Eklisiastis 2:17 - Nobonob Baibel

¹⁷ Anam amunu, da bau dayaknu nau ninig ele doomi. Aɗinu? Diig laa am danab ag uɗat aɗi aɗi aam waappa hetteb ele, da amu ohnu uugib doomi. Diig laa am keeke oh am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, amubia.

Eklisiastis 2:17 Referans Kwoze

Eklisiastis 2:11

Da eppelppa uɗat amu okkai hein; da aɗi keeke bekkunu uɗat heinne daami. Da anam hemi, amge da hein malen, keeke amu oh am gaɗappa, unuqagppa ele anttak laippu iitta anidmi; keeke amu oh am danab nug ulah aɗakkunu, ulah dim lamidtte, am amubia. Aam waappa uɗat amu oh hemippa, am keeke meu ele ii beum.

Jona 4:8

Dimppa aam be, Kayak he, ulah gakkaɗak ele, kaɗag uɗitteppanu amu, ulah amu uɗie, aam Jona ikki qe, ameg qittine, Yawe heeb, nug mauhkkunu unuqitta, “Da mauhkkul am ena. Ge, da ii mauhkkul amu eheɗ,” awa aum.

Eklisiastis 4:2

Da amu antten, da, “Laa mauhna, moɗppa niitteb ele, ag gamag ahak ele; laa wanppa bau daan, uug maotteb ele amu, ag am gamag ahak iitta,” ami.

Habakuk 1:3

O Yawe, laa ag nai doya mala hettoɗia epeɗia elele mettak kobol ii dim lamidna, laa eheɗ hattegeg, na ag amu ii hemananu ib oo ii nettem amunu, ag heegeg, da ag anadttem. Da amu antten, diig aɗinu na hee, ag amu ii hemananu ib oo ii nettem amu, da ool ii maidtte. Laa ag laa dilag keeke heeg nauhtte anidttem. Laa ag laa dilagppa guittak nau mauhnoak mettak kobol dim lamidna hetteb anidttem. Nug aittak, nug qak ele huanak daatteb anidttem.

Esekiel 3:14

Da amu dooi, Ouɗi da humiɗa, omaiɗa ukkom. Da ugekke, ⌊Yawe Nug uɗat da meɗom, da amunu⌋ uug naunab nau doye, ⌊da lailad, Israel danab ah dilag haknu da⌋ ool nauhom. Anam, amge Yawe Nug da ⌊nuhig uɗat hekkulnu⌋ ɠagattag aɗaile, ⌊da ukken hekkulnuib daye,⌋ da gomi.

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.

Eklisiastis 3:16

Amu da keeke laa ele aam waappa bette anidmi. Amuam hettoɗiak abenppa kobol nau dayom. Ao, aben danab ag nai doya mala hettoɗia epeɗia elele mettak kobol dim lamidlob, kobol nau dayom.

Eklisiastis 2:22

Aɗinu? Danab nug wanppa dayaya, keeke qagmekkunu uɗat tuɗid ele haaha, nug uɗat ebehi guittette hette amu, nug uɗat amu ohnu aɗi meu ena laa ii aotte.

Eklisiastis 1:14

Da keeke oh danab ah ag ⌊beɗu ehanittaknu⌋ aam waappa henan daatteb anatten malami, amu keeke amu ohnab am gaɗappa, unuqagppa ele anttak laippu iitta; amuam danab nug ulah aɗakkunu, ulah dim lamidtte, am amubia.

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Job 14:13

O Kayak, na mauhak abenppa lokkumiɗppe, nahip oo nauhak iitta meeb, na eɗun maɗeɗilomnu ool daatte. Ao, na haen adekkunab eɗun ehaniɗppe, da ena daakkulnu haen tituanna, haen amuppa na dabmeɗan ehaniɗlomnu ool daatte.

1 King 19:4

Nug maɗi nid nuhig uue dayeye, Elaiya nukka nug aha, atu taɗak ooppa aam laippu ukke ukke, tueb me, nug aben laa, ad brum laa aben amuppa dayom ele amu, Elaiya nug appa ta, ad amu waappa dayaya, nug Yawe amegppa mauhkkunu inam aum. “O Yawe, elele! Da, da mamelad aɗi ii eɗadttem amunu, na heppe, da mauhkkulnu oɗ medattem,” awa aum.

Namba 11:15

Na tuɗidna, da uug naunab amubia maokkulnu akkutnu dabmettem dayeb amu, da hekkulnu elele iitta amunu, na dahilnu ena doottem dayeb, na iuppe mauhkkulnu oɗ medattem. Na dahilnu oot dootte dayeb amu, na heppe, da uug naunab waappa nauhak ii aopanu oɗ medattem,” awa aum.

Eklisiastis 1:17

Da amunu da oolppa awoya, da dakka, da doyak dabmak ena elenu diig dokkulnu, da Kayak dab-ii-maama hak okkai, da kobol amunu diig ele dookkulnu dabmein, da digmein amu hekkulnu hemi. Da anam hemi, amge amu ele am danab nug ulah aɗakkunu ulah dim lamidtte bia daatte anidmi.

Eklisiastis 4:3

Da anam ain, da tuɗitten, “Anam, amge laa nug wanppa ii doum ele, nug am enanag daatte. Nug eheɗ hak oh danab ag aam waappa daan hetteb ele, nug amu oh ii anttom,” ami.