Epeɗiak danab ag heppeg, nai doya mala hettoɗia epeɗia elele mettak kobol am kaliak aib dayom. Ag hettoɗiakppa laanu hamu ena hettana, laanu hamu, eheɗ aib heppig. Ag lokkumakppa eheɗ haknu ehanittak aib aoppig. Aɗinu? Kobol anam, amuam he, danab doyak dabmak ena ele dilag dabmak he kaboliattette, genab tutukku hak danab dilag nai ele he kaliak daatte.
Eklisiastis 7:7 - Nobonob Baibel7 Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte. Gade chapit la |
Eklisiastis 7:7
14 Referans Kwoze
Danab nug hettoɗiakppa nai hambuppuak genab daakkunu lokkumakppa eheɗ haknu ehanittak mattaknu ab amu, aria ag men doɗo amu aib aoppig. Aɗinu? Kobol anam, amuam he, hettoɗiakppan danab okkai dilag dabmak, amu danab laa dilag dabmak ele he kaboliattette, genab tutukku hak danab dilag nai ele he, kaliak daatte.
Jerusalem, nahipad ikki danab ag am tappe nak danab. Ag yabhok danab ele layam batappig. Nahipad ikki danab ag lokkumakppa eheɗ haknu ehanittak aoglagnu oolag huana hette. Ao, nahipad ikki danab ag keeke ahilag daakkunu hamu mettak aoglagnu wagai metteb. Ag hettoɗiakppa nid ag mamelkad mauhppig ii ehanadtteb. Ag ah qab, ag amu dilag uug ele anidna, tutukku mettan ii ehanadtteb.
Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.
Aa anam hepiɗ, amge aa mamelah ippu ippuanatom ele amu, aa ib amu ii dim lamidpiɗ. Iitta. Aa men doɗo ib ena iittappa aoglahnu hepiɗ. Aa danab ag epeɗiak uɗat hekkulahnu uɗippig, haen amuppa aa lokkumakppa eheɗ haknu ehanittak aopiɗ. Aa nai doya mala hettoɗia epeɗia elele mettak kobol amu, aa amu dab-ii-mepiɗ; aa men doɗonu aakkuib dabmepiɗ. Diig amuppa amu, aa epeɗiak tutukku iinab hepiɗ.
Hipunin hak danab ag anam baɗan, uug doon oitteb, amge danab laa nug aben enanag, uug iittappa daakku, danab nug ɠagattag, enaib daakkunu padal mak eɗitteb ena dayaknu aben nuhigppa daakku amu, nug nuhig kobol am inam. Nug danab genab tutukku hak kobol dim lamitta oiyaya, nug nai tutukku, hambuppuak iitta maditte. Nug keeke lokkumakppa awaknu duttuna hak kobolppa men doɗo keeke ii aotte. Nug hettodiakppa lokkumakppa eheɗ haknu ehanittak aokkunu nai hambuppuak madikkunu, “Yo,” ii atte. Danab laa ag lailag laa qeppeg mauhkunu maditteb amu, nug nai amu doya, nug ehanittak madakkunu ii dabmette. Nug nau hekkunu dabmak nakok laa ii aotte. Danab nug anam hette ele, nug hanhan ee ele daakku. Nug le oug nuhig am iitta ii mema. Iitta.
Amu gemu da ag noolagppa dayeye, ag amelagppa imu attem. Da ahilagnu eheɗ laa hemi dayeb amu, ag geha Yawe noobppa, king Yawe nug goɗen gokkaɗakppa tituanom, nug noobppa ele, ag geha appeg doyei! Da danab laanu makau, o donki yabbia aomite? O iitta, da hambuppuak kobolppa danab laanu keeke aomite? O iitta, da ag gumadmi, amuppa da ɠagattag dahilppa danab laa hei nauhomte? O iitta, epeɗiakppa da danab laa eppegppanu lokkumakppa eheɗ haknu ehanittak aomite? Da keeke amubia laa hemi dayeb amu, ag appeg doyen, da bappaidkkul,” awa aum.
Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.
Piblisite