Eklisiastis 4:1 - Nobonob Baibel

¹ Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 4:1 Referans Kwoze

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Aisaia 5:7

Aɗinu? Israel buɗub ag am Yawe Nukka Ɠagattag Oh Ele, ag nuhig muɗi grep dad bia. Ao, Juda buɗub ag am muɗi grep, Yawe eppa, muɗi grep amunu enanagnab doyom bia. ⌊Yawe Nug ag ena atognoattatta,⌋ Nug danab ah amu ag nai doya mala hettoɗia epeɗia elele mettak kobol dim lamidkkulagnu dabmeum, amge iitta! Ag danab aqaeg mauhtteb! Ao, Nug ag anen anen, ag genab tutukku hak kobol danab ah laa dilagppa hekkulagnu dabmeum, amge iitta! Ag danab ah laa dilagppa kobol nau heegeg, danab ah ag uug nau doon gaatteb!

Jems 5:4

Antteg! Uɗat nid ag ahilag uɗat heppig, me ag enub danab ag uɗat nid amu buppualadnana, uɗat heppignu daden nob ii madappig amu, men doɗo amu eɗua danab baag bia, “Ag eheɗ heppig,” awa maditte. Uɗat nid amu dilag ewak, nai amuam Naɗi Ɠagattag Oh Ele, Nug daugppa noum daatte.

Matyu 26:56

Amge keeke imu oh amu propet nai yaappig, amu meu medatte,” awa aum. Anam a amu ippunittak awak danab oh ag Nug uuidna oolna goppig.

Malakai 3:5

Amu Yawe Nukka Ɠagattag Oh Ele Nug atte. “Haen amuppa da ag hettoɗiakppa maadkkul. Da danab ag onig awak heppig, danab wau uuitta ah laa ele oipiɗ, laa hambuppunna, nai hambuppuaknu, da dahil nai ɠagattag qein, nai amuam genab attem, appig ele amu, da ahilag kobol nau amunu paha mattien, naippa yaaladkkulnu daakkul. Laa ag ahilkad uɗat nid daden elele ii madappig, laa ag ah qab, gamulkad mauhppig, amu nid anilkad mamelkad mauhppig ele eheɗ hadappig, amu laa ag wan laihnu danab ag uɗin, ag oolagppa daaegeg, ag ahilagnu nai doya mala hettoɗia epeɗia elele mettak kobol ii dim lamidppig amu, da ahilag kobol nau amunu paha mattien, naippa yaaladkkulnu daakkul. Danab ah nau amu hetteb ele amu, ag dahilnu ebehilag oh bodoetta le ii mette amunu, da anam hekkul.” Yawe Nukka Ɠagattag Oh Ele Nug anam atte.

Gayak Nai 1:9

Juda danab ah ag eheɗ henana, ag ah laa kalam qe, leppu nau nuhig lamen qette, ag lamen amubia daanna, ag oolagppa dubuttid ele daappig; amge haen amuppa ag dimppa ahilagppa aɗi bekkunu dabmak nakok laa ii aoppig. Ag eheɗ heeg, kekeɗ heeg nena qeppig amu, ahilag na qak am laanab; ag nena qena autna autna aoppig. Ao, ag anam nena qeeg, laa ag ehanatteb, oolag mekkunu laa ii dayom. Laa anam ii dayeye, Juda danab ah ag atteb. “O Yawe, kekeɗ ag eɗigppig amunu, na ihinig guittak nau neegna anidna ehanigkkutnu oɗ medattem,” aon atteb.

Gayak Nai 1:2

Uug naunab ah beɗuppa be, nug tuqan eheɗ gayeye, ameg leb na, hippegppa daatte, kobol amubia Juda danab ah dilagppa beum daatte. Ah laa, danab kuɗum ag anen anen nug amegppa, “Da nahipnu ool mauhtte,” atteb, amge uug naunab nuhigppa bette haenppa, danab amu laa nug ehanitteb, oo mekkunu laa ii uɗitte amu, Juda dilagppa anam beum daatte. Ge, ah laa nug laikkud kuɗum ele, amge layag laa nug ah amu ele nug kekeɗ daaeh, ah amu laikkud laa ag eɗun, laa ah amu kekeɗ mettom ɠagattag qettan, ah ele kekeɗ hetteb amu, Juda dilagppa anam beum daatte.

Aisaia 51:23

Da kap wain nau ele, amuam ag Israel, ahilag bu mattak ippunigtte amu, da kap amu ahilag kekeɗ eppelagppa memi. Kekeɗ amu ag guittak nau madappig. Ag ag amelagppa, ‘Ig ag beɗulag qaɗeppa ib mattata oignignu amu, ag wanppa niieg!’ appig. Ag heeg, ag Juda ag wanppa niin, gomelag matteg, wan bia dayeye, ag aguppa tappan goppig. Ao, ag heeg, ag Juda ag wanppa niin, ag beɗulag mattaeg ib bia dayeye, ag aguppa oippig,” awa atte.

Sam 42:9

Da Nug amegppa attem. “O Kayak, na kekeɗ niɗamanu ehanittak dahil daattem. Diig aɗinu na da uuiɗme? Ao, diig aɗinu, da mahieye, gai-iitta oiiyi, kekeɗ ag eheɗ heiɗtteb?” awe attem.

Sam 42:3

Da deɗ oh, amun, tuqan ele gayak naɗi heiyi, amel leb nette. Anam amu, amel leppu am dahil ee bia daatte. Dahil kekeɗ ag da aon aon iun atteb. “Kayak nahip adekku? ⌊Nug aɗinu na ii ehanidtte?⌋” aon atteb.

Sam 12:5

Amu Yawe Nug atte. “Danab ah ag laa gai-iitta daaegeg, ag ag eheɗ hadatteb amu, da anadttem. Ao, daɗek ele ag aeqagatteb amu, da doottem. Anam daatte amunu, gemu amu, da ehanadppi qagaiettakppa ii daamnanu ahakkul. Ao, laa ag gai-iitta daatteb, daɗek daatteb ele amu, laa ag ahilagnu nai nau mattin, nau hattaglagnu dabmetteb ele amu, da gai-iitta daatteb, daɗek daatteb ele ehanadppi, ag uug amuppa ii daamna,” awa atte.

Job 35:9

Danab okkai ag laa eheɗ hattegeg, danab ag eheɗ aotteb amu, ag Kayak ehanadkkunu gaatteb. Ao, ag Kayak ehanatteb, ag danab ɠagattag amu eppelkadppa daamnanu oo doyakppa Kayak unuqidtteb.

Aisaia 59:7

Ag nau hekkulagnu qaiettan gotteb. Ao, ag danab eheɗ laa ii heum qeppeg mauhkkunu pahaettak daatteb. Ag hanhan kobol nau hekkulagnu dabmenan oitteb. Ag aɗi aɗi hetteb ele amu, ag amuppa keeke heeg nauhtte, ag heeg, keeke ena dayom am gemu nauhak daatte.

Malakai 3:18

Anam aakku beeb, ag baula aɗi keeke laa genab tutukku hak danab dilagppa bette, amu aɗi keeke, nau hak danab ele dilagppa bette, keeke amuam piɗe piɗe, ag amu anidkkulag. Ao, ag baula aɗi keeke laa danab ag Kayak waappa daan, Nug oɗe dim lamidtteb dilagppa bette, amu aɗi keeke danab ag Kayak waappa ii daan, Nug oɗe dim ii lamidtteb dilagppa bette, keeke amuam piɗe piɗe, ag amu anidkkulag,” awa atte.

Malakai 2:13

Imuam keeke laa ag danab ah Judanu, ag hetteb. Yawe Nug ahilag mana mettaknu ii dabmette, Nug amunu ena doya ag eppelagppanu ii aotte amunu, ag gaanna, mahinna, ag Yawenu qaɗab amelag lebppa haut-tteb.

Eklisiastis 7:7

Danab nug doyak dabmak ena ele, amge nug kobol nauppa danab laa eppelagppan en aokku dayeb, nug aakku eɗua, danab nug Kayak dab-ii-maama ii dim lamidtte ele daatte; laa amu, lokkumakppa eheɗ haknu ehanittak mettak am he, laa aotte ele nug oo kaliak daatte.

Prowerb 28:3

Danab okkai laa nug daɗek danab ah eheɗ hadatte amu; nug am gu huananab naan he, datta keh keeke iitta metteb, nug amubia daatte.

Sam 142:4

Na da eppel naɗiap-ppa neegna, auntai laa da atognoiɗa ɠagattag iukkunu laa ii daatte anidkkut. Da padal mak eɗitteb ena daakkulnu aben laa iitta. Da mauhkkul dayeb amu, auntai laa nug amu dab-ii-mema.

Sam 80:5

Na hee, ig gayak okkai heutut, ig amenig leb am ihinig ee bia daatte. Ao, na hee, ig gayak okkai heutut, ig amenig leb am le oug lattem, amubia daatte.

Sam 69:20

Ag dahilnu, “Keeke hamunab,” doyegeg, da keeke laa hekkulnu elele iitta. Da oo doyak laala awaknu dabmemi, amge iittanab. Ao, da danab laa, da oo mak meɗakunu neegmi, amge laal iitta.

Job 16:4

Ag da daattem bia daalob, da ag abenlagppa dayeye, da ag maditteb bia ele madikkulnu elele daalom. Ao, da ag amelagppa, ‘Ag eheɗ inam inam hetteb,’ akkulnu, da ag eheɗ heppignu ikkil matuɗen daakkulnu elele daalom.

Job 6:29

Ag ahilag dabmak eɗueg! Ag nai doya mala hettoɗia epeɗia elele mettak kobol dim lamitteg! Ao, ag ahilag dabmak eɗueg! Da genab tutukku hak kobol dim lamidttem.

Ikki Danab 4:3

Am Jabin nug bannu karis 900 aenppa hak ele, amu nug maɗ 20 Israel danab ah eheɗ hadatta, guittak mattom amunu, Israel ag Yawe ehanadkkunu gaappig.

Duteronomi 28:48

aakku Yawe Nug kekeɗ maatteb, ahilagppa uɗippeg, ag ahilag maɗi nid daan, uɗat naunab henan daaglag. Ag geha enug aqakku, le baalag diikku, bam iitta daaglag, keeke ohnu tutu mak daaglag. Kekeɗ ag eheɗ nau hadappeppeg ukkeb ukkeb, ag nauhna autnanab aoglag. Amu bekku diig am, ag oolag ena, gamag ahak ele Yawe waappa daanna nuhig maɗi nid ii daappig.

Duteronomi 28:33

Wan laappan danab ag ii doyadtteb ele, ag geha, ag Israel ag uɗat naɗi hena, keh ebatteb amu, wan laappan danab, ag ag ii doyadttem ele, ag lakkulag. Ag Israel, ag geha danab amu waalagppa daappeg, ag eheɗ nau hadappeppeg, ag bau dayak haen ahilag ohppa anamib daaglag.

Eksodas 1:22

Aria dimppa, Paro nug Isip danab ah amelagppa inam aum. “Hibru ah ag nid danab bau menuadppeg anidna, ag aɗadna, Nil leppa agappeg noig; amge nid ah menuadppeg amu, ag uuadppeg dayeg!” awa aum.

Eksodas 1:16

“Haen aa Hibru ah nid menuglagnu ehanadttep amu, Hibru ah laa nid menuebeb, aa pehettak neegkkulah. Ah amu nug nid danab menueb anidya, aa nid amu qepeɗ mauhkku. Amge ah nug nid ah menueb amu, aa aib qepiɗ! Aa uupeɗ daakku” awa aum.

Prowerb 19:7

Daɗek danab tiig laippu, ag nug guhuɗidtteb dayeb, laa ag nug laikkud, amge tiig laippu iitta, ag guhuɗidna autna aotteb. Ge, diig amunu daɗek danab nug ag ele laippu daaglagnu, oo doyakppa ag oɗ madakku, amge iitta, ag nuhig nai dooglagnu ii hemana.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Jeremaia 16:7

Laa nug mauhppig lailkad oolag mekkunu ee, o le keeke ii mattama. Ge, laa mameg o anig mauheb, laa nug mauhom laikkud anam ii ehanadma,” awa atte.

Gayak Nai 1:16

Diig imunu ig Juda danab ah ig gaattem. Ao, diig imunu ig amenig leb am ig amenigppa ambaknab daatte. Diig amuam inam. Laa ig ehanikkeb, ig oonig mekkunu laa miag ii daatte; laa nug ehanikkeb, ig oonig eɗua, ɠagattag daakkunu laa iitta. Laa am, kekeɗ ag ig eɗigppig; amunu ig bekkankad, aɗenkad ele ag daɗeknab daatteb.

Job 9:24

Ao, nau hak danab ag wan laa aon gumaegeg, Kayak Nug wan amuppan epeɗiak danab paɗatte, ag nai doya mala hettoɗia epeɗia elele mettak kobol ii dim lamidtteb. Kayak Nug amu ii hette dayeb amu, auntai laa nug aakku he bette?

Sam 69:21

Kekeɗ dahil ag da ee ninig ele lakkulnu meɗappig. Ao, da baal qaɗaiette, ag da wain nau ninig ele lakkulnu meɗappig.

Sam 142:5

O Yawe, na ehaniɗkkutnu unuqitte aute aottem. Da attem. “Yawe, na aakkuib am padal mak eɗitteb ena dayaknu ehanittak dahil daattem. Keeke ena oh da eppelppa daakkunu elele amu, na nakka keeke amu oh abenlag aon dayeye, na da ele daattep amunu, da ena, elele daattem!” awe attem.

Prowerb 29:2

Genab tutukku hak danab kuɗum bena daaegeg amu, danab ah ag gamag ahak aotteb; nau hak danab ag gumak heegeg amu, danab ah ag oolag uug ele daye, aiqagatteb.

Gayak Nai 1:17

Juda danab ah ag am ah laa nug guittak okkai doyaya, laa ehanitteb, oo mekkunu eppeg bahitte bia daatteb, amge laa nug uɗia ii ehanidtte bia daatteb. Yawe Nug wan laala Juda guguittak daatteb, ag eɗun, Juda dilag kekeɗ daaglagnu ɗo nai mattia aum. Ao, Juda danab ah ag danab ah laa oh oolagppa ag keeke dubuttid ele bia daatteb.

Amos 3:9

Laa nug Pilistia dilag danab okkai, am Isip dilag danab okkai ele, nug amu oh amelagppa inam ab doyeg! “Ag ahan uɗin, qauko Samaria guguittak daattebppa qagmen daan, ag Israel danab ah ag maɗoɗ iinab daan, ag akka akka, ag laa eheɗ hadatteb ele antteg!” Laa nug anam ab doyeg!

Amos 3:10

Amu Yawe Nug inam atte. “Israel danab ag kobol tutukku dim lamidna hekkulagnu ib ii dootteb. Ag ahan, lailkad dilag keeke hamu aotteb. Ag ban danab laih gona, wan laappan daup eɗadna, wan amuppan keeke aon gotteb, ag Israel, ag amubia ag lailkad dilagppa anam hena, ag keeke aotteb amu, ag aon gona, aab aɗ ɠagattagnab ele, ag aguppa daatteb amu, ag appa aon gona metteb,” awa atte.