Eklisiastis 5:17 - Nobonob Baibel

¹⁷ Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.

Eklisiastis 5:17 Referans Kwoze

Sam 127:2

Yawe Nug danab ah Nug ahilagnu oo mauhtte ele, Nug danab ah amu niiak ena madatte amunu, na aun, na ee aon lakkutnu hik huana nidette, uɗatib buttuanab ukka tueb batak henan daattem amu, kobol na hettem amu, kobol amuam meu iitta.

Aposel 12:23

Ag anam aeg, Herot nug nai amu doya, Kayak binag ii meum amunu, Naɗinu engel laippun oɗe metta he, gawat beɗu qena laeg, aakku mauhom.

Sam 102:9

Dahilad kekeɗ ag amu hettebnu diig am ⌊da naunab daattem⌋. Da uhuɗ ee dahil bia lattem. Da amel leb naana, dahil le ougppa no lattem.

Sam 78:33

Ag oolagppa genab dooglagnu uuppig amunu, Nug he, ag keeke ena ena ag aon, ahilag daakkunu Nug maittak awom amu, ag amu ii aon mauhppig. Ao, Kayak Nug he, ag huana hahaɗnana, eheɗ nau baɗana, ag mauhppig.

Job 21:25

Danab laa nug anam ena daya mauhtte, amge laa nug uug naunabib doya, bau daya, mauhtte. Ao, nug deɗ laa keeke ena nakok laa ii anttom, amge nug mauhtte.

2 King 5:27

Na Namannu men doɗo keeke laala ele aome amunu, Naman beɗuppa gaɗa oɗe nau ele dayom amu, gemu eɗua na beɗunppa ba, geha huu nahip dimppa bekkulag ag ele hanhan oɗe amu aoglag,” awa aum. Nug anam a, Gehasi nug Elisa uuitte, gaɗa oɗe nau amu nug beɗuppa ba, beɗu gaɗa amu hakkab eppa, sno bia dayom.

2 King 1:6

King anam oɗ matte amu, danab amu ag king amegppa appig. “Danab laa uɗia, ibppa uɗanig ta, nug inam amenigppa aum. ‘Ag eɗun gona, king maatte uɗippig ele amu, ag nug amegppa inam appeg doyaɗ! “Yawe Nug inam atte. Na aɗinu danab otiatte, ag Ekron dilag kayak Balsebup oɗ mettaglagnu gotteb? Israel dilagppa Kayak laa iite daatte? Na amu heme amunu, na geha niittemppa, anam niikkut. Na geha bau eɗun, ena ii daamna. Iitta. Genab, geha na mauhkkut,” awa aum.’ ” Ag king amegppa anam appig.

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

1 King 17:12

Ewa a amu, ah qab nug aum. “Yawe, nahip Kayak, Nug genab bau daatte, genab amubia, da bret iitta. Da plaua nakokib waa laappa dayeye, am olip goɗen big nakok hinaippa daatte. Geha iikku da aab hiɗig imu awe ukke, plaua amu maikkul. Geha da maippi, da bekkal ele i lawoɗa, dimppa amu ee laa iitta amunu, geha i mauhkkunih,” awa aum.

Genesis 3:17

Yawe Kayak Nug anam awowa, nug eɗua Adam amegppa aum. “Na waatnu nai dim lamidna, ad meu aa ii lamayanunab ami ele lame amunu, na beɗunppa wan am eheɗ laa awaknu anak waappa daatte. Anam daatte amunu, na haen oh ee aokkutnu uɗat okkai guittak ele hekkut.

Sam 39:6

Danab ah ig am danab ah ittotolag bia daattem. Itotolag amu aɗitai laa ii hette. Ig paha paha keeke kuɗum hettem, amge amu oh am meu iitta. Ig en huana awota, ig mauhttem. Ig mauhota, ig en bakkalen qagmettem amu, ig aun men doɗo amu gumakku ii doottem.

Eklisiastis 2:23

Aɗinu? Danab amu hekkulagnu ag wanppa bau daan, uɗat henana, guittak doonna, oolag uug ele doon, tuqan ele ag dabmak aonnaib daatteb. Kobol amu ele am gaɗappa, unuqagppa ele anttak laippu iitta.

Eklisiastis 2:10

Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.