Eklisiastis 2:8 - Nobonob Baibel

⁸ Da silwa, gol ele dahilnu huanak awen, aria wan laappan king aɗi, prowins anen anen danab okkai ele, da ag eppelagppanu en naɗi aomi. Da danab ah ele ag ahi edattappig ele, ag da noolppa daan, ahi ettaglagnu diiatten, da ele ah kuɗum diiadmi. Keeke amu oh amu ag heeg, danab nug enanagnab dootte.

Eklisiastis 2:8 Referans Kwoze

1 King 10:10

Amu Sebanu kuin nug gol huanak, uug nuhig 4,000 kilogram Solomon mettowa, nug spais huanak, amu men daden nob okkainab ele Solomon mettom. Spais nug mettom, amuam huanaknab. King Solomon mette, haen amu dimppa amu, spais huanaknab amubia laa nug Israel wan ooppa awa ii noum.

1 King 9:28

Amu ag Opir wanppa gona, appanu 14,500 kilogram gol, amu eɗittak, King Solomonnu akkan uɗidppig.

2 Samuel 19:35

Da maɗ dahil am 80 teum daatte. Da keeke kuɗumnu, atten am enanag, keeke atten am enaib dookkulnu elele iitta. Da, da nahip maɗi nid amu, da ee lainne, da ee o le miti tutukku dookkulnu elelete? Da danab ah ahi edatteb, da ag baalag tutukku ena dookkulnu elelete? O dahil naɗi, dahil king, da na ele oh goɗa daalop amu, da uug okkai na mettalom. Amu da anam helom am ena iitta.

1 King 10:14

Amu Solomon nug maɗ anen anen gol 23,000 kilogram awom.

Amos 6:5

Ag harp qenana, ahi hamu hamu ettanna; Dawit nug musik haknu keeke digdig hattombia, ag hetteb.

Daniel 3:15

Am genab iitta daatte dayeb amu, haen elab iitta ag laa trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele baula heppeg doon, ag dottog da hemi ele noobppa dup nona binag mekkulagnu dabmak elele aon, hekkulagnu babaittak daatteb dayeb am ena. Ag am hekkulag. Amge ag dottog amu noobppa dup nona binag mekkulagnu ii dabmetteb dayeb amu, laa pahanab ag aɗualadna, aab naɗi huan eotteppa buɗiadppeg tekkulag. Anam heppeg, kayak aun nug ag ehanatta, da eppelppanu eɗua diikku?” awa aum.

Daniel 3:7

Danab amu anam a, danab appa daappig, ag dooppig amunu, haen laa ag trampet, dumuttum, gita diig laa, laia, harp, amu musik haknu keeke laa oh heegeg, danab ah, ag huu anen anennu, ag wanppan wan anen anennu, ag nai ohppanu, ag appa daappig amu, ag dottog golppa hak, King Nebukatnesar qappom, ag dottog amu noobppa dup nona binag meppig. ⌊Amge Satrak, Mesak, Abetnego ele ag dottog amu noobppa dup nona binag ii meppig.⌋

Daniel 3:5

Ag anam daappeg, laa ag trampet, dumuttum, gita diig laa, laia, harp, iwalaknu keeke laa, amu musik haknu keeke laa oh ele heppeg ag doon, ag dottog golppa hak King Nebukatnesar qappom noobppa dup nona binag meig!

Esra 2:65

Ebqak anam dayom, amge ahilkad maɗi nid, maɗi ah ele, ahilag ebqak am 7,337, am danab ah laa ahi edappig ele dilag ebqak 200 ele, ag ebqak amu ooppa ii daappig.

1 Stori 25:6

Danab amu oh ag mamelkad waalagppa daan, Yawenu mettid lagppa musik amu heppig. Ag simbal, laia, amu harp ele Kayak laugppa, nuhig ɗo maɗoɗnu uɗat hekkulagnu henana, musik amu heppig. Nid danab amu ag mamelkad waalagppa daappig, amge Asap, Jedutun, Heman ele ag king waappa daappig.

1 Stori 25:1

Amu Dawit, Israel dilag ikki danab ele ag Asap bekkod laala, Heman bekkod laala, Jedutun bekkod laala ele, ag harp, laia, simbal ele henana, ag propet nai ele mattiglagnu tituanadppig. Danab amu hekkulagnu onilag am iikku.

1 King 14:27

Sisak nug guppiɗ amu awa ukkom amunu, King Rehoboam nug guppiɗ amubia, amge brasppa hak heum. Nug anam ha, Rehoboam nug daup ag king laug enanagnab odppa daan, gumak uɗat heppig dilag ikki ag guppiɗ amu dabmettaglagnu ɗo meum.

1 King 10:21

King Solomonnu kap oh am golppaib hak, am nug lag enanagnab laa onig Lebanon Duppunu Lag Enanagnab, lag amuppan tappiɗ keeke, ag gol ena dubuttid iitta ele, amuppaib hak. Keeke laa ag silwappa laa ii heppig. Aɗinu? Solomonnu haenppa danab ah ag silwanu am keeke hamu bia dooppig.

1 King 9:14

Hiram nug King Solomon gol mettom am kuɗum, huanaknab. Golnu uug amu 4,000 kilogram.

1 King 11:3

Solomon nug ah wauud 700 diiowa, nug 300 laa, ag am nug wauud amge nug wauudnab iitta, nug ag ele diiom. Ah 700 amu, ag oh am ah okkai. Aria, ah amu ag ⌊ahilkad kayak hambuppuak ele akkan uɗin⌋ heeg, ⌊nug amu binalag meum. Binalag maama⌋, nug Yawe, nuhig Kayak, nug Nug oo ohppa ii dim lamittom.

Eklisiastis 1:2

Amu Dawit bekka, nug ippunittak danab amu, nug nai imu mattiom. Wan imuppanabnu keeke oh, ge keeke amu oh, am gaɗappa, unuqagppa ele anttak laippu iitta! Ge, gaɗappa, unuqagppa ele anttak laippu iitta! Am genab, gaɗappa, unuqagppa ele anttak laippu iitta.