Eklisiastis 5:13 - Nobonob Baibel

¹³ Da eheɗ nau laa aam waappa daye anidmi. Amuam, danab nug enub okkai aotte, amge nug en amu eppegppa ɠagattag aɗaɗa daye, amuppa guittak nuhigppa bette;

Eklisiastis 5:13 Referans Kwoze

Genesis 19:14

Anam aeh amu, Lot nug aha, danab aɗit aa Lot aɗekuɗ baelti aɗapiɗ ele, ahilahppa ukka amelahppa aum. “Yawe Nug aab okkai imu heeb, padal mekku amunu, aa ahaya, aben laappa ukkeɗ!” awa aum. Lot anam aum, amge danab aɗit amu aa, “Nug qiɗ hak nai atte,” apiɗ.

Luk 16:19

Jesus Nug ele aum. “Anukka enub danab laa dayom, am nug hanhan beɗuppa lamen perpel, aria linen lamen hakkab eleib mettom. Am nug hanhan ee ena enaib lattom.

Sepanaia 1:18

Deɗ Yawe Nug danab ah bu madakku amu, deɗ amuppa ahilag silwa, o gol am nakok laa ii ehanadma. Yawe Nug danab ah nuhikkudnu, dahil doya laa aomanu doyak aɗa daatte, amge ag nuhikkudib daaglagnu ii heegeg, nug oo huana nauhtte. Oo nauhak amuam aab ewak laa huan ewawa, keeke oh he nauhtte, amubia daatte. Nuhig oo nauhak amuam heeb, wan oh nauhkku. Aɗinu? Danab ah oh ag wanppa daatteb, Nug heeb, ag padal mena autna aoglag.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Prowerb 11:4

Kayak Nug danab ah hipunin heegeg bu madatte, haen amuppa en okkai am danab ah ii ehanadma; amge genab tutukku hak kobol am danab ehanitte, danab ii mauhtte.

Prowerb 1:32

Aɗinu? Danab ah ag doyak ii awak ele daatteb amu, ag ahilag eheɗ hakppa mauhkkulag. Ao, danab ah ag Kayak dab-ii-menan ii dim lamidtteb ele, ag kaaka bia oinna, uug laa iinab bema anana oitteb ele amu, ahilagppa padal mak aakku bekku.

Prowerb 1:19

Amuam danab ag keeke kuɗumnu oolag he, kobol eheɗppa aoglagnu hetteb ele, ahilagppa bette; oo hak nau ahilag amu he, ag mauhtteb.

Genesis 14:16

Eɗadna amu, Abram nug daup ele Sodom, Gomora elenu keeke oh, enub, danab, amu ah oh ele, amu Abram bekka nakok Lot, amu nuhig keeke oh ele, ag eɗun diiadppig.

Luk 19:8

Aria Sakius aha hibaitta, Jesus amegppa aum. “Naɗi, gemu da dahil keeke oh gamagppanab oppaten, laih awe, daɗek danab madakkul. Amu da danab laa hambuppuitten, nuhig keeke yab aomi dayeb amu, da yab awak amu qaɗeppa ewam amubia laa ele nug medakkul,” awa aum.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

Genesis 19:26

Amu Lot wau nug gamu dim lamittatta, nug eɗua dimugppa neekkowa, nug yu ɠagattag eppak eɗua dayom.

Job 20:20

Laa amu, nug hanhan en okkai okkai qagmekkunu hik qeeqe daatte, ii iitta mette; en okkai amuppa amu, nug uug haenppa ehanittak laa ii aoma.

Eklisiastis 5:14

o iitta, nug enub okkai awe, uug atten ba he, enub okkai amu iitta mette amunu, danab amu nug bekka keeke nakok laa medakkunu elele iitta.

Prowerb 23:4

Na en okkainab aɗakkutnu uɗat ge iitta aib heme; na amu hemananu na doyak dabmak ena ele aɗan, nagakka atognoitte!