Eklisiastis 8:1 - Nobonob Baibel

¹ Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.

Eklisiastis 8:1 Referans Kwoze

Aposel 6:15

Ag anam hambuppueg, danab hettoɗiak okkai onig Sanhidren, appa daappig, ag oh Stiven amelkad behabe neekkidna, ag nug iɗu engel bia anidppig.

Duteronomi 28:50

Am wan amuppan ban danab, ag iɗulkad am danab ag anadna baɗatteb. Ag am danab kaino dilagnu ena elele ii dootteb, ag am oo gai-iitta doya oo metta ehanittak kobol ele danab ah bau dilagppa ii hetteb.

2 Pita 1:20

Keeke laanu amu, ag anuqak doyeg! Amuam, laa nug nukka dabmak nuhigppa propet nai appig ele amu awa, diig oh mehuqkkunu elele iitta.

2 Timoti 4:17

Ag anam heppig, amge iitta aɗi, ag hettoɗiak abenppa daappig, ag ele Naɗinu nai oh dooglagnu, ele amu, da nai amu madikkulnu elele daakkulnu Naɗi Nug da ehaniɗom, ɠagattag ele meɗom. Amu Kayak Nug da laion oɗeppanu behiɗom.

Aposel 4:29

Naɗi, danab amu, ahilag nai mattiak ena iitta amu antte! Anidna amu na ig, nahipad maɗi nid amu, ig baɗak ele iittappa nahip nai mehuqkkunignu, na ig ehanigkkutnu oɗ medattem.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Prowerb 17:24

Danab nug diignu doyak tutukku ele nug hanhan doyak dabmak ena ele aɗi ippunidtte, nug amu dabmetta autanab aotte; amge danab nug Kayak dab-ii-maama ii dim lamidtte ele, nug anam iitta, nug dabmak hamu hamu aotte.

Job 33:23

Amge engel laa, ehanittak laa kuɗum ag nug hette bia ii hetteb, nug ehanittak 1,000 oolagppanu laippu aakku, nug Kayak, danab amu ele dilahppa gamagmag dayaya, nug Kayak oɗeppanu danab amu nug attem heeb, Kayak noobppa genab tutukku hak danab daakkunu ab doya ⌊dim lamitteb⌋,

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Matyu 17:2

Appa daanna, Jesus Nug beɗu eɗuom. Beɗu eɗue amu, Nug iɗu am aam amahlak bia amahalele, nuhig lamen amu hakkabnab, amahlak bia dayom.

Daniel 2:47

Nebukatnesar nug anam ha mala, nug Daniel amegppa aum. “Genabnab genab, nahip Kayak Nug kayak laa oh eɗattak daatte; Nug king laa oh dilag okkai daatte; Nug dimppa aɗi bekkunu daatte danab ippunadtte. Aɗinu ⌊ig amu doognignu elele⌋? Nug he, keeke lokkumak dayom imu amu, na he, miag atiom,” awa aum.

Prowerb 24:5

Danab doyak dabmak ena ele, nug danab ɠagattag eɗidtte. Ao, laa doyak ena ele, nug danab ebehi ele eɗidtte.

Genesis 40:8

Nug anam a amu, aa apiɗ. “I oh tuqan tul niimuɗ, amge danab laa ihinih tul niiaknu diig ab doognihnu ippa iitta,” aoya apiɗ. Anam aeh amu, Josep nug aum. “Tul niiaknu diig amu Kayak, Nugib ippunigtte. Tul niiak ahilah apeɗ dookkul,” awa aum.

Rom 13:5

Amunu ig danab gumaknu ehah ele waalagppa daatun! Ig nob nau awaknu aakkuib baɗata, ag waalagppa ii daamta. Iitta. Ig oonigppan oiyak ippunittaknu ulum am ig anam hekkunignu ele ippunigtte amunu, diig amunu ele ig danab gumaknu ehah ele waalagppa daatu!

Prowerb 21:29

Nau hak danab ag oɗe dim lamidmananu, ag ahilag dabmak am ɠagattag eppak daatte; amge genab tutukku hak danab ag aɗi hetteb amu, ag dabmettan autna aotteb.

Eksodas 34:35

Mattieye, danab ah ag Moses iɗuppa amahlak anidttappig amunu, nug ag amelagppa nai mattia malowa, nug eɗua haute dayeye ukke, nug eɗua Yawe ele nai mattiglahnu gumitta gokkunu ha, nug iɗuppa lamen qatti amu aottom.

Prowerb 12:8

Danab ag laa nug doyak dabmak ena ele, ag nug binag metteb; amge danab nug dabmak kaliaknu kobol hette, laa nuhignu ena iinab dootteb.

Daniel 2:22

Nug keeke unuqagnab daatte, keeke lokkumak daatte, Nug keeke amu he, miag atitte. Nug aɗi keeke gatatuppa daatte am dootte. Nuhig dayak abenppa amu, appa ele amahlak Nug ele daattep.