Eklisiastis 6:12 - Nobonob Baibel

¹² Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Eklisiastis 6:12 Referans Kwoze

Jems 4:14

Ag aɗi keeke butti bekku amu ag ii dootteb. Ahilag bau dayak haen imu attemnab daatte am ag doottebte? Ag am buttuɗai aha, nakoknab dayowa iitta mette bia. Ahilag bau dayak haen anam biaib daatte.

Eklisiastis 3:22

Amu da anidmi, danab nug nuhig uɗat hekkunu gamag ahak doyaya hekku, am ena. Keeke laa amu eɗittak laal ii daatte. Aɗinu? Kayak Nug anam babaittom daatte. Laa amu, danab auntai laa nug laa butti aɗi kobol aɗi bekkunu daatte, nug amu ippunitteb dookku?

Job 14:2

Bala ag hamu paha bena, eɗun bunaɗna iitta metteb bia amu, danab oh ag anam hetteb; lombig itotog wanppa paha ukka qettoɗtte, amubia danab oh ag anamnab hetteb.

Sam 144:4

Amu danab nug ulah laippu noobppa aotte amu, ulah awak amuam haen tutuib doawa, eɗua dimittim gotte; am danab ah ig amu, ig amubia daattem. Ig haen tutuib daattem. Ihinig haen dayaknu am keeke itotog laa haen tutu dayowa qettoɗtte, am amubia daatte.

Eklisiastis 8:13

Nau hak danab ag Kayaknu ebehilag oh bodoetta le ii mette amunu, ag ena ii daamna. Ag haen elabnab bau ii daamna.

Eklisiastis 8:7

Danab laa nug butti aɗi, kobol aɗi bekkunu daatte ii dootte; diig amunu auntai laa nug keeke attem gokku anidkkunu elele iitta.

Job 8:9

Aɗinu? Ig memetankad anukkanu nai tuɗitta uɗiak ele amu, nai amunu diig am okkai. Ig gemu wanppa daattem, ig tumaiib domut; wanppa ele haen elab ii daamut amunu, ihinig dabmak am tutunab. Ge, ig am danab aamppa dayeye, itotog daya paha iitta mette, amubia ig haen tutuib daattem ⌊amunu, ihinig dabmak am tutuib⌋.

1 Stori 29:15

Laa amu, ig nahip neekkakppa wan laihnu danab ah; wan imunu aab diig danab ah iitta daattem. Ig mamenkad aɗi ele anamib. Ig wanppa oittem amu, ig haen elabnab ii oittem. Haen tutuib oit, ig mauhta gottem.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Eklisiastis 9:6

Mauhak dimppa amu, ag wanppa daan, oo mauhak doyak, laa dilagnu, nau ninig ele doyak, ag dahil doya laa aomanu doyak aɗa dayaknu ele dooppig amu, keeke amu oh aakku iitta meum; baula ii daama. Ge, danab ah mauhppig ele ag baula keeke laa aam waappa ba gotte ele, ag amu ooppa daan, amuppa keeke laa hekkulagnu elele iitta.

Eklisiastis 2:3

Ig danab ig haen tutuib wan imuppa oittem. Anam amunu, da haen tutu amuppa danab nug aɗi kobol dim lamitta heeb, keeke ena, meu ele laa bekkunu ippu anidkkulnu ool he, doyak dabmak ena ele ulum meɗeɗe, da gamag ahak dookkulnu wain lain, Kayak dab-ii-maama hak kobol ele dim lamidmi ⌊amge da meu ena laa ib amuppa bekkunu ii anidmi⌋.

Sam 109:23

Tueb aam noono, keeke itotog iitta me, danab nug keeke amunu itotog aamppa anttom, amu tueb ii daatte; da amubia daattem. Da am tap-lokus laa, danab laa nug nuhig lamenppanu maute ukkom bia daattem.

Sam 102:11

Da bau dayak dahil am tueb itotog paha iitta mette bia hette. Da gikkiɗah qaɗaiedatte bia hettem.

Sam 17:15

Amu da, da genab tutukku hak kobolppa na anidkkul. Haen da niiak abenppanu ahen, na anitten amu, da elelenab dookkul.

Sam 4:6

Am danab ah kuɗum ag atteb. “Aun nug ig haen ena ippunigkku?” O Yawe, na ig ele daagnignu, na oot ihinignu ena daakkunu oɗ medattem.

Job 14:21

Danab mauhe, dimppa nug bekkod ag binalag okkai ele aotteb dayeb amu, nug ii dootte. O iitta, nug bekkod ag uɗa nak aotteb dayeb, nug amu ele ii anidtte.

Maika 6:8

Amu oh am iitta. Yawe Nug na aun daattem, Nug na kobol ena oh ippunitta malom. Nug na attem hekkutnu ippunittom? Amu inam; na nai doya mala hettoɗia epeɗia elele mettak kobol tutukku dim lamidna, na laa dilagnu oo gai-iitta doya oo metta ehanittak kobol ele hena, na nakka na onin qeppe neeb, na nahip Kayak, na Nug ele oiyeɗ! Nug na amu hekkutnu oo daatte.

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Sam 47:4

Nug wan ig daattem ele imu ihinignu, ig aunig daakkunu tituanom. Yo, ig Jakop buɗub, ig nuhikkud danab ah daattem. Nug ihinignu oo mauhtte. Wan imu ig daattemppa amu, ig wan amunu oonig huana hette. Anam amu, wan amunu, Yawe Nug wan amu ig mekkom. Sila.

Sam 16:5

O Yawe, keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem. Na hee, da ɠagattag daattem.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Eklisiastis 6:11

Nai mattiak huanak daatteppa amu, meu nakokib daatte; amunu kobol amuam auntai laa ii ehanidtte.

Eklisiastis 7:15

Amu da bau wanppa daye, da gaɗappa, unuqagppa ele anttak laippu iittanu oiyak dahil imuppa oiyeye, da keeke aɗit anidmi. Laa am genab tutukku hak danab nug genab tutukku hak kobol haaha oitte, amge nug paha mauhtte; laa am nau hak danab nug nau hak haaha oitte, amge nug paha ii mauhtte. Iitta. Nug haen elab bau dayaya, wanppa oitte.

Eklisiastis 9:9

Wan imuppan dayakppa am dayak gaɗappa, unuqagppa ele anttak laippu iitta, amu Kayak Nug wan imuppa na haen gane bau daan oikkutnu tituanom amu, haen amu oh na ah nahip, na nuhignu oot mauhtte amu, na gamag ahak ele nug ele daayya oiyeɗ! Aɗinu? Kayak Nug na amu hekkutnu metta, aam waappa na uɗat heɗiag ele henan daakkutnu ele mettom.

Eklisiastis 10:14

Danab nug Kayak dab-ii-maama ii dim lamidtte ele nug nai huan huan maditte, nug nai mattiaknu ii uutte. Laa nug butti aɗi, haen amuppa aɗi kobol bekkulagnu daatteb amu, laa nug amu ii dootte; amu laa aun nug oiyaya mauheb, amu dimppa nug aɗi bekkun daatte laa amegppa ab dokkute?