Eklisiastis 7:16 - Nobonob Baibel

¹⁶ Kayak Nug danab attem attem haaha, tutukku daakkunu aum amunu, na nuhig nai amu aon, keeke baubau kuɗum laa ele tuɗidkkutnu aib heme! Na doyak dabmak ena ele aonna, keeke laa oh ii dabmemana, amuib dabmekkutnu aib heme! Ib aɗit amu ohppa na nakka, na nauhkkutnu hettem amunu, na anam aib heme.

Eklisiastis 7:16 Referans Kwoze

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

Prowerb 25:16

Na uppuh leppu anidkkut dayeb, na aib huana lame; na huana lakkut dayeb amu, na bahakkut.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

Kolosi 2:23

Genab, ɗo meu iitta kuɗum, amuam ag mettid haknu atteb, ag ig ikka ig oninig qepput nekkunu atteb amu, ag ig beɗunig ele guittak mettagnignu atteb amu, ag neekkak hamuppa amu ena bia daatteb, amge anamnab iitta. Ig doottem, danabnu dabmakppanu ɗo laa nug ig ehanikkeb, beɗunu oo alag kobol, beɗunigppa eeɗigtte amu, ig ɗo amuppa qepput nokkunu elele iitta.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

Eklisiastis 12:12

Amu ippunittak danab nug inam atte. “Anam amunu, o da bekkal, na nau aomnanu dabmettak nai dahil imu doon autna awe! Na nai laala, danab doyak dabmak ena iitta ele oɗelagppa uɗitte amu, na nai amu aib dabmeme! Danab ag buk huanaknab yaatteb, amu buk amu ge iitta ebqak am beɗu he, bahi yaatte.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Luk 18:12

Am da haen oh mettid laippu ooppa deɗ aɗit ee ohnu kud mein dayeye, amu da keeke aottem oh amu oppati, ameg eblaih tanig ele neeg, amu da na ameg laippu medattem,’ awa aum.

Prowerb 23:4

Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

Pilipai 3:6

Yag-nab-bak doyaya uɗat huana hak kobolnu amu, da ɠagattag hein, da Kristen tamaniak eheɗ nau hattami. Amu ɗo dim lamittakppa genab tutukku hak danab daakkunu amu, da huana hei, laa nug ɗo aɗi aɗi hekkunignu ippunigtte amu, nug dahilppa eheɗ hak laa anidkkunu elele iittanab.

1 Korint 3:20

Amu Kayak nai aben laappa amunu ele inam daatte. “Naɗi Nug danab wanppan doyak dabmak ena ele, Nug amu dilag doyak dabmak ena ele am keeke hamunab dootte.”

Rom 11:25

O lailad, ag akka ahilagnu dabmena, “Ig doyak binanig ele okkainab,” aon amananu da ag nai anukka tonak dayom amu da geha iikku miag atiak madikkulnu hettem ele amu, ag amunu ootot ii aqamanu ool daatte. Anam amunu, da nai anukka tonak dayom ele imu ahilagppa diig matule madittem. Amu inam. Israel danab laala ag dabmak ɠagattag eppom ele, kobol amu ahilag am anamib dayeb ukkeb, iitta aɗi ag Kayak dim lamidkkulagnu nuhig aɗppa wappeg, ebqak melemel elele aokku.

Matyu 9:14

Aria, Layattak Jonnu ippunittak awak danab ag Jesus gumidna gona appig. “Aɗinu ig, amu ɗo gumak danab-Parasia ele, ig ee ohnu kud meta daattem, amge nahipad ippunittak awak danab ag anam ii hetteb?” aon appig.

Job 28:28

Nug amu ha, nug danab ah amelagppa aum. ‘Doyak dabmak ena ele amu, amuam dahilnu ebehi oh bodoetta le mak. Ao, diignu doyak tutukku amu, amuam eheɗ laa ii hemanu dabmaama oiyak.’ Kayak Nug danab ah amelagppa anam aum.” Job nug anam aum.

Job 11:12

Kayak genab anidtte, amge danab nug dabmak iittanab ele, nug danab doyak dabmak ena ele bekkunu ib iitta; donki dakkuɗ anig nug danab ii menuma, amubia.

Revelesen 18:19

Ag anam ana, ag wan gappud agappeg, ikkilagppa teebeb, ag oolag uug ele daan gaanna, inam enan akkulag. ‘O gadonnab gadon! Uub mamelkad oh, ahilkad uub amu yu qaɗeppa oiyakppa ag keeke aona, aab okkai amuppa meeg, daden meegeg, enulag ele daappig amu, aua laippuppa aab okkai amu aakku iitta meum,’ aon akkulag.

Rom 10:2

Da Juda ahilagnu doye aute aottem amunu, da miag atiak iikku attem. Ag am Kayaknu kobol dim lamidkkulagnu ag yag-nab-bak dootteb, amge ag doyak ena iitta ele amu hetteb.

Matyu 23:38

Antteg! Ag appalag am geha uɗ ba, aab dakkeɗ bia daakku.

Matyu 23:29

O gadonnab gadon, ag ɗo gumak danab-Parasia amu ɗo mehuqak danab ele. Ag hambuppuak danab. Ag dabmeig! Ag propet mauhppig dilag boumak aben bappaidna, ag genab tutukku hak danab mauhppig dilag moɗ bala medatteb.

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.