Eklisiastis 2:21 - Nobonob Baibel

²¹ Uug da doominu diig am, danab laa nug uɗat nuhig hekkunu doyak dabmak ena okkai ele, uɗat amu haknu diignu doyak tutukku ele, eppeg uɗat amu haknu dootte amunu, nug ha autanab aotte, amge dimppa nuhig uɗatnu meu am laa nug uɗat ii heum ele, nug eppegppa gokku. Kobol amu ele am gaɗappa, unuqagppa ele anttak laippu iitta; kobol amuam uug naunab ele.

Eklisiastis 2:21 Referans Kwoze

Jeremaia 22:17

Amu Yawe Nug imu ele atte. “Anam, amge ⌊Jehoiakim,⌋ na nakka, na en okkainab aokkutnu oot heehe, na amu dabmena autna aottem. Ib enappa, o ib nauppa aokkut, nahip dabmakppa amuam keeke hamu; aokkutnuib dabmettem. Aokkutnu amu, na danab eheɗ laa ii heppig ele aqe mauhtteb. Aokkutnu amu, na danab ah ag nahip uɗat hamu, nob iitta hekkulagnu duttunadttem. Aokkutnu amu, na laa eheɗ hattana, na keeke lokkumakppa awaknu duttuna hak kobol dim lamidttem.” Yawe Nug anam atte.

Jeremaia 22:15

Amu Yawe Nug atte. “⌊Jehoiakim,⌋ na ad sida kuɗum na lautppa meme daatte amunu, na ad amuam king daakkutnu ehah medatte doottemte? Na mamen nug amu ii heum. Iitta. Nug ee, le ele elele aɗa lana dayaya, elele doya, nug kobol tutukku, amu nai doya mala hettoɗia epeɗia elele mettak kobol ele dim lamittom amunu, keeke oh nuhignu elele ukkom.

Eklisiastis 9:18

Doyak dabmak ena ele am ban haknu keeke digdig eɗidtte; amge hipunin danab laippu nug he, ena hak kuɗum nauhtte.

2 Stori 35:18

Josaia he, Israel ag Pasowanu Hobul gamag ahak ele heppig amu, propet Samuel dayom haenppa Israel ag anam heppig, amge nuhig haen dimppa ag anamnab ii heppig. Israel dilag king laa oh ag heeg, Israel danab ah ag Josaia he heppig bia ii heppig. Josaia he, Lewi buɗubppan mana mettak danab, Lewi buɗubppan mana mettak danab iitta, Juda danab ah oh, Israel danab ah oh ele ag Jerusalem appa daan, Pasowanu Hobul gamag ahak ele heppig. King laa nug anam ii heum.

2 Stori 34:2

Nug Yawenu neekkakppa kobol genab tutukku ele dim lamittom; nug alag Dawit heum bia heum. Nug ib ena dim lamittom. Nug ib eheɗppa ii ukkom.

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

Eklisiastis 2:20

Da amu antten, da wanppa dayeye, uɗat ɠagattag oh hemi amu, da amunu dabmei ukke, oolppa uugnab doomi.

Eklisiastis 4:4

Da amu oh dabmein, da inam ele anidmi. Danab ag uɗat okkai, enanag ele hettebnu diig am, ag mudippan laippu dilagnu amelag qe oolag elele ii daatte. Anam, amge amu ele am gaɗappa, unuqagppa ele anttak laippu iitta; amu ele am danab nug ulah aɗakkunu, ulah dim lamidtte, am amubia.

Eklisiastis 4:8

Amuam danab nug tiig laippu laa iitta. Ao, nug nid iitta, awag, amag laa ele iitta. Anam amu, nug am uɗatib hette, nug hamu ii daatte; Nug anam daya haaha, en okkai aotte, amge nug ena ii dootte. Iitta. Nug baubau aokkunu hette. Nug nukka, nug oɗ inam ii medatte. “Da aun nug en imu aokkunu uɗat hettem? Ao, da aunnu uɗatib heinne, gamag ahak nakok aolom, amge da ii aottem?” Nug amu oɗ ii medatte. Kobol amu daatte, amge amu ele am gaɗappa, unuqagppa ele anttak laippu iitta; am kobol guittak ele.

Sam 39:7

O Naɗi, anam aakku daatte amunu, da wan imunu keeke laa dabmein, keeke ena bekkunu dabmak aɗe oikkulnu elele iitta. Keeke ena bekkunu dabmak aɗe oikkulnu am nahip-ppaib daatte.

Sam 49:11

Danab Kayaknu ii dabmena, ii dim lamidtteb, kaaka danab ele amu, ag oh mauhna, hanhan moɗppa niitteb, Ao, ag hanhan appaib daatteb. Ag onilag aon, wan laala onilag aakku medappig, amge laa ag wan amu aon daaglag.