Eklisiastis 3:7 - Nobonob Baibel

⁷ Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.

Eklisiastis 3:7 Referans Kwoze

Maika 7:5

Nid danab nug mameg awa awa qedatte. Ah aɗeg nug anig ele dabmak laippu iitta, aɗeg nug anig ele aa oolah laippu iitta daattep. Ahipa bau nug ahipa kaino ele dabmak laippu iitta, ahipa bau nug ahipa kaino ele aa oolah laippu iitta daattep. Danabnu kekeɗ ag nug baekkudppan danab ah daatteb amunu, ag ahilag mudippan laippu laanu aib oolagppa genab doon, “Nug dahilppanu eheɗ laa ii hema,” aib dabmeppig. Ao, laa nug layagnu, “Nug am da layal, nug da ehaniɗkku,” aib dabmeum. Na waat ele nai mattiglah dayeb, o na gamut ele nai mattiglah dayeb amu, na tutukku dabmenana madikkut; hamu hamu dabmak iitta eleppa aib mattime.

Amos 5:13

Ag amu heegeg, haen nau aakku daatte amunu, haen imu biappa laa ag eheɗ bemanu dabmak awa dabmak amu dim lamittak danab, ag oɗelag qamutna daatteb.

Aposel 4:20

Aa anam awoya am baula tuɗidya apiɗ. “I amu oɗenih qamutkkunihnu ele iitta. Aɗinu? I keeke oh amenihppa anidɗa, nuhig nai doomuɗ ele amu, ib laa iitta, mehuqkkunihnab,” aoya apiɗ.

Gayak Nai 3:28

Nid bau anam amu, Yawe Nug uug amu nug mettom amunu, nug nukka, oɗe qamutteb dayaya mawaɗ!

Joel 2:13

Amu ag lamen dimittimnu pattiɗna meɗaglagnu aib heppig. Iitta. Ag oolag unuqagppa, ‘Ig eheɗ nau hemut,’ doon, diig amunu ag oolag unuqag guittak doyeg!” Yawe Nug anam atte. Yawe Nug anam atte amunu, ag Yawe, ahilag Kayak, ag eɗun, Nug waappa daaglagnu waig! Aɗinu ag anam hekkulag? Yawe Nug oo bodoette enanag maɗoɗ ele hak kobol, Nug oo bodoetta le mak kobol ele dim lamidtte. Nug oo paha ii nauhtte, nuhig oo mauhaknab kobol am amba, leta nette. Amu ⌊danab ah ag oolag genab eɗutteb dayeb,⌋ deɗ kuɗum ag hipunin heppignu Nug uug naunab madakkunu daatte amu, Nug ii madatte; iitta.

Esta 7:4

Aɗinu? Danab ah dahilad, amu da ele ig am danab ag iqaglagnu daden meigna eppelagppa meigppig daattem. Ig begbeg maɗi nid maɗi ah ele daagnignu aakkuib daden meiglob amu, da aɗitai laa ii alom. Keeke amuam keeke nakokib, laa nug king, keeke nakok amunu uug medakkunu am ena iitta. Am elele iitta amunu, am anam daalo amu, da aɗitai laa ii alom,” awa aum.

Amos 8:3

Gemu ag dahil mettid lag appa ahi edatteb, amge haen amuppa ag appa mahiglag. Mauhak gaɗalkad huanak daaglag. Laa ag nai mattiak iitta ele, oqotti laa ele iitta ele gaɗalkad amu akkan, aab dimittim gokkulag.” Naɗi Yawe Nug anam awa atte.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Aisaia 36:21

Asiria dilag ban daup ikki amu nug anam aum, amge Juda danab ag nuhig nai dooppig ele, ag nob laa ii medappig. Hesekaia nug ag nai nob ii memananunab aum amunu, ag ii heppig.

Sam 39:2

Da anam dakka dahilnu ami amunu, ⌊nau hak danab ag gukkuiɗna daaegeg,⌋ da nai laa iinab mattimi, ⌊amge da ag nai appig daulib doomi.⌋ Da nai ii mattimi, amge amuppa da oolppa uug beum. Da anam heiyi, uug da oolppa dayaya, okkainab meum.

2 King 6:30

Ah nug nai amu mattie, king nug ahnu nai amu doya, aria nug lamen elab nuhig aɗa patiɗom. Nug aɗ attannu ii neum, aɗ attan oiyeye, danab ah oh ag nug anttegeg, nuhig lamen elab patiɗom. Nug nuhig lamen elab patiɗom, amu lamen amu waappa nug lamen heɗiag ele beɗu qaɗeppa takka oiyeye anidppig.

2 King 5:7

Israel dilag king nug uɗug amu ebqewowa, nug oo uug dayom. Nug oo uug dayeye, nug nuhig lamen elab aɗa pattiɗa, nug aum. “Da am Kayakte? Da heppi, danab mauheb, heppi, nug eɗua, bau ena daakkunu elelete? Da doottem, Aram dilag king nug banel uɗia, iweb mauhkkulnu ib mattiaya, danab imu gaɗa oɗe nau ele dahilppa me uɗiom, aakkuib,” awa aum.

1 King 21:27

Haen Ahap nug Elaiya nai mattiom amu doya, nug eheɗ heum amu doya, nug nuhig lamen patiɗa, nug lamen heɗiag ele awa takka, nug ee ohnu ele kud dayom. Tuqan ele nug lamen heɗiag eleppa niiom. Nug dada danab kobol uua autanab awa, nukka onig qe ne oiyom.

2 Samuel 3:31

Anam daye amu, Dawit nug Joap, danab ah nug ele daappig ele amu, nug ag oh amelagppa aum. “Ag lamen ahilag patiɗna, lamen heɗiag ele takkeg! Ig Apner boumkkunignu gotata, ag mahidnana anuqna ukkeg!” awa aum. Dawit nug anam a, ag anam heegeg, King Dawit nug qaɗaqaɗ, ag amuppa Apner gaɗa maoppig amu, nug qaɗaqaɗ amu dimugppa oiyom.

2 Samuel 1:11

Amalek danab nug anam a amu, Dawit, nuhikkud danab nug ele daappig amu, ag oh ahilkad lamen aɗan pattiɗadppig.

Genesis 44:34

Aɗinu? Nid imu nug da ele oh eɗuɗ ii gokkunih amu, da elele iittanab iitta dookkul. Nid imu nug eɗua ii ukkeb, ig mamenig amunu uug okkai maweb, da attem heine nug anam heebeb anidkkul? Amu elele iitta,” awa aum.

Genesis 44:18

Josep anam a amu, Juda nug Josep gumitta ukka, baula amegppa aum. “O naɗi dahil, na nahip maɗi nid da, da nai nakok appi dookkutnu ool daatte. Na am Paro bia daattem, amge na da, nahip maɗi nid, na dahilnu oot ii nauhmanu oɗ medattem.

Genesis 37:34

Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

Genesis 37:29

Ag anam heegeg, Ruben nug appa ii dayom. Amge dimppa, haen nug eɗua uɗia, le moɗppa ukka neekka, Josep ii antta, nug oo uugnab doya, nuhig lamen pattiɗom.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Jeremaia 36:24

King, nuhikkud ehanittak laa nug ele daappig amu, ag nai amu oh dooppig, amge ag ii baɗappig. Ag eheɗ heppignu ahilkad lamen ele ii pattiɗppig.

Job 2:13

Ag anam hena, ag Job nug guittak naɗi, nau ele doyom anidppig amunu, ag wana, wanppa heɗep nena daanna, ag nai nakok laa ii mattieg ukke, deɗ eblaih aɗit, tuqan eblaih aɗit ele ag anamib bakkum daappig.

Eklisiastis 3:6

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

1 Samuel 10:16

Nug Saul oɗ mette, Saul nug aum. “Nug laa ag donki eɗun anadppig a doomuɗ,” awa aum. Saul anam aum, amge nug king ba daakkunu, Samuel amunu aum amu, nug nai amu, nug mameg nakok amegppa nakok laa ii aum.

2 King 18:36

Asiria dilag ban daup ikki amu nug anam aum, amge Juda danab ag nuhig nai dooppig ele, ag nob laa ii medappig. King Hesekaia nug ag nai nob ii memananunab aum amunu, ag ii heppig.