Eklisiastis 5:9 - Nobonob Baibel

⁹ Danab okkai amu oh, amge agib iitta, king ele, ag oh daɗek ag dattanu keeke aotteb, ag amunu takis anan heeg, daɗek ag madatteb.

Eklisiastis 5:9 Referans Kwoze

Prowerb 28:19

Aun laa nug dad uɗat nuhig pehettak hette ele, nug ee elelenab ele daakku; amge laa nug dabmak hamu hamu dim lamitta oitte amu, nug daɗek daakku.

Prowerb 13:23

Daɗek danabnu dad am ee kuɗumnab eletai; amge laa ag nai doya mala hettoɗia epeɗia elele mettak kobol ii dim lamidtteb ele, ag nuhig ee aɗidna aotteb.

Sam 115:16

Hab attan ukke ukke, adekku batatte, amuam Yawenu, amge nug wan danab ah oh mattom.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Eklisiastis 5:10

Danab nug men doɗonu oo mauhtte, nug deɗ laa men doɗo awa, “Da aakku elele aomi,” ii atte. Iitta! Nug baubau aokkunu hette. Ao, aun nug ennu oo mauhtte amu, nug men doɗo uɗatppan aotte ele amu, nug amunu elele ii dootte. Amu ele am gaɗappa, unuqagppa ele anttak laippu iitta.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Eklisiastis 6:7

Danab oh ag ee elele aoglagnu dabmenana, ag diig amunu uɗat henana daatteb; amge enug am ag baubau aqadtte