Eklisiastis 7:1 - Nobonob Baibel

¹ Danab nug onig ena ele daatte, amuam enub okkai aɗak eɗidtte; danab anam amu, mauhaknu deɗ nuhig am nuhig menuak deɗ eɗidtte.

Eklisiastis 7:1 Referans Kwoze

Revelesen 14:13

Aria, da baag laa hab aabppanu doomi amu nug inam aum. “Na nai inam ye! Danab aun aɗi ag Naɗi onignu oolagppa genab dootteb amunu gemu, butti aɗi ele laa heeg, ag mauhtteb ele amu, ag itittak ena aoppig daatteb,” awa aum. Aria, Kayak Ouɗi Nug ele atte. “Ag ahilag uɗatnu hik aoglag. Aɗinu? Ag ahilag hak ena heppig ele amu, amunu nai am ag ele gokkulag,” awa atte.

Prowerb 22:1

Danab nug en kuɗum aotte am nau iitta me, aun laa ag nuhignu, “Nug am danab onig ena ele,” atteb, nuhignu am enanag. Ao, danab nug silwa, o gol aotte am nau iitta me, danab aun laa ag nuhignu, “Nug am danab binag ena ele,” atteb, nuhignu am enanag.

Eklisiastis 4:2

Da amu antten, da, “Laa mauhna, moɗppa niitteb ele, ag gamag ahak ele; laa wanppa bau daan, uug maotteb ele amu, ag am gamag ahak iitta,” ami.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

2 Korint 5:1

Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

Solomonnu Ahi 1:3

Leppu muttuɗig ena ele na laidttem am muttuɗig enanagnab ele. Ao, laa nug leppu muttuɗig ena ele amu gokkaɗeb, muttuɗig huana okku, am na onin am amubia. Ge, am anam, am diig amunu ah bau na waatad daatteb ele, ag nahipnu oolag mauhtte!

Eklisiastis 10:1

Qabuttid ag leppu muttuɗig enanag eleppa mauhna beɗaegeg, uɗig otte; amubia danab nug kobol doyak dabmak ena ele, kobol binag ele dim lamat-tte, me deɗ laa nug Kayak dab-ii-maama hak kobol laa he, nuhig kobol aɗit laa aa honap nettep.

Prowerb 27:9

Leppu muttuɗig ena, amu kalu danab ile muttuɗig enanag bette ele amu, keeke aɗit amu aa heeh, danab nug oo gamag ahatte; amubia danab layag nug ulum nai ena, atognoa medatte amu, nug amunu ele oo gamag ahatte.

Aisaia 56:5

Ag nid ele daalob, nid amu ag daappeg ukkeb, ag buɗulkad, ahilkad nid oolagppan dokkulag amu, ag ahilagnu daulag atikku. Ag anam helob, amge kobol da hekkul amu, ag nid ag anam aolob, am kobol amu eɗidkku. Amuam da onig okkai madappi, danab mettid lag dahilppa uɗat hetteb, dahilad danab ah laa oh ele ag ahilagnu daulag ii atima. Onig da ag madakkul amu, onig amuam hanhan daakku; laa ii tuqa aoma,” awa atte.

Prowerb 15:30

Laa nug layag ena neekkitte, layag nug gamag ahak dootte; laa nug keeke beumnu nai ena dookku dayeb, nai ena amu nug beɗu ena ɠagattag ele daakkunu ehanidtte.

Job 3:17

Nami aabppa amu, danab nau ag baula nau ii hetteb; appa danab beɗu maidadaɗak ele amu, nug hik aotte.

Jon 13:2

Nug nuhikkud ippunittak awak danab ele ee lanan daanna, Satan nug matu Judas Iskariot, Saimon bekka, nug Jesus kekeɗ eppelagppa mekkunu dabmak metta malom amu,

Sam 133:2

Ao, danab ah ag anamppa daaglag dayeb amu, amuam kobol ena. Kobol amuam olip goɗen enanag Aron igippa gokkaɗeg neum, am amubia. Ao, goɗen amu nug igippan noa, akkaɗippa noa, lamen elab takkom ele laih baagppa daatte ele, amuppa batom.

Hibru 11:39

Ooppa genab doyak danab amu ag Kayaknu oolagppa genab doon, ag Kayak noobppa onig ena aoppig, amge ag oolagppa laa nug Kayak keeke ena madakkunu nai qakka aum amu, ag wan imuppa daappig haenppa ii aoppig.

Hibru 11:2

Amu danab anukkanu, ag am oolagppa genab dooppig amunu, Kayak Nug ahilagnu oo ena doyaya, ahilagnu ena aum.

Luk 10:20

Amge ouɗi nau ag nai ahilag dim lamidtteb, ag amunu oolag aib gamag ahom! Iitta. Kayak Nug ag onilag hab aabppa yom, ag amunu maɗoɗppan gamag ahak doyeg!” awa aum.

Solomonnu Ahi 4:10

O ah dahil, na dahil ah daakkutnu awidmi. Nahip oo mauhaknu amu, da enanagnab doottem, am ubuhi ele. Da wain lakkulnu ool hette, amge nahip oo mauhak amu, am wain lanak eɗitta auta autanab aotte! Spais ena ena digdig am muttuɗig enanag, amge leppu muttuɗig enanag na beɗunppa laidttem amu, muttuɗig amuam spais amunu muttuɗig eɗitta auta autanab aotte.

Eklisiastis 7:8

Keeke laanu digmak am nakok ena. Keeke amunu gogppa tak am enanag; amubia oo bodoettak kobol am dada hak kobol eɗidtte.

Rut 3:14

Boas nug anam aum amunu, Rut nug niiom abenppa eɗua niiom. Niie ukke, wagkkaɗkkun heehe, laa nug auntai antta dookkunu elele iitta haenppa Boas tatam ahe, Rut ele ahe amu, Boas nug Rut amegppa aum. “Danab laa nug ah ee aeg mumuɗaknu aben ippa uɗiom amu, laa nug ii dooma!” awa aum.

Prowerb 25:10

Na laanu nai anam heppe otalkku dayeb, laa amu nug nahip mattiak amu doya heeb, na uɗan nekku; amu dimppa laa ag nahip kobol amunu doona, ag hanhan nahipnu ena ii doomna.