Eklisiastis 6:3 - Nobonob Baibel

³ Danab laa nug haen elabnab wanppa oikkutai, nid 100 menuadkkutai, amge nug bau dayak nuhignu ena dookkunu elele ii daatte dayeb, nug mauheb, ag kobol enappa ii boumkkulag dayeb amu, dahil dabmakppa nid laa anig ooppa mauhe, anig menue dotte, amuam kobol amu eɗidtte; am kobol ena.

Eklisiastis 6:3 Referans Kwoze

Job 3:16

O anam iitta amu, haen da anai ii menuiɗom, da haen amuppa nug ooppa dayeye mauhppi, nug da mauhmi menuiɗeb, moɗppa boumiɗlob am ena. Ge, da nid mauha doa, amahlak nakok laa ii anidtte, da anambia dolom am ena.

Jeremaia 22:19

Danab ag doɗ donki ii boumtteb, amubia danab ag Jehoiakim ii boummana. Iitta. Ag nug gaɗa eeɗna, aab Jerusalem dimittim buɗippeg gokku.

Eklisiastis 4:3

Da anam ain, da tuɗitten, “Anam, amge laa nug wanppa ii doum ele, nug am enanag daatte. Nug eheɗ hak oh danab ag aam waappa daan hetteb ele, nug amu oh ii anttom,” ami.

2 King 9:35

Nug anam aum, amge haen danab ag Jesebel gaɗa boumkkulagnu dimittim goppig, ag nug gaɗa appa ii anidppig. Iitta. Ag ikki ebehi, baeg, eppeg ele aakkuib niie anidppig.

Genesis 47:9

Oɗ mette amu, Jakop nug Paro amegppa aum. “Dahil maɗ amu, da mamelad aɗi dilag maɗ bia iitta. Dahil amu 130 aakkuib. Da wanppa oiyeye amu, da uug kuɗum anidmi,” awa aum.

Matyu 26:24

Danab Bekkalag da, Kayak nai atte amubianab da mauhkkul, amge danab nug Danab Bekkalag da, kekeɗ eppelagppa meiɗkku amu, nuhignu gadonnab gadon. Nug anig nug ii menulo am ena,” awa aum.

Jeremaia 36:30

Jeremaia nug nai amu doya, nug nai imu ele doyom. “Anam amunu, da Yawe, da Juda dilag king Jehoiakimnu inam attem. ‘Nug buɗubppan laa nug Dawitnu sia kingppa heɗep na dayaya, king daakkunu laa ii daama. Laa ag Jehoiakim qeppeg mauheb, ag nug gaɗa buɗippeg, dimittim na, wanppa dayebeb, amunppa aam qeeb, tuqan am oug nau qekku.

Jeremaia 8:2

ag wanppa hamu maadppeg daaglag. Juda danab ah amu ag anukka bau daanna, ag aam kalam hoɗoppai ele dilagnu, ‘Ihinig kayak,’ anana, ag keeke amu noolagppa dup nona binalag mena, ag amu dilag oolag mauhak doon, ag amu dilag mana mettak danab dilag nai doon dim lamidna, ahilagppanu aɗi aɗi hekkulagnu nai ele aoppig. Juda danab ah ag amu heppig amu, haen amuppa ag ebehilkad am wan qaɗeppa kinipan bia daappeg, laa ag qagmena, moɗppa ii memana.

Prowerb 17:6

Alalkad nid daatteb, ag am alalkad kaino dilag king haɗ bia daatteb; amu nid ag anilkad mamelkad dilagnu, “Ag binalag ele,” dootteb.

Sam 58:8

Na heppe, ag am demdem mauhna, wanppa beɗan iitta metteb bia mauhna, iitta mekkulagnu oɗ medattem. Ao, na heppe, nid nakok laa anig ooppa niiaya mauha, nug aam ii anttom bia, ag anam daaglagnu unuqidttem.

Esta 7:10

King nug anam aum amunu, ag Haman aon, balal attan danab aihaknu nug Mordekai aihkkunu heum, amuppa aihppig. King nug anam ha, nug baula oppoɗi bak ii doye, ameg kokoɗ eppak ele ii dayom.

Esta 5:11

amu Haman nug keeke kuɗum nuhignu, amu nuhig nid naunau kuɗum ele amunu amelagppa mattiaya, nugakka binag meum. Nug king nug, nug binag okkai metta, nug gumak uɗat aben attan, anuqak danab, kingnu ehanittak anuqak danab laa oh eɗattak nug mettomnu mattiom.

2 Stori 11:21

Rehoboam nug wauud 18 ele, amu ah laa nug wauud amge wauudnab iitta, am 60. Amu Rehoboam nug ah amu oh dilag oo mauhom, amge nug Apsalom aɗeg Makahnu oo huana mauhom. Amu Rehoboam nug bekkod 28, aɗekkud am 60.

1 Stori 28:5

Anam ha, Yawe Nug da bekkalad kuɗum meɗom, amge Solomon Nug da dimulppa king abenab awa, king daakkunu Nug tituanom. Nug Yawenu danab ah, am Israel danab ah, nug ahilag king daakku.

2 King 10:1

King Ahap bekkod, ag Samaria aab okkaippa daappig, ahilag ebqak am 70. Ag anam daaegeg, Jehu nug uɗug laa yaalatta me, Samaria ukkom. Pas amuam Jesril dilag ehanittak anuqak danab ⌊oolna, Samaria goppig⌋, Israel dilag ikki danab, amu Ahap bekkod gumattak danab ele dilagppa ukkom. Nug nai uɗugppa yom am inam.

Genesis 33:5

Anam gayoya, Esau nug ameg huma, nid naunau, anilkad ele anatta, oɗ meum. “Umu am aun aɗi?” oɗ meum. Oɗ me amu, Jakop nug aum. “Nid naunau umu, Kayak Nug nahip maɗi nid da, Nug dahilnu oo bodoette enanag maɗoɗ ele ha, da meɗom,” awa aum.

Eklisiastis 6:4

Aɗinu? Nid laa nug mauhe, anig menue dotte, nug aben gaɗappa, unuqagppa ele anttak laippu iitta, nug amuppa ⌊bau iitta⌋ doa, nug gatatuppa ukke, danab ah nug onig ii ataɗtteb.

Job 3:11

O gadon, anai menuiɗom, da paha haen amuppanab mauhlom am ena. Ge, anai da menuiɗebeb mauhlom am ena.