Eklisiastis 7:11 - Nobonob Baibel

¹¹ Danab nug mameg eppegppanu aug keeke aotte amu, nug keeke ena aotte. Doyak dabmak ena am ele aug bia; danab aun aɗi ag bau daan, doyak dabmak ena ele aotteb amu, ag amuppa ehanittak aotteb.

Eklisiastis 7:11 Referans Kwoze

Eklisiastis 11:7

Amahlak am keeke ena; amu danab nug buttua aha, aam andatta, nug ena dootte.

Eklisiastis 2:13

Da dabmei ukke ukke, amahlak am gatatu eɗidtte; amubia da doyak dabmak ena ele hak am Kayak dab-ii-maama hak eɗidtte anidmi.

Eklisiastis 7:10

Na, “Aɗinu ⌊Kayak he,⌋ anukkan haen am haen ena, me gemu am ena iitta?” aib oɗ mettame. Aɗinu? Oɗmak amuam doyak dabmak ena eleppa ii bette.

Job 28:12

Danab ag amu oh heeg, miag atitte, amge danab nug ukka, doyak dabmak ena ele aben adekkuppa anidkku? Ao, diignu doyak tutukku, nug adeppa daatte.

Sam 119:72

Da men doɗo huanak ele daalom, amuam nakok enatai, amge da nahip ɗo aɗattem amu, amuam enanagnab. Da nahip ɗonu ool huanak hette.

Prowerb 3:14

Aɗinu? Danab nug silwa ele, nug amuppa en laa aokkunu elele, amge danab nug doyak dabmak ena ele, nug keeke silwa eɗittak aokkun elele. Ao, danab nug gol ele, nug amuppa en tuɗid aokkunu elele, amge danab nug doyak dabmak ena ele, nug keeke gol eɗittak aokkun elele.

Prowerb 3:15

Men onig rubi, nug awaknu am men doɗo okkainab ele, na amu aokkut am ena, amge na doyak dabmak ena ele aokkut am enanag. Na doyak dabmak ena ele aokkut, amuam na keeke anuqaknab aakku aokkut. Aɗitai laa na oot hekku ele amu, amuam doyak dabmak ena ele eɗittak ii daatte.

Prowerb 14:24

Danab doyak dabmak ena ele, doyak dabmak ena ele amuam ahilag en, amu ahilag en amu, am ahilkad igippan haɗ bia daatte; amge danab ag Kayak dab-ii-mettan ii dim lamidtteb ele ag Kayak dab-ii-maama hak henana, ag kobol amuib tuɗidna hetteb.