Eklisiastis 5:11 - Nobonob Baibel

¹¹ En tuɗitta, okkai mette amu, laa ag en amu latteb, ag ele tuɗid, kuɗum ele daatteb. Anam amunu, en mameg nug en kuɗum amuppa aɗi ehanittak aotte? Nug amegppa aakkuib anidtte.

Eklisiastis 5:11 Referans Kwoze

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Genesis 13:2

Haen amuppa nug enub kuɗumnab ele; nug doɗ kuɗum, silwa kuɗum, amu gol ele kuɗum.

Genesis 12:16

Omalna ukkaeg amu, Paro nug Abram keeke kuɗum Sarainu nob ena mettom; doɗ iɗu iɗu, amuam sipsip, makau, donki anig, dawai ele, amu kamel ele. Nug maɗi nid maɗi ah ele mettom.

Jeremaia 17:11

Danab laa nug laa dilagppa kobol eheɗ ha, en okkai aotte, nug am ai patris ai laanu oppa tona makkultte, nug amubia daatte. Nug enub ele haen elab ii daama. Iitta. Ai laan oppa patris makkulom ele, ai amu ag paha patris uuna, hagagaɗna gokkulag, amubia enub amu iitta mekku amunu, danab nug en kobol amuppa awom ele, laa ag nuhignu nug am danab Kayak dab-ii-maama ii dim lamidtte ele dooglag.” Yawe Nug anam awa atte.

Eklisiastis 2:9

Da ii domi haenppa, laa oh Jerusalem daappignu amu, dahil onig, ɠagattag ele am ahilag onig, ɠagattag ele eɗitta autta auttanab awom. Ag oolagppan laa nug da ii eɗilom. Da keeke amu oh hemi, amge da doyak dabmak ena ele uuenne ii hemi. Iitta! Da doyak dabmak ena ele aɗeɗe aakku hemi.

Eklisiastis 5:12

Uɗat hak danab nug ee okkai latte dayeb, o nug ee nakokib latte dayeb, nug ena niitte; amge enub danab nug niikkunu elele iitta.