Eklisiastis 3:4 - Nobonob Baibel

⁴ Danab ag gaanna daaglagnu haen daatte; danab ag imanna daaglagnu haen ele daatte. Danab ag mahiglagnu haen daatte; danab ag ahi goɗaglagnu haen ele daatte.

Eklisiastis 3:4 Referans Kwoze

Rom 12:15

Danab ag maɗoɗppan gamag ahak dootteb ele, ag ele oh maɗoɗppan gamag ahak doyeg! Danab gaappeg, ag ele oh gayeg!

Jems 4:9

Ag eheɗ hak ahilag amu, ag amunu dabmenan, ag oolagppa guittak doon, huana gayeg! Ag danab ag imatteb ele, ag imak am uuna gayeg! Ag danab ag oolag gamag ahatte ele, ag oo gamag ahak amu uuna, ag oolagppa uug ele doyeg!

Sam 30:5

Aɗinu? Nuhig oo nauhak am haen tutuib daatte, amge ii helo bia me, ehanittak kobol nuhig, kobol amuam danab ah nuhikkud bau daatteb, am haen amu oh anamib daatte! Danab ah ag tueb meeb gaappeg ukkeb, wagkkaɗkkutai, amge buttua amu, Nug ag gamag ahak madakku.

Eksodas 15:20

amu dimppa, propet ah Miriam, Aron appinag, nug ahi ettaknu keeke onig tambarin, nug amu awa uɗalele, ah laala oh ahan, Miriam dim lamidna ukkaeg, Miriam ag ele oh tambarin uɗalnan, ahi ettanna goɗappig.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Luk 1:58

Menue amunu Elisabet mudippanu amu nuhikkudppa ele ag Naɗi nuhignu oo gai-iitta doya oo metta ehanittom doona, ag nug ele maɗoɗppan gamag ahak dooppig.

Matyu 11:17

‘Ig ahilagnu dumuttum iwalmut, amge ag ahi ii edappig. Ig ahi oo doyak ele ettamut, amge ag ii gaappig,’ atteb amubia hetteb.

Matyu 9:15

Ag Jesus amegppa anam appig amu, Jesus Nug aum. “Da am danab nug ah aotte bia. Aria, dahil ippunittak awak danab, ag am da lailad. Amu ig doottem, ewau matulak haen am oo gamag ahak ele amunu, danab nug ah aotte, nug daatte haenppa, nug laikkud ag uug doonna, ee ohnu kud mena daaglagnu am iitta. Ag oolag gamag ahak ele amunu, ag ee ii uumna, ag lakkulag. Anam aakku daatte, amge deɗ laa dimppa ag lailag, ah awom ele amu, nug laih ukkeb, haen amuppa ag oolag uug ele amunu, haen amuppa ag ee ohnu kud mena daaglag. Amu da ami, amubia. Da am danab ah aotte bia. Dahil ippunittak awak danab ag am da lailad bia. Da gemu ag ele daattem amunu, ag ee ohnu kud mena daaglagnu elele iitta. Dimppa da goppi, ag anam hekkulag,” awa aum.

2 Samuel 6:16

Ag Yawenu Tituanak Nainu Kunup anam aon uɗinna, ag Dawitnu Aab, ag appa bena, aab ooppa nonana, Dawit nug gamag ahak okkai ele doyaya, nug oola taata, oola naana, ahi huana goɗeɗe, nug wau, Saul aɗeg Mikal, nug lag ooppa dayaya, gililppa ulah ibuppa daya, haen nug neekke ukke, King Dawit anam he antta amu, nuhignu nug ooppa ena iinab doyom.

Genesis 21:6

nug aum. “Kayak Nug he, da imak maɗoɗppan gamag ahakppanu aomi daattem. Amu danab laa oh ag keeke dahilppa beum dooglag amu, ag ele anamib dooglag,” awa aum.

Sam 30:11

O Yawe, na hee, da mahiak okkai hein daami amu, da mahiak amu uuen, da gamag ahak naɗi doyeye, ahi goɗattem. Na lamen heɗiag ele dahil uɗilon, lamen gamag ahaknu ippunigtte ele meɗame.

Eklisiastis 3:5

Danab ag men aon, buɗiadppeg gokkulagnu haen daatte; danab nug men awa, qagmekkunu haen ele daatte. Danab lailkad humadna, ootuqadkkulagnu haen daatte; ag amu ii hemananu haen ele daatte.

Eklisiastis 7:14

Nahip oiyakppa, haen ena daatte dayeb, na gamag ahak doye! Nahip oiyakppa haen nau daatte dayeb, na imunu dabmak awe! Kayak Nug he, kobol aɗit amu oh bettep; amunu danab nug Kayaknu naittuɗ mekkunu elele iitta.

Aisaia 40:1

Ag ahilag Kayak, Nug atte. “Ag dahilad danab ah oo mak matteg! Ao, ag ɠagattag qatteg!

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.