Eklisiastis 7:17 - Nobonob Baibel

¹⁷ Danab laa ag nau hak huanaknab hetteb. Na amubia aib heme; ele amu, danab laa ag Kayak dab-ii-menan ii dim lamidtteb ele amu, na ag hetteb bia aib heme! Ib aɗit amu ohppa na nakka, na henan paha, nahip mauhak haen iidappa mauhkkutnu hettem amunu, na anam aib heme.

Eklisiastis 7:17 Referans Kwoze

Prowerb 10:27

Yawenu ebehi oh bodoetta le mak kobol am he, danab nug paha ii mauhtte, nug tuɗitta bauklel daatte; amge nau hak danab ag haen tutuib daatteb.

Sam 55:23

Amge, O Kayak, na nau hak danab hadappe nauhna iitta mekkulag. Laa makkuɗe mauhak danab, amu hambuppuak danab ele, ag danab bau daanna, ag mauhkkulag, amge na da padal mepanu ehaniɗkkutnu oolppa genab doottem.

Job 22:16

Danab amu ag amunu dabmena, eheɗ henana, ag mauhkkulagnu haen iittappa nauhppig. Ao, Kayak he, le ui eheɗ na, keeke ye ukka nauhtte, amubia danab amu ag nauhna autna aoppig.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Aposel 5:10

Pita nug anam aawo, ah amu laippun nug baegppa na qa mauhe, nid bau ag lag amu ooppa nona, ah mauhom anidna, ag aon maon gona, gamu boumppigppa ouqen boumppig.

Aposel 5:5

Aria, haen Ananias nug Pita nai aum amu doya, nug na qa mauhe, danab oh ag amunu nai doona amu, ag huan baɗappig.

1 Samuel 25:38

Nabal nug anam daye niie ukke, deɗ eblaih tanig ele anam dimppa Yawe he, nug mauhom.

Jems 1:21

Amunu kobol nau oh, kobol dubuttid oh ele, wan ohppa daatteb amu, ag amu oh maoppeg ukkeb, ag akka ag onilag qeppeg neeb, ag nai Kayak Nug ag oolagppa eppom daatte amu aweg! Nai amu nug ag eɗua diikkunu elele.

Esekiel 16:20

Amu Naɗi Yawe, Nug tuɗitta atte. “Na nau amu aakku heme, amge na kobol nau amu eɗittak, amu laa ele heme. Na nahipad nid danab, nid ah ele, dahilnu menuadme amu, na nid amu diin main, kayak hambuppuak amu mattame.

Esekiel 8:17

Da amu anitti, Kayak Nug da amelppa aum. “Danab bekka, na kobol nau ag hetteb amu, na aakku anidme. Juda buɗub ag ippa kobol laala, da kobol amunu oolppa uuaknab doottem ele, ag amu oh hetteb. Ag hetteb amu, amuam keeke hamu iitta. Ag amu hetteb, amge amuib iitta. Ag heeg, Juda wan ohppa layag guittak nau mauhnoak mettak kobol ambak daatte. Ag heegeg, da oppoɗil bette. Ag eheɗ naunab nau hena, aon aon niɗan, amu tuɗittak okkainab hetteb.

2 Samuel 6:20

Dawit nug anam hewowa, haen nug nug baekkudppan ele itittak ena madakkunu ukke amu, Saul aɗeg Mikal nug dimittim uɗia, uɗa ta, amegppa aum. “Na king, na nakka na gemu onin memede! Na danab kaaka, dabmak iitta ele nug lamen iitta oitte, na anam bia hee, nahipad ehanittak ah dilag begbeg maɗi ah, ag na anam anidppig,” awa aum.

Aposel 16:28

amge Pol nug huana ewa aum. “Na nakka aib duut ome! Ig oh iikku daattem,” awa aum.