Eklisiastis 3:17 - Nobonob Baibel

¹⁷ Da amu antten, da oolppa inam dabmemi. “Kayak Nug aɗi hekkunu haen tituanom daatte. Ao, Nug aɗi hette am haen ele amunu, Nug genab tutukku hak danab, nau hak danab ele hettoɗiak abenppa maadkku.”

Eklisiastis 3:17 Referans Kwoze

2 Korint 5:10

Aɗinu? Ig doottem, geha ig oh Kristusnu hettoɗiak abenppa daagnig. Aria haen ig beɗunig imuppa daatta, ig kobol nau hettem ele dayeb amu, geha ig amunu nob nau aognig. O iitta ig daatta, ig kobol ena hettem dayeb amu, geha ig amunu nob ena aognig. Yo, ig geha anen anen kobol hemutnu nob amuib aognig.

Eklisiastis 12:14

Diig laa na anam hekkutnu am, Kayak Nug keeke oh ig danab, ig hettem ele epeɗiadkku. Nug keeke ig miag atiak hemut epeɗiadkku, amge amu aakkuib iitta. Iitta. Nug keeke ig lokkumakppa hemut ele epeɗiadkku. Nug ig keeke ena hemut epeɗiadkku, amu Nug keeke eheɗ ig hemut ele epeɗiadkku,” awa atte.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Eklisiastis 3:1

Keeke oh, am ahilag haen ele; amu uɗat oh danab ag wanppa hetteb ele, hak amu ele am haen ele.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Sam 98:9

Heppeg, keeke amu oh ag Yawe noobppa anam heig! Aɗinu? Yawe Nug wanppan danab ah oh epeɗiadkkunu uɗitte. Nug genab tutukku hak kobol dim lamitta, epeɗiak amu hekku. Ao, Nug wan atu ohppan danab ah nai doya mala hettoɗia epeɗia elele mettak kobolppa epeɗiadkku.

Genesis 18:25

Ge, anam daakku! Na genab tutukku hak danab, amu danab nau ele oh he ii mauhtteb. Na anam ii hettem. Na, na wan atu oh dilag epeɗiak danab daattem, na haen oh epeɗiak kobol tutukkuib iite hemana?” awa aum.

Revelesen 20:2

Nug mat naɗi anukkanunab aɗom. Nug am baeg qak danab, onig laa am Satan. Nug nug aɗa, maɗ 1,000 daakkunu hippalom.

Revelesen 11:18

Iitta aɗi ag nahipnu oo nauhak dooppig, amu na ag amunu bu aqakkutnu haen aakku beum. Anam amunu, na gemu mauhak aɗi epeɗiadkkutnu haen aakku beum. Gemu am ele nahip propet, ag nahipad maɗi nid amu, na ag nob ena madakkutnu haen. Anam amu, gemu am ele nahipad danab ah oppiaawak ele, amu danab oh ag nahipnu ebehilkad oh bodoetta le mette ele, na ag ele nob ena madakkutnu haen. Na danab amu ag onilag ele, onilag iitta ele, amu ag oh nob ena madakkut. Aria, gemu ele na danab ag wanppa tappe nak hena, wan heeg nauhtte ele amu, na heppe, ag nauhkkulagnu haen,” aon appig.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

Aposel 17:31

Aɗinu? Nug wanppan danab ah oh epeɗiadkkunu deɗ aakku otiom daatte. Geha, epeɗiak amuppa amu, Nug nai doya mala hettoɗia epeɗia elele mettak kobol tutukku dim lamittatta, Nug danab ah oh epeɗiadkku. Amu Nug danab laa epeɗiak amu gumakkunu otiom. Danab amu Nug mauhe, Kayak Nug he, Nug eɗua hibaittom amunu, danab oh ag keeke amu genab bekku amu, ag oolagppa genab dooglagnu elele,” awa aum.

Aposel 1:7

Aeg amu, Nug ag amelagppa aum. “Amu ahilagte keeke amunu, ag da Mamel Nug haen deɗ ele aum amu ag dooglag? Iitta. Nug nukka keeke amu gumatte.

Jon 5:22

Mama Nug danab laa ii epeɗitte. Iitta. Nug danab ah oh ag Nug binag metteb, amubia da binal mekkulagnu epeɗiak uɗat amu oh Nug Bekka da, da eppelppaib meum. Am danab nug Kayak Bekka da, da binal ii mette amu Mama, Nug da meiɗe uɗimi ele amu, Nug binag ele ii mette.

Daniel 12:9

Da anam oɗ mettai, nug da amelppa aum. “Daniel, na maɗoɗ ele daye! Aɗinu? Nai imu qettoɗmanu babaittak aakku daatte. Am anam dayebeb ukkeb, gog tak haenppa nai imuam daakku.

Daniel 12:4

Amge Daniel, keeke na anidme, buk itoɗiakppa yaak niitte am paha meu ii oma. Haen elab ukkeb, meu okku amunu, na nai amu qettoɗmanu aɗi hekkutnu daatte amu, na pehettak babaitte! Kuɗum ag doyak tuɗidna aoglagnu ag laih wana, eɗun laih dona, ahan laih gokkulag, ⌊amge doyak amu buk imuppa iikku daatte⌋,” awa aum.

Daniel 11:40

Amu gog tak haenppa amu, wan yau uɗitteppanu daatte, appan dilag king nug wan yawalti uɗitteppanu daatte, appanu dilag king ele ban hekkun ahakku. Wan yau uɗitteppanu king nug anam aheb, wan yawalti uɗitteppanu dilag king nug doya, nug oppoɗi beeb, nug heeb, nuhikkud daup ag bannu karis attan daan, ban hetteb, nuhikkud daup ag hos attan daan, ban hetteb, nuhikkud bannu uub kuɗum huanak ele ahappeg, ag king laa amu ele ban hekkulagnu huan gokkulag. Wan yawalti uɗitteppanu king nug wan kuɗumnab obatata, ag ele ban haaha, le ui wa gotte bia gokku.

Eklisiastis 8:6

Keeke oh haknu am haen ele, ippu ena ele; diig amunu danab ag aɗi keeke hekkulagnu daatte, ag haenppa, ippu ena eleppa hekkulagnu oinna, uug maotteb.

Eklisiastis 2:1

Anam amu, da dakka, da oolppa inam ami. “Da ahen, da aɗi kobol am ena anidkkulnu, da beɗul nug aɗi kobol digdig hekkulnu eeɗiltte amu, da hekkul,” ami. Da anam ain, aakku hemi, amge amu ele am gaɗappa, unuqagppa ele anttak laippu iitta anidmi.

Eklisiastis 1:16

Da dakka, da dabmein, oolppa inam ami. “Antte! Da doyak dabmak ena okkai elenab aomi. Ao, da laa oh Jerusalem ippa king daan, doyak dabmak ena ele aoppig amu, da doyak dabmak ena ele ahilag am eɗatten malami. Ge, da keeke kuɗumnab doyeye anidmi; doyak dabmak ena ele, amu diignu doyak tutukku ele, aa da keeke kuɗumnab ippuniɗpiɗ,” awe ami.

1 Tesalonaika 5:1

O ig lainkad, keeke amu oh bekkunu haen, deɗ ele amu ig amunu yaagnignu laa iitta.

Sam 96:13

Ao, ag Yawe noobppa daanna, ahi ettaglag. Aɗinu? Nug wan imuppa uɗitte. Ao, Nug wan imu epeɗikkunu uɗitte. Nug genab tutukku hak kobol dim lamittatta, Nug danab ah epeɗiadkku. Ao, Nug doyak diig genabib dim lamittatta, danab ah oh epeɗiadkku.