Eklisiastis 5:19 - Nobonob Baibel

¹⁹ Laa ele amu, haen Kayak Nug danab laa en keeke metta, Nug he, danab amu nug keeke amuppa gamag ahak aokkunu elele daatte, Nug he, danab amu nug nuhig wanppan oiyaknu elele dootte, Nug he, danab amu nug nuhig uɗat hekkunu ele gamag ahak dootte amu, amu oh am Kayak eppegppanu, danab amu, nuhig daakkunu keeke laa aakku.

Eklisiastis 5:19 Referans Kwoze

Duteronomi 8:18

Amge ag Yawe, ahilag Kayak, ag Nug dabmetteg! Aɗinu? Nugib ag ɠagattag matte, ag enulag ele daatteb. Nug ag mamelkad aɗi amelagppa nuhig nai ɠagattag qetta ana, Nug ag ele nug tituanna nai qagappig amu, nai amu elele medakkunu hette.

Eklisiastis 3:13

Baula anak am, danab ah oh ag ee, le ele lanana, ag aɗi uɗat Kayak ag mattom am henana, uɗat amunu ag oo hak dooglagnu am ena. Amuam Kayak danab oh, ahilag daakkunu hamu mette, Nug eppegppanu uɗitte.

Eklisiastis 6:2

Kayak Nug danab laa enub keeke, binag ele medatte. Danab amu nug keeke attemunab oo hette amu, nug aakku aɗatte, amge Kayak Nug danab amu nug keeke amunu gamag ahak laa dookkunu ii ehanidtte amunu, nug mauhe, danab nug ii dootte ele, nug awa, amuppa gamag ahak aotte. Kobol amuam gaɗappa, unuqagppa ele anttak laippu iitta; am eheɗ nau laa aakku.

2 Stori 1:12

Na oot anam daatte amunu, da doyak dabmak ena ele, doyak ele medakkul. Amge da amuib ii medapa. Iitta. Da en okkai, binan okkai ele medakkul. King laa anukkanu uɗie, gemu batak am en okkai, binag okkai ele amubia am laa iitta. Butti aɗi ele laa amubia ii daama,” awa aum.

1 King 3:13

Laa ele, da geha keeke laala na amunu da ii oɗ meɗame ele, da amu ele na medakkul. Medappi, na geha en okkai aon, amu binan okkai ele aon daakkut. Aria, na anam daakkut amu, na bau daattem, haen amuppa amu, king laa nug na daakkut, laa anam bia ii daama. Iitta.