Eklisiastis 2:24 - Nobonob Baibel

²⁴ Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Eklisiastis 2:24 Referans Kwoze

Eklisiastis 3:22

Amu da anidmi, danab nug nuhig uɗat hekkunu gamag ahak doyaya hekku, am ena. Keeke laa amu eɗittak laal ii daatte. Aɗinu? Kayak Nug anam babaittom daatte. Laa amu, danab auntai laa nug laa butti aɗi kobol aɗi bekkunu daatte, nug amu ippunitteb dookku?

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

Duteronomi 12:18

Iitta! Ag keeke amu oh Yawe, ahilag Kayak, Nug aben epeɗia madakku ele, ag amuppa daanna lakkulagoitte. Ag aben amuppa, ag nid ahilkad, maɗi nid ahilkad, maɗi ah ahilkad, amu Lewi buɗub danab ag appalkadppa daatteb, ag ag ele daanna lakkulagoitte. Ag Yawe, ahilag Kayak, ag Nug noobppa lanana, gamag ahak doyeg! Yawe Nug ag ehanatte, ag ahilag uɗat heppig, ag amu dabmettanna gamag ahak doyeg!

Aposel 14:17

amge Nug daatte, Nug amunu haen amuppa ele ag ippuanattatta, Nug hab aabppa dayaya he, gu ahilagppa neum, ahilag ee ena beum, ag ee elele aoppig, amu ag gamag ahak okkai dooppig,” aoya apiɗ.

Malakai 2:2

Ag dahil nai imu doon, ag oolagppanab meig! Nai ag dooglagnunab attem am, ag da onilnu am binag ele doyeg! Ag haknunab nai dahil ii doon, ii dim lamidkkulag dayeb amu, da ag eheɗ laa awaknu anak waappa daaglagnu, uug naunab ele laa ahilagppa bekkunu akkul. Ag dahil haknunab nai ii dim lamidkkulag dayeb amu, ag itittak ena laa ag aoppig amu, da heppi, eheɗ laa awaknu anak waappa dayak bia daakku. Ge! Ag da binal mekkulagnu oolagppanab ii dootteb amunu, da nakok matu bia itittak ena ahilag laa aoppig amu, da hei, itittak ena amuam eɗua, ag eheɗ laa awaknu anak waappa daatteb.

Eklisiastis 6:2

Kayak Nug danab laa enub keeke, binag ele medatte. Danab amu nug keeke attemunab oo hette amu, nug aakku aɗatte, amge Kayak Nug danab amu nug keeke amunu gamag ahak laa dookkunu ii ehanidtte amunu, nug mauhe, danab nug ii dootte ele, nug awa, amuppa gamag ahak aotte. Kobol amuam gaɗappa, unuqagppa ele anttak laippu iitta; am eheɗ nau laa aakku.

Duteronomi 12:12

Am ag Yawe, ahilag Kayak, ag Nug noobppa gamag ahak hekkulag. Ag, amu ag bekkalkad, aɗelkad, ahilkad maɗi nid maɗi ah ele, aria Lewi buɗub ag appalkadppa daatteb ele, ag oh oo gamag ahak hekkulag. Lewi buɗub ag ahilag wan laa ag aulag daakkunu ii mattak amunu, ag amu dilagnu ele dabmetteg!

Nehemaia 8:10

Amu Nehemaia nug aum. “Gemu deɗ imunu amu, ihinig Naɗi Nug amunu, dahilnu tituanak daatte anidtte amunu, ag ahan gona, ag ee ena, le ubuhi ele lanana, ag laa keeke anam iitta ele madappeg, ag ele laig! Ag aib gaappig. Aɗinu? Yawenu gamag ahak doyak am aab aɗ ɠagattagnab ele ahilag bia daatte,” awa aum.

Eklisiastis 2:3

Ig danab ig haen tutuib wan imuppa oittem. Anam amunu, da haen tutu amuppa danab nug aɗi kobol dim lamitta heeb, keeke ena, meu ele laa bekkunu ippu anidkkulnu ool he, doyak dabmak ena ele ulum meɗeɗe, da gamag ahak dookkulnu wain lain, Kayak dab-ii-maama hak kobol ele dim lamidmi ⌊amge da meu ena laa ib amuppa bekkunu ii anidmi⌋.

Eklisiastis 2:25

Aɗinu? Kayak Nug ehanittak ii mekkeb amu, auntai laa ee, o dayaknu ena doyak dookkunu elele iitta.

Eklisiastis 6:12

Aɗinu? Danab nug wanppa dayaya oitte, nuhig haen wanppa daakkunu am tutuib. Daya, gaɗappa, unuqagppa ele anttak laippu iittanu oiyak nuhigppa am aamppa danab itotog bia amunu, auntai laa nug danab laanu, nug nuhig wanppa oiyakppa nuhignu aɗi keeke am ena ab dookkunu elele? Auntai laa nug danab laa mauheb, aam waappa aɗi kobol nuhig mauhak dimppa bekkunu daatte akkunu elele? ⌊Anam amunu, nai nai mattiak kuɗum am meu iitta.⌋

Aisaia 56:12

Ag akka akka nug amegppa mattin atteb. “Ahappeg! Ig gota, wain aotu! Ao, ig gota, bia aot lapput ukkeb, oonig didikku. Ig amu hetata oipput, butti am ele deɗ ena, gemu bia daakku, amge gemu bianab ii daama. Iitta! Buttinu oo gamag ahak am gemunu eɗidkku,” aon atteb.

1 King 4:20

Juda, Israel ele ag am appatna, danab ah huanak, kuɗumnab daappig. Ebqak ahilag am kuɗumnab, am abuɗ yu ihippa daatte, amubia. Ag ee, le ele, elele lanana, gamag ahak ele ena daappig.

Eklisiastis 2:10

Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Eklisiastis 5:17

Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.