Eklisiastis 3:16 - Nobonob Baibel

¹⁶ Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Eklisiastis 3:16 Referans Kwoze

Eklisiastis 4:1

Amu da baula neekki ukke, aam waappa, kobol laa, amuam danab okkai ag danab laa eheɗ hadatteb, da kobol amu anidmi. Danab uug aotteb amu, ag gaaegeg, da ag amelag leb neene anadmi. Ag uug aqeeqe daaegeg, laa nug ag oo mak madakkunu laa ii daatte. Danab ag laa uug madatteb, ag ɠagattag ele amunu, ag amu hetteb, amge uug aotteb ele, laa ag oo mak madakkunu laa ii daatte.

Eklisiastis 5:8

Na daɗek laa ag okkai laa waappa, eheɗ hattak maonna, hettoɗiak abenppa maatteg daaegeg, appan danab ag nai doya mala hettoɗia epeɗia elele mettak kobol ii dim lamidna hetteb anidkkut dayeb, na ⌊ena aib doome, amge na ele⌋ aib ottaime. ⌊Am kobol nau, amge danab okkai kuɗum ag amu hetteb.⌋ Aɗinu? Epeɗiak danab nakok okkainu ehanittak anuqak danab, ag epeɗiak danab okkainu ehanittak anuqak danab oɗelag dim lamidkkulagoitte; amu okkai amunu ag laa okkainab oɗelag dim lamidkkulagoitte amunu, kobol amu bette.

Aposel 23:3

Nug Pol mataɗkkulagnu a amu, Pol nug amegppa aum. “Na am gilil dubuttid tak, amuppa gau hakkab hamu attanttan laaidppig, na amubia daattem! Geha Kayak Nug na oidkku! Na ɗo aɗi atte amuppa epeɗilkkutnu uɗime, amge na danab imu amelagppa, ‘Ag nug oig!’ ame, amuppa na ɗo tappae neum,” awa aum.

Jems 2:6

Amge ag, da nai imu ahilagnu yaattem ele amu, ag daɗek danab heeg uɗalag nette. Ag dootteb, danab enulag ele ag heeg, ag Kristen ag aakku uug anidtteb. Danab enulag ele ag aakku eeɗatteg, hettoɗiak abenppa watteb.

Matyu 26:59

Pita nug appa dayeye amu, lag ooppa mana mettak danab okkai amu Juda dilag hettoɗiak okkai onig Sanhidren, amunu danab ele, ag oh Jesus qeppeg mauhkkunu nai hambuppuak laa nuhigppa yaaglagnu madippig, amge ag laa ii anidppig.

Sepanaia 3:3

Israel dilag ehanittak anuqak danab amu, ag danab ah dilagnu laion doɗ laa qa lakkunu oiyaya gaatte, amubia ag danab ah dilagppa hetteb. Ao, Israel ag ahilkad okkai danab ag doɗ wulp, ag tueb meeb, ag doɗ laa anidna, qena lalobnu oitteb bia hetteb. Doɗ laion, o doɗ wulp ag aɗi doɗ laa tueb qena lae neppig, butti buttua huppu nakok laa ii daatte, amubia hetteb.

Maika 7:3

Wan imuppan danab ag eppelag laih laih ohppa eheɗ hekkulagnu doon autna aotteb. Danab okkai ag laa ag ag lokkumakppa eheɗ haknu ehanittak madappeg, ib amuppaib ag ehanadkkulagnu atteb. Ao, epeɗiak danab ag lokkumakppa eheɗ haknu ehanittak aon, ag laa ehanittak amu mettom amegppa, “Na am tutukku heme; na eheɗ laa ii heme,” hambuppun atteb. Genab, danab ag ɠagattag okkai ele ag aɗi keeke aoglagnu oolag hette, ag aoglagnu anan heeg ukke, aakku aotteb. Danab okkai amu oh ag eheɗ anam hekkulagnu nai qakkan oitteb.

Maika 2:2

Danab amu, ag laa dilag wan amelag qe aolobnab dabmak eheɗ aon, ag wagai menan aotteb. Ao, danab amu, ag laanu lag amelag qe, wagai menan aotteb. Ag hambuppuak kobol, ib eheɗ amuppa danab laanu lag hamu aotteb. Ao, ag lailkad dilag aulkad, ag keeke amu ib eheɗppaib hamu aotteb.

Aisaia 59:14

Nai doya mala hettoɗia epeɗia elele mettak kobol am uma ukkom daatte. Ao, genab tutukku hak kobol am miag iitta, am umaib daatte. Aɗinu? Doyak diig genabibppanu mattiaknu, dim lamittaknu ele, kobol amuam na qeum, ihinigppa ii daatte. Ge, doyak diig genabibppanu mattiak kobol, dim lamittak kobol ele ihinigppa ii daattep.

Eklisiastis 8:9

Amu da keeke oh aam waappa daatte dabmeinne, da imu anidmi. Haen laala danab okkai nug ⌊hipunin haaha,⌋ laa nug waappa daatteb, ahilagppa eheɗ hattette, uug okkai nuhigppa bette.

Eklisiastis 5:7

Dabmak hamu hamu awakppanu nai mattiak okkai bette, amu diig amunu na Kayaknu ebehin oh bodoetta le maɗ!