Eklisiastis 7:21 - Nobonob Baibel

²¹ Na danab ah dilag nai ohnu aib daut human dabmettame! Na anam hekkut dayeb amu, na nahip maɗi nid nug na eheɗ laa awaknu anak waappa daakkutnu aabob dookkuttai.

Eklisiastis 7:21 Referans Kwoze

Prowerb 30:10

Aib laan maɗi nidnu onig nauhkkunu nai nau nuhig okkai amegppa mattime; na anam hekkut dayeb amu, maɗi nid nug na eheɗ laa awaknu anak waappa daakkutnu ab, na uug anidkkut.

Aisaia 29:21

Danab nau amu, ag am laa ag hettoɗiakppa danab eheɗ laa ii he, nug eheɗ heum atteb. Ao, ag am laa ag hettoɗiakppa danab eheɗ ii heum laikkud, ag nug ehanittegeg, laa amu ag amu dilagnu pelem meeg, ag eheɗ aotteb. Ge, ag am laa ag hettoɗiakppa danab eheɗ ii he, ag hambuppun, “Nug eheɗ amu heum,” ag nai amu ag nug hamu yaatteb amunu, danab nug eheɗ ii heum, nug hamu guittak aotte.

2 Samuel 16:10

Nug Dawit amegppa anam aum, amge King Dawit nug nob ma aum. “O Seruia bekoɗ, ahilah dabmak am dahil ele laippu iitta. Yawe Nug danab amu amegppa, ‘Wana, Dawit eheɗ laa awaknu anak waappa dayaknu nai a!’ aum dayeb, diig amunu ele nug hette dayeb amu, aun laa nug nuhignu, ‘Aɗinu na anam hettem?’ anaknu elelete? Iitta. Laa iitta,” awa aum.

2 Samuel 19:19

Nug king noobppa anam dayaya, nug aum. “O dahil naɗi, na da dahil eheɗ hak matunu nob meɗakkutnu ool ii daatte. Na, na am dahil naɗi, dahil king, amu na Jerusalem uun gome, deɗ amuppan hak nau dahil na dabmettem doottem, amge na da kobol da hemi ele amu, na kobol amu daut atikkunu oɗ medattem. Na heppe, am na dautppa ii daamanu ool daatte.

Eklisiastis 7:22

Aɗinu? Na oot unuqagppa na doottem; na deɗ laala haen kuɗum danab laa ag eheɗ laa awaknu anak waappa daaglagnu ame.

1 Samuel 10:27

Amge hib guitta danab laa ag appig. “Saul nug attem heeb, ig ehanittak aognig? Nug elele iitta!” aon appig. Ag Saulnu ena iinab dooppig amunu, ag amu mattinna, ag ɗo ii medappig. Ag anam heppig, amge Saul nug ag amelagppa nai laa ii mattiom.