amu oh Job nuhigppa beum, amge nug hipunin laa ii heum; Kayak eheɗ heum ele nakok laa ii aum.

Job 27:12

Ag matu amu oh anidna malappig. Anam amunu aɗinu ag nai hamu laala huana maditteb?