Eklisiastis 3:8 - Nobonob Baibel

⁸ Danab oo mauhak dooglagnu haen daatte; danab ag nau ninig ele dooglagnu haen ele daatte. Danab ag ban hekkulagnu haen daatte; danab ag maɗoɗ daaglagnu haen ele daatte.

Eklisiastis 3:8 Referans Kwoze

Epesus 5:25

Kristus Nug nuhig tamaniaknu oo mauhe, Nug nukka nuhig bau dayak amu uua mauhom, amubia danab ag waalkad dilagnu oolag mauhaɗ!

Luk 14:26

“Danab nug dahilppa uɗitte, amge nug mameg, anig, am nuhig ah, bekkod dilag am awag, amag, apakkud, appinkkud dilag, nug nukka nuhig bau dayak ele amunu anuqak dootte ele, aria nug dahil ippunittak awak danab daakkunu elele iitta.

1 King 5:4

gemu Yawe, Kayak dahil, Nug maɗoɗ haen ena da meɗa he, wan laa oh ag ig ele ena daattem, uug laa ele iitta

Revelesen 2:2

Da nahip hak, uɗat ɠagattag nahip, amu na uɗat amu hekkutnu ii uun, tuɗidna hettem ele amu, da doottem. Na danab nau dilag ele oot iinab hette. Amu laa ag, ‘Ig am totol danab,’ hambuppun appig amu, na ma anttak matte, ag am hambuppuak danab daatteb anidme.

Sam 139:21

O Yawe, da laa ag nahipnu nau ninig ele dootteb amu, da ahilagnu ele nau ninig ele doottem. Ao, da laa ag na kekeɗ medatteb amu, da ahilagnu ena iinab doottem.

2 Stori 19:2

Hanani bekka Jehu, nug propet amu, nug aha, King Jehosapat uɗa ta, nug amegppa aum. “Na danab nau ehanidkkut am enate? Na laa nug Yawenu nau ninig ele doottenu oo mauhak dookkut am enate? Na anam heme amunu, Yawe Nug nahipnu oppoɗi bak dootte.

Taitus 2:4

ag ah bau ag gamulkad amu ahilkad nid naunau ele dilagnu oo mauhak dooglagnu ippuanadkkulagnu,

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

Esekiel 16:8

Na anam ena mena dayeye, dimppa da baula laih gokkulnu na daameppa uɗie, da neekki ukke, na anitten, na elele ena mena, na danab aokkutnu elele daame anidmi. Da anam anitte, da na dahil ah daakkutnu tituanitten, bam iitta daamnanu lamen mette, da nahip danab daakkulnu dahil nai ɠagattagnab qetten mattii, na da ele ewau daagnihnu i nug tituanɗa nai qakkaɗa, na dahil aakku daame.’ ” Naɗi Yawe, Nug anam awa atte.

Josua 11:23

Amunu Josua nug Yawe, Moses amegppa haknunab aum, amubianab wan amu oh eɗattom. Nug Yawe, Moses amegppa aɗi aɗi hakknunab aum amu, nug tutukku dim lamitta heum. Nug wan amu Israel aulag daakkunu pania mattom. Nug otia, Israel dilag huu okkai anen anen, ag mattom. Israel ag wan aoeg dimppa amu, ag maɗoɗ daappig.

Sam 101:3

Ao, da keeke laa na noomppa uɗig wak ele daatte doottem amu, da amu anttaknu uukkul. Kobol oh danab ag na ii dim lamidtteb ele, ag hetteb amu, da kobol amunu nau ninig ele doottem. Da kobol amu ohppanu aɗitai laa ii hepa.

Prowerb 13:5

Genab tutukku hak danab ag hambuppuak kobolnu ag oolagppa nau ninig ele dootteb; amge nau hak danab ag uɗa nak kobol, amu uɗa nak nau guittak ele kobol hetteb.

2 King 9:22

Haen Joram nug Jehu antta, nug Jehu inam oɗ mettom. “Na maɗoɗ ele uɗittemte?” awa oɗ mettom. Oɗ mette, aria Jehu nug nai amu nob inam aum. “Na anin Jesebel nug kayak hambuppuak noolagppa dup noa binalag maama, onig awak kobol ele hette. Na aninnu kobol nau amu oh amu, aakku gemu ba okkai mette amunu, maɗoɗ am attem daakku?” awa aum.

Sam 105:25

Isipnu amu, Yawe Nug ag uuatte, ag Israel dilagnu nau ninig ele doon, kekeɗ madappig. Nug uuatte, ag nuhikkud maɗi nid eheɗ hattaglagnu maittak aoppig.