Eklisiastis 2:16 - Nobonob Baibel

¹⁶ Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.

Eklisiastis 2:16 Referans Kwoze

Eklisiastis 1:11

Danab anukkanab daadppig amu, laa nug ag ahilagnu dab-ii-mette. Laa ii doppig, butti aɗi dokkulag, laa ag dimulagppa dokkulag amu, amu ag ele ag ahilagnu daulag atikku.

Eklisiastis 9:5

Aɗinu? Danab ag bau daatteb ele, ag mauhkkulag am dootteb; amge danab mauhppig amu, ag keeke laa ii dootteb. Wanppan danab ah ag ahilagnu daulag atiom amunu, ag ⌊wanppa⌋ nob ena baula aoglagnu elele iitta.

Sam 88:12

Laa ag gatatuppa daatteb, na ag kobol danab hekkunu elele iitta nahip ippunatte anidttebte? Ao, aben onig Abadon, amuam he nauha autanab awak aben amu, na amuppan danab ah ag nahip genab tutukku hak kobol ippunatte anidttebte?

Eksodas 1:8

Israel ag anam appatna daaeg, haen elab ukke, dimppa king laa ba, nug Isip gumom. King amu nug Josepnu kaya nakok laa ii doyom.

Hibru 9:27

Danab oh ag haen laippuib mauhkkulagoitte; amu dimppa ag hettoɗiakppa tekkulagoitte,

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Eklisiastis 6:8

amunu, danab nug doyak dabmak ena ele, nug danab Kayak dab-ii-maama ii dim lamidtte ele ib attemppa eɗidtte? Daɗek danab nug laa noolagppa attem attem hekkunu dootte amu, doyak amuam aɗi keeke ena danab amu medatte?

Eklisiastis 2:14

Danab nug doyak dabmak ena ele nug danab ameg ena ele oitte bia daatte; danab Kayak dab-ii-maama ii dim lamidtte ele nug danab ameg gaɗuak, gatatuppa oitte bia daatte. Anam, amge da keeke laa ele aakku dabmemi. Amuam danab Kayak dab-ii-maama ii dim lamidtte ele nug mauhtte; aria danab doyak dabmak ena ele amu, nug ele mauhtte.

Sam 103:16

Ulah nug bala iwale, iitta metteb; aben amuppa bala appa ii daappig bia daatte. ⌊Ig ele amubia daattem.⌋

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

2 Samuel 3:33

Ag boumeg, King Dawit nug ahi laa nai oo doyak ele, Apner binag ma ettom. Ahi ettom am inam. “Laa nug Apner ɗo tippalak danab bia qe mauhom amu, kobol amuam enatai? ⌊Iitta! Amuam kobol ena iittanab iitta.⌋

Eksodas 1:6

Dimppa Josep, nug awakkud amag ele, ag ahilkad menuattak huu laippu bia ele amu, ag oh mauhppig,

Eklisiastis 2:15

Da amu oh dabmei ukke, da oolppa dabmemi. “Danab Kayak dab-ii-maama ii dim lamidtte ele, nuhigppa aɗi bekku am dahilppa ele bekku. Anam bekku amunu, da doyak dabmak ena ele aɗe daakkul dayeb, da meu ena attem laa aokkul? Am laa iitta.” Da amu dabmemi amunu, da amunu ele oolppa, “Amu ele am gaɗappa, unuqagppa ele anttak laippu iitta,” ami.

Eklisiastis 7:2

Danab nug lag laappa, appa ag laa mauhomnu mahiak hetteb, amuppa gokku am ena; nug lag laappa, appa ag hobul henan daatteb, nug amuppa gokku am nakok enatai, amge enanag iitta. Aɗinu? Ig danab oh ig mauhkkunig; amu danab nug bau dayaya, nug amu dabmaɗ!

Eklisiastis 8:10

Ele amu, da nau hak danab, ag aab okkai ag hipunin heppigppa daan, ag Kayaknu mettid lag, lag amuam Kayaknu tituanak daatte, ag amuppa gonana, eɗun uɗiegeg, danab ah binag meppig amu, da ag mauheg boumadppig anadmi. Amu ele am gaɗappa, unuqagppa ele anttak laippu iitta.

Eklisiastis 9:15

Amu aab nakok okkai amuppa daɗek danab laa dayom, nug doyak dabmak ena okkai ele amu, nug aab amuppan danab doyak dabmak okkai ele nuhigppanu ib ippuanatte, kekeɗ ag aab amu ii eɗadppig, amge amu dimppa aab amuppan danab ag daɗek danab ag ehanattom ele, ag nug daulag atiom. Nug aɗi keeke ena laa ii medappig.

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.