Eklisiastis 3:6 - Nobonob Baibel

⁶ Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

Eklisiastis 3:6 Referans Kwoze

Aposel 27:19

Ag anam heeg ukke, deɗ ewamppa amu ag akka eppelagppa uubnu ulah duttunaknu keeke laala aotna, buɗieg yuppa noum.

Aposel 27:38

Ag ee laeg elele daye amu, aria uub amu uug iitta daakkunu uubppan uɗat danab ag ee aeg akkaeg yuppa noum.

Matyu 19:29

Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.

Eklisiastis 11:1

Na nug ehanittak henan daye! Aɗinu? Na anam heppe, butti, haen adekku amu, na ehanittak eɗun aokkut.

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

2 King 5:26

Nug aum, amge Elisa nug Gehasi amegppa aum. “Da ouɗil amu na ele daaeheh, amu haen danab nug uɗan tekkunu karis aɗa oola na, hibaitta dayom ele amu, da doomi. Gehasi gemu am men doɗo, o lamen, o olip dad, o grep dad, o sipsip, o makau, o maɗi nid, o maɗi ah awaknu haen iitta.

Jona 1:5

Anam he, uub gumak danab ag huanak baɗana, ag oh ahan, akka akka ahilkad kayak hambuppuak unuqidppig. Amu uub uug iitta gokkunu ag ele ahan, keeke laala akkaeg, yuppa noum. Ag anam heppig, amge Jona nug matu noa, uub ooppa bet attan na qa, huana niiom.

Aisaia 2:20

Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.

2 King 8:9

Aakku Hasael nug Damaskusnu keeke ena ena digdig, Elisanu daakkunu hamu medakkunu awom. Keeke amu kamel 40 maoglagnu elele; nug keeke amu kamelppa ma awa, Elisa toppa ukkom. Ukka ta, nug Elisa amegppa inam aum. “Aram dilag king Benhadat, maɗi nid nahip, nug he, da na gumitte, nuhig oɗmak medakkulnu uɗimi. Oɗmak nuhig am, ‘Da dahil oɗe imu iitta meeb, ena daakkulte?’ Da amu na oɗ medakkulnu uɗimi,” awa aum.

2 King 7:15

King nug he, nuhikkud danab ag gona, Aram goppig baelag mattan gona, Jodan leppa batappig. Ag baelag mattan gonana, ibppa Aram ag paha gokkulag henana, ag keeke kuɗumnab mauhnoak akkaeg ukkom niiegeg anidppig. Ahilag ban lamen, am keeke laala ele. Anttona, ag eɗun gona, king amegppa appig.

Genesis 31:18

nug sipsip, meeme, doɗ laala ele nug noobppa he ukkaegeg, keeke nug Mesopatemianu diiom ele diie, nug Kanan wanppa, nug mameg Aisak toppa gokkulagnu goppig.

Eklisiastis 3:5

Danab ag men aon, buɗiadppeg gokkulagnu haen daatte; danab nug men awa, qagmekkunu haen ele daatte. Danab lailkad humadna, ootuqadkkulagnu haen daatte; ag amu ii hemananu haen ele daatte.

Eklisiastis 3:7

Danab lamen pattikkulagnu haen daatte; danab lamen eɗun koitkkulagnu haen ele daatte. Danab oɗelag qamutkkulagnu haen daatte; danab ag nai mattiglagnu haen ele daatte.