Eklisiastis 7:8 - Nobonob Baibel

⁸ Keeke laanu digmak am nakok ena. Keeke amunu gogppa tak am enanag; amubia oo bodoettak kobol am dada hak kobol eɗidtte.

Eklisiastis 7:8 Referans Kwoze

Hibru 10:36

Ag Kayaknu dabmaknab tuɗidna dim lamidkkulagnu amu ag oolag maɗoɗ ele ɠagattag hippaidna daaglagnu daatteb. Ag anam hekkulag amu, geha ag keeke ena anukka Nug ag madakkunu nai qakka aum amu, ag aoglag.

Prowerb 14:29

Danab oo maɗoɗ ele dayak kobol dim lamidtte ele, nug am diignu doyak tutukku okkai ele daatte; amge danab nug oppoɗi bak paha dootte ele, nug am Kayak dab-ii-maama hak kobol dim lamitta oitte.

1 Pita 1:13

Amunu ag ɠagattag daaglagnu ag dabmak ahilag bappaidna daanna, ag akka ahilag oiyak pehettak atognoig! Ag Kayaknu ehanittak okkai hamu mettak, Jesus Kristus eɗua uɗieb aoglag, ag amunab dabmenan dayeg!

Jems 5:11

Ag doyeg! Ig, “Danab ag uug doyaya eɗittaknuib dabmak awak kobol dim lamidppig amu, ig ag itittak ena aoppig daatteb,” aot attem amunu, ag amu anidkkulagnu ag Jobnu kaya dabmekkulag. Ag dootteb. Nug oo ɠagattag qetta, uug oh nuhigppa beppig am mawom. Anam he, dimppa Naɗi nuhignu kobol ena he beum. Aɗinu? Naɗi Nug ihinignu oo gai-iitta doya oo mekka ehanikka auta aotte; Nug ihinignu oo bodoetta le mak ele doya auta aotte.

Jems 5:8

Amubia ag ele ag oolag bodoettak ele daanna, ag oolag ɠagattag qettan dayeg! Aɗinu? Naɗi eɗua uɗikkunu miag daatte.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Luk 21:19

Ag ɠagattag daaglagppa, ag bauklel hanhannu aoglag!

Prowerb 16:32

Danab nug oo maɗoɗ dayak ele kobol dim lamidtte, nug ban danab ɠagattag eɗidtte. Ao, danab nug oppoɗi bak nuhig aɗe ukke bodoedatte, nug ban danab nug aab okkai laappanu ban danab eɗatte, padal metteb, am nug eɗidtte.

Prowerb 15:18

Danab nug oppoɗi paha bette ele, nug he, nug qak ahatte; amge danab nug oo maɗoɗ ele dayak kobol dim lamidtte, nug he, nai hak bodoedatte.

Luk 16:25

Awa a amu Abraham nug aum. ‘Nagppi, keeke laippu imu na dautppa dokku. Anukka haen na wanppa bau daanna, na keeke ena oh aome, amu Lasarus nug am keeke oh nau awom. Amge gemu aben imuppa nug am oo ena dayeye, ge na amu guittak nau doottem.

Prowerb 28:25

Baubau awaknu hik qak danab nug he, nug mehqak ahatte; amge aun nug Yawenu ooppa genab dootte, nug ena daakku.

Prowerb 13:10

Dada hak danab nug laa oɗeppanu ulum ena awaknu uutte amunu, nug laa ele, ag nug uɗa aoɗtteb; amge laa nug ulum ena awa, ooppa mette amu, nug am doyak dabmak ena ele.

Epesus 4:2

Ag onig qe nak kobol dim lamidna, oolag bodoettak ele daana, ag oolag maɗoɗ ele dayeg! Ag oo mauhak kobol dim lamidna, ag nug ehanidnana dayeg!

Eklisiastis 7:1

Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.