Eklisiastis 6:8 - Nobonob Baibel

⁸ amunu, danab nug doyak dabmak ena ele, nug danab Kayak dab-ii-maama ii dim lamidtte ele ib attemppa eɗidtte? Daɗek danab nug laa noolagppa attem attem hekkunu dootte amu, doyak amuam aɗi keeke ena danab amu medatte?

Eklisiastis 6:8 Referans Kwoze

Prowerb 19:1

Danab nug Kayaknu neekkakppa danab ooppa kaliak laa iitta ele daatte, me nug daɗek daatte dayeb, nug Kayaknu neekkakppa am danab ena amunu, nuhignu am nau iitta; amge danab nug Kayak dab-ii-maama ii dim lamidtte, nug nai eheɗ, tutukku iitta maditte dayeb, nug Kayaknu neekkakppa nau hette amunu, nuhignu am nau.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Eklisiastis 5:11

En tuɗitta, okkai mette amu, laa ag en amu latteb, ag ele tuɗid, kuɗum ele daatteb. Anam amunu, en mameg nug en kuɗum amuppa aɗi ehanittak aotte? Nug amegppa aakkuib anidtte.

Sam 116:9

⌊Yawe Nug da ehaniɗe, da ii mauhmi amunu,⌋ da Nug noobppa danab bauklel daatteb, da ag oolagppa daattem.

Sam 101:2

Da na noomppa nahip neekkakppa da oolppa kaliak laa iitta ele oikkulnu wagai mein hekkul. Na ganeb dahilppa uɗikkut? Da daattemppa amu, da na noomppa danab ooppa kaliak laa iitta ele daakkulnu oolppa dabmein oikkul.

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.