Eklisiastis 5:8 - Nobonob Baibel

⁸ Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Eklisiastis 5:8 Referans Kwoze

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Sam 82:1

Kayak Nug Israel dilag tamaniakppa dayaya, Nug qagmeppig ele dilag okkai daatte. Ao, Nug epeɗiak danab dilagnu nai doya mala hettoɗia epeɗia elele mettak kobol dim lamitta, Nug ag daulag batata, ag amelagppa inam atte.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Luk 1:76

Sekaraia nug anam ana, nug nai baula tuɗitta aum. “O nid dahil, na Naɗinu ib bappaidkkutnu, na Kayak, Nug danab nuhikkud hipunin uhuqa mettak ibppa eɗua diikkunu ippunadkkutnu amu na Naɗi noob aon, anuqna gokkut amunu ag nahipnu, ‘Nug am Kayak Attannab Laa Oh Eɗattaknu propet,’ aon akkulag

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Luk 1:32

Nug onig am binag ele daakku. Ag nuhignu, ‘Kayak Attannab Laa Oh Eɗattak bekka,’ aon akkulag. Kayak Nug heeb, nug king alag Dawit dayom bia daakku.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Sekaraia 8:6

Yawe Nukka Ɠagattag Oh Ele Nug amu anana, Nug imu ele atte. “Anukka ag danab ah huanak daappig, gemu ag oɗo yaak danab ah daatteb, amu gemu ag keeke ena amu qinob bekkunu oolagppa elele iitta bia doon daatteb bia, amge diig amunu da Yawe, da ele anam doottemte? Iitta. Da hekkulnu elele!” Yawe Nukka Ɠagattag Oh Ele Nug anam awa atte.

Maika 2:9

Ag eheɗ hetteb ele amu, ag danab ag doɗ lamittak bia heeg, danab ah dahilad oolagppan ah ag laulkad enappa ii daatteb. Ao, ag heeg, ah amu dilag nid naunau ag ena daalobnu keeke, ag aulag, ag amu ag anilkad eppelagppanu aolob amu, nid naunau ag keeke amu gemu, butti aɗi ele ii aomna.

Amos 6:12

Hos ag qauko igippa menppa qaiettan ii oitteb. Ao, appa danab ag dad hekkulagnu makau okkai ebehi eleppa wan ii buutteb amunu, aɗinu ag Israel danab ⌊laa,⌋ nai doya mala hettoɗia epeɗia elele mettak kobol aon kabolin heeg, uud tiig mua nau ele bette. Ao, ag Israel danab ⌊laa⌋, aɗinu ag heeg, genab tutukku hak kobol am uud ad tiig mua ele, danab lawowa, ena iinab dootte, am amubia daatte?

Amos 5:12

Aɗinu? Da ahilag tappe naknu ebqak okkai amu, da doottem. Ao, da ahilag hipunin, ag am eheɗ nau amu, da amu ele doottem. Amuam ag genab tutukku hak danab ele kekeɗ madatteb. Ao, ag lokkumakppa eheɗ haknu ehanittak aotteb. Ge, ag ele hettoɗiakppa daɗek danab dilagnu nai doya mala hettoɗia epeɗia elele mettak kobol ii dim lamidtteb.

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Aisaia 37:36

Yawe Nug anam aum dimppa nuhig engel nug aha ukka he, Asiria dilag daup daappig ele, ag oolagppanu danab 185,000 ag mauhppig. Ag mauheg, wagɗe buttua laa ahan, danab gaɗalag amu huanaknab niiegeg anadppig.

Aisaia 10:12

Anam amunu, am inam bekku. Asiria dilag king nug dada danabnab daya haaha, nug ele beɗuppa tak kobol dim lamittatta, nai maditte amunu, Naɗi Nug heeb, Asiria dilag king nug keeke oh Sion qaukoppa Jerusalem appa hekkunu Naɗi Nug ana, nug eppegppa meum ele amu, nug amu oh ha maleb, dimppa geha Naɗi Nug dada ha laa eɗittaknu dabmak awak hak kobol nuhignu, beɗuppa tak kobol nuhignu ele, Nug diig amunu bu medakku.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Aisaia 3:15

Aun nug ag amelagppa a, ag dahilad danab ah eheɗ hattegeg, ag nauhna autna aotteb? Aun aum amunu ag daɗek danab tappalattegeg, ag iɗulag wanppa oɗoɗe nauhtteb?” Naɗi, Nug Yawe Nukka Ɠagattag Oh Ele, Nug anam awa atte.

Prowerb 8:17

Amu aun laa ag dahilnu oolag mauhtte amu, da ahilagnu ool mauhtte; am laa ag da aniɗna dim lamiɗkkulagnu mattiɗtteb, ag da aniɗtteb.

Sam 95:3

Aɗinu? Yawe Nug am Kayak onig, ɠagattag ele. Ao, Nug king. Nug kayak laa oh eɗattak, attannab daatte.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Sam 55:9

Naɗi, da kobol laa, laa guittak nau mauhnoak mettak, amu nug mehqak ele, da amu aab okkaippa daye anidttem. Anam amunu, na nau hak danab amu hadappe nauhkkulagnu oɗ medattem. Ao, na heppe, nau hak danab amu ag ahilag nai laippu ii daamanu unuqidttem.

1 Jon 3:13

O lailad, wan danab ag oolagppa ahilagnu nau ninig ele dootteb dayeb amu, ag amunu aib ottaippig.

1 Pita 4:12

O lailad, uug doyak kobol aab ewak bia ahilagppa betteb amu, amuppa ag aib ottaina, “Kobol laanab iikku betteb,” aon appig.

Rom 11:33

Genab! Kayaknu doyak dabmak ena ele, aria doyak nuhig ele, keeke aɗit amuam okkainab, unuqagnab ele daattep. Ig danab ig maittak nuhig oh diig mattita anidkkunignu elele iittanab. Amu ig ib oh Nug dim lamidtte ele, ig elelenab doognignu ele elele iitta.

Prowerb 22:16

Laa nug en okkai aokkunu daɗek danab duttunatte, ag nuhig uɗat o hamu bia hetteb, o laa nug enub danab ag nuhignu oolag hekkunu keeke ahilag daakkunu madatte amu; aɗit amu oh aa goya, daɗek daaglah.

Prowerb 24:12

Na ⌊hambuppuna⌋, “Ig amunu aɗitai laa ii doomut,” akkut dayeb; Kayak, Nug danab oh dilag dabmak anidtte, Nug nahip nai amu, am nai tutukku iitta iite dootte? Kayak, Nug na ehanitte, na bau daattem, Nug nahip hak iite dootte? Ao, Nug geha danab anen anen ag aɗi heppig, Nug amunu nob iite madakku?

Eklisiastis 5:9

Danab okkai amu oh, amge agib iitta, king ele, ag oh daɗek ag dattanu keeke aotteb, ag amunu takis anan heeg, daɗek ag madatteb.

Eklisiastis 7:7

Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Esekiel 18:18

Danab nau, bekka kobol ena tutukkuib heum ele, bekka nug ii mauhma, amge nug mameg am mauhkku. Mameg nug hipunin heum amunu, nug mauhkku. Mamegnu hak am, nug keeke lokkumakppa awaknu duttuna hak kobol dim lamittom. Nug layagnu keeke yab awom, amu nug laikkud oolagppa kobol eheɗ kuɗum laa ele heum amunu, nug mauhkku.

2 Stori 26:10

Amu Usia nug ⌊daup ag aguppa daappeg, kekeɗ ag uɗippeg anadna ban hekkulagnu,⌋ atu taɗakppa ele ⌊ban haknu⌋ lag attan ta ukkak menppa hak ele hattom. Usia nug doɗ kuɗumnab ele. Doɗ amuam qauko okkai diigppa qauko nakok daatteb, amuppa, amu wan uɗemppa ele daappig amunu, nug le aben laala wan moɗppa qagmeeb, doɗ ag lakkulagnu wan moɗ ele buuattom. Amu Usia nug dad hekkunu oo huana heum amunu, nug he, danab kuɗum ag eenu dad nuhig, grepnu dad nuhig ele, qauko nakokppa, oolnu noak wan ittag eleppa daappig amu, danab amu ag aguppa daan atognoadppig.

Job 24:23

Kayak Nug paɗatteb, hipunin danab ag, “Ig baɗak iittappa inamib daagnig,” akkulagtai; amge Kayak Nug ahilag hak neekkidtte.