Eklisiastis 4:14 - Nobonob Baibel

¹⁴ Aɗinu? Nid bau amu nug maniguittakppanu uɗia, wan amuppan king ba daakkutai, o laa king tiigppan doa, king daatte amu, nug daɗek mekkutai.

Eklisiastis 4:14 Referans Kwoze

Genesis 41:14

Grep titia leppu mettak danab nug anam a amu, Paro nug Josep uɗikkunu nai maniguittak nau gatatu eleppa me ukkom. Me ukke, ag paha Josep maniguittak amuppan aon uɗieg, nug id awa, lamen laa takka, Paro toppa ukkom.

Job 5:11

Danab ag onilag iitta amu, Nug he, ag danab okkai daatteb. Ao, laa ag uugppa daatteb amu, Nug ehanatte, ag laa eppelagppa ii daatteb.

Daniel 4:31

Nebukatnesar nug anam mattia dayeye, haen amuppanab baag laa hab attannu na, inam aum. “King Nebukatnesar, laa nug na king daakkutnu ehah aakku aɗitta awom. Ɗo nahipnu aakku anam daatte.

Gayak Nai 4:20

Amu danab laa, Yawe nug ihinig king daakkunu goɗen gokkaɗakppa tituane, ig ehanikka auta autanab awom amu; kekeɗ ag ahilag pelem meeg, nug amuppa teum. Ig nuhignu, “Ig nug waappa daat; wanppan wan laa oh oolagppa ena daagnig,” dabmemut, ⌊amge iitta⌋.

2 King 25:7

Ripla appa, Babilon dilag king nug a, Sedekaia amegppa anattette, ag bekkod oh aqaeg mauhppig. Anam heeg, Nebukatnesar nug a, ag Sedekaia ameg laih laih oh ahuɗeg nauhe, ag nug qakkaknu keeke brasppa hak, ag amuppa nug qakkona, ag nug aon, Babilon wanppa goppig.

2 King 24:12

Amu King Jehoiakin nug Babilon dilag king uɗiom antta, aria nug, nug anig, kingnu ehanittak danab, nuhikkud anuqak danab ele oh ag aab okkai dimittim gona, ag akka ag King Nebukatnesar eppegppa daaglagnu appig. Ag anam heeg, aakku Nebukatnesar nug Jehoiakin awa, maniguittom. Nebukatnesar nug Babilon dilag king dayaya, nuhig king dayaknu maɗ eblaih ewamppa nug anam heum.

2 King 24:6

Jehoiakim nug mauhe amu, nug bekka Jehoiakin nug abenabppa king ba dayom.

Eklisiastis 4:15

Amge da anidmi amu, nid bau king kaino dimugppa king ba daakku amu, danab ah oh aam waappa daatteb ele, ag nug dim lamidkkulag.

1 Samuel 2:8

Yawe Nug he, daɗek danab ag gappudppan ahan, ag nau ii daatteb. Ao! Nug he, ag uhuɗppa ii daatteb; ag aben enappa daatteb. Genab! Yawe Nug he, daɗek danab ag king tiigppan danab ele heɗep nena daatteb. Yo! Nug he, ag sia king, sia amu onig ele amu, ag sia amubiappa daatteb. Yawe Nug amu oh hekkunu elele. Aɗinu? Yawe Nug wan imu ohnab mameg daatte. Ao, Nug wan imu oh ma, babaittom daatte.