Eklisiastis 6:10 - Nobonob Baibel

¹⁰ Aɗi keeke daatte amu, keeke amu oh am onilkad ataɗattak daatteb; amu danab ag attem daatteb am miag atia dayom. Kayak Nug ɠagattag oh ele, amu laa Nug ele nai apeɗ ona, apeɗ dokkunu elele iitta.

Eklisiastis 6:10 Referans Kwoze

Job 9:32

Anam, amge Kayak Nug danab iitta. Nug danabib da bia daalo, da Nug noobppa dayeye, Nug dahilnu atte amu, da nob mettalom; o iitta, Nug danabib da bia daalo amu, i oh hettoɗiak abenppa goɗa daaɗa, appa nai imu bappaidlop.

Job 40:2

“Laa nug da, Da Dakka Ɠagattag Oh Ele, nug da ele nai auɗ ona auɗ dotte ele amu, nug da daul ele batakkute? Ge, laa nug da, Kayak, nug da naippa yaaiɗtte amu, nug da mattiminu nob aakku da meɗaɗ!” awa aum.

Jeremaia 49:19

Yawe atte. “Laion laa nug atu duppu Jodan le guguittak daatteppanu ba, sipsip dilag gikkiɗah dad enappa ta, sipsip diikkun lamatte ooltteb, amubia da heppi, Edom danab ah ag ahilag wanppa ii daamna. Kobol amuam pahanab anam bekku. Da amu hewoya, da laa da nug uɗat amu hekkunu ool hette ele, da nug Edom gumadkkunu tituankkul. Aɗinu? Laa nug da bia daattete? Laa nug da amu ii hepanu ab, da ii hekkulte? Sipsip gumak danab nug laion, o doɗ nau laa qeeb mauhkkunu hette, o lamitteb gokkunu hette, gumak danab laa nug dahilnu amubia hekkunu elelete? Iitta!” awa atte.

Eklisiastis 3:15

Aɗi keeke ig gemu anidttem amu, anukka ele amu dayom; aɗi keeke butti aɗi bekku amu, haen amu ii nakppa keeke amu aakku dayom. Kayak Nug he, keeke matu beum am, eɗua haenppa bette.

Job 33:13

Aɗinu na Nug amegppa naittuɗ hena, Nug danab dilag nai doya, nob ii medattenu attem?

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Sam 103:15

Ihinig deɗ wanppanu amu, amuam gikkiɗah bia; bala haɗag mappata mauhtte, amubia ig mauhttem.

Genesis 3:9

Anam daaeheh, amu Yawe Kayak Nug Adam onigppa ewa aum. “Na adeppa daattem?” ewa oɗ mettom.

1 Korint 10:22

Ig anam hepput, Naɗi Kristus Nug ihinignu, dahilppa anam daalon dabmak aɗa daakkunu dabmettemte? Ig nuhig ɠagattag eɗidkkunignu elelete?

Prowerb 21:30

Doyak dabmak ena ele laa, o diignu doyak tutukku laa, o maittak awak laa; amu oh oolagppanu Yawe eɗidkkunu elele iitta.

Eklisiastis 6:11

Nai mattiak huanak daatteppa amu, meu nakokib daatte; amunu kobol amuam auntai laa ii ehanidtte.