Eklisiastis 8:13 - Nobonob Baibel

¹³ Nau hak danab ag Kayaknu ebehilag oh bodoetta le ii mette amunu, ag ena ii daamna. Ag haen elabnab bau ii daamna.

Eklisiastis 8:13 Referans Kwoze

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Aisaia 3:11

⌊Amge imu ele dabmenan oiyeg!⌋ Nau hak danab ah dilagnu amu, gadonnab gadon. Aɗinu? Ag hak nau ahilag laa dilagppa heppig, nob amu, ag amuib eɗun aoglag amunu, ag nauhkkulagnu hetteb.

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Aisaia 57:21

“Ge, nau hak danab, ahilagnu amu, maɗoɗ nakok laa ii daatte.” Dahil Kayak, Nug anam atte.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Aisaia 30:13

ahilag hipunin amu heeb, ag nauhkkulag. Men gilil attannab nug gai-iitta, aoɗak ele dayaya, laippun na qette, amubia ag nena qekkulag.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Sam 39:5

Na he, dahil bau dayak haen am tutunab daatte. Nahip neekkakppa, da wanppa bau daattem, bau dayak amunu digma ukka, gogppa tak am keeke ii ba ukkom bia daatte. Ao, danab ah dilag bau dayak haen am tutunab; amuam danab laa nug hik tutuib haen laippuib awom bia daatte.” Sila.

Sam 11:5

Yawe Nug genab tutukku hak danab, nau hak danab ele oh epeɗiadtte. Ao, Nug laa ag lailkad guittak nau mauhnoak mattaknu oolag hette ele, Nug ahilagnu nau ninig ele dootte.

Job 21:30

Amuam inam. Kayak Nug danab ah laa oh bu madakkunu heehe, eheɗ hak danab ag bu ii aotteb. Ao, laa heehe, eheɗ hak danab ag bu awak haenppa bu ii aotteb.

Job 20:5

Kobol amuam inam. Nau hak danab ag wanppa daan, deɗ laala ag gamag ahak dootteb, amge gamag ahak amuam haen tutuib daatte. Ge, Kayaknu nuhig haknu ele uuak danab ag ahilag gamag ahak haen tutuib daatte.

Job 18:5

Danab laa nug lamnu ewak iwale qauhtte, amubia nau hak danab nug iitta mette. Ao, laa lam qauhe ii eotte, amubia nau hak danab nug iitta mette.

Eklisiastis 3:14

Da doottem, keeke oh Kayak heum am hanhan daakku, iitta ii mema. Danab laa nug Kayaknu hakppa keeke laa buuidkkunu elele iitta; laa nug nuhig hakppanu keeke laa hiɗa aokkunu ele elele iitta. Kayak Nug ig nuhignu ebehinig oh bodoetta le mekkunu anam babaittom.

Eklisiastis 5:7

Dabmak hamu hamu awakppanu nai mattiak okkai bette, amu diig amunu na Kayaknu ebehin oh bodoetta le maɗ!

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Eklisiastis 7:18

Na Kayak ippunikkomnuib dabmena, ib gamagppa oikkut am ena; amunu diig am, danab nug Kayaknu ebehi oh bodoetta le mette amu, nug aɗi keeke haknu, nug nuhig dabmak buɗieb ukkeb, hakib hekkunu kobol am uukku.

Eklisiastis 8:8

Danab laa nug ulah attem attem hekkunu ɗo medakkunu elele iitta; amubia danab laa nug mauhkkunu deɗ nuhig ii gumatte. Ban haenppa danab okkai nug laa amegppa, “Na oot heeb, na eɗun lakka gona, hamu daakkut,” ii atte; amubia danab nug hak naunu ena doya, doyaya tuɗidib heebeb, hak nau amuam danab amu ii paɗama.

Aisaia 65:20

Haen amuppa da heppi, nid laa doa, haen tutuib dayaya, ii mauhma. Ge, ⌊gemu laa hetteb amubia⌋ danab laa nug kaino ii meum ii mauhma. Amu laa nug maɗ 100 dayaya mauhlo amu, laa ag nuhignu, ‘Nid bau aakku mauhom,’ dabmelob. Genab, laa nug maɗ 100 ii aolo dayeb amu, laa ag nuhignu, ‘Nug hipunin he, Kayak he, nug mauhom,’ alob.

Sam 37:1

Nau hak danab ag ena daaglagtai, amge na amunu, “Attemnab anam daatte,” na dabmak amunu tuqa ii awak aib aome. Ao, laa ag eheɗ hetteb ele, na amu dilagnu aib amen qeeb oot elele ii dayom.

Jeremaia 44:10

Juda danab ah tatamnu amu, ag nau amu henana, ag amu dabmenan, “Ig nau hemut,” ii anana, akka akka ag onilag qeeg ii ne, gemu ag Isip ippa ina daatteb ele, ag ele anam ii hetteb. Anukka, haen amuppa Juda ag ebehilag oh dahilnu bodoetta le ii meum, gemu ele ag ippa ina Isip daatteb amu, ag ebehilag oh dahilnu bodoetta le ii mette. Anukka, haen amuppa Juda danab ah ele ag dahil ɗo, dahil nai laa ele, da ag am ag mamelkad aɗi ele mattami amu, ag amu ii dim lamidppig, ag gemu Isip ippa ina daatteb amu, ag ele ii dim lamidtteb,’ ” awa atte.