Eklisiastis 2:14 - Nobonob Baibel

¹⁴ Danab nug doyak dabmak ena ele nug danab ameg ena ele oitte bia daatte; danab Kayak dab-ii-maama ii dim lamidtte ele nug danab ameg gaɗuak, gatatuppa oitte bia daatte. Anam, amge da keeke laa ele aakku dabmemi. Amuam danab Kayak dab-ii-maama ii dim lamidtte ele nug mauhtte; aria danab doyak dabmak ena ele amu, nug ele mauhtte.

Eklisiastis 2:14 Referans Kwoze

Sam 49:10

Amuam genab. Aɗinu? Ig oh anidttem. Danab Kayaknu ii dabmena ii dim lamidtteb, kaaka danab ele, ag oh mauhtteb, amge ig ele anidttem, danab ah doyak dabmak ena ele, ag ele mauhtteb. Ag oh mauhna, ahilag en uun ukkaeg, laa ag en amu aotteb.

Prowerb 17:24

Danab nug diignu doyak tutukku ele nug hanhan doyak dabmak ena ele aɗi ippunidtte, nug amu dabmetta autanab aotte; amge danab nug Kayak dab-ii-maama ii dim lamidtte ele, nug anam iitta, nug dabmak hamu hamu aotte.

Eklisiastis 9:11

Da keeke laa aam waappa bette anidmi. Amuam danab nug huana qaiedatte ele amu, nug hanhan resis haenppa laa oh ii eɗadtte; ele amu, danab nug ɠagattag ele, nug haen oh ban ii eɗidtte. Laa amu, danab nug doyak dabmak ena ele, nug hanhan ee elele ele ii daatte; ele amu, danab nug pahanab dabmak aokkunu elele amu, nug hanhan enub ele ii daatte; laa ele amu, danab nug sul okkai heum ele, nug laa oh dilag neekkakppa hanhan ena ii daatte. Amunu diig am, kobol digdig danab oh dilagppa deɗ laala laippun bette, ahilagppa ele bette.

1 Jon 2:11

Am aun laa nug layagnu nau ninig ele dootte amu, nug gatatuppa daatte, gatatuppa ele oitte; nug adeppa gotte amu, nug ii dootte. Gatatu nug ameg qehakkom.

Eklisiastis 3:19

Doɗ bia danab ah ag mauhtteb. Danab ah, doɗ ele oh am ib laippuib dim lamidtteb. Laa mauhtteb, amubia laa ele mauhtteb. Ag oh bau dayaknu ouɗi am laippu. Kobol amunu danab ag doɗ ii eɗadtteb. Diig amunu keeke oh am gaɗappa, unuqagppa ele anttak laippu iitta.

Eklisiastis 9:16

Anam amunu, da ami. “Doyak dabmak ena ele am ɠagattag eɗidtte.” Amge danab laa oh ag daɗek danab nug doyak dabmak ena ele, ag haen elab iitta doyak dabmak ena nuhignu ena iinab doon, nuhig nai ele dab-ii-metteb.

Eklisiastis 8:1

Aun nug danab doyak dabmak ena ele bia daatte? Ge, aun nug keeke ohnu diig ab doognignu elele? Danab nug doyak dabmak ena ele, nug iɗuppa amahlak bia daatte. Ao, doyak dabmak ena ele he, danab iɗu am danab ɠagattag neegtte bia ii daatte.

Eklisiastis 7:2

Danab nug lag laappa, appa ag laa mauhomnu mahiak hetteb, amuppa gokku am ena; nug lag laappa, appa ag hobul henan daatteb, nug amuppa gokku am nakok enatai, amge enanag iitta. Aɗinu? Ig danab oh ig mauhkkunig; amu danab nug bau dayaya, nug amu dabmaɗ!

Eklisiastis 6:6

Ge, danab amu nug maɗ 2,000 daalolob, amge nug enubnu gamag ahak aokkunu elele ii daalo amu, gadonnab gadon. Nuhignu am ena iitta. Aɗinu? Danab ah oh ag menuak dimppa ahilag haenppa mauhak abenppa iite gotteb?

Prowerb 14:8

Eheɗ bemanu dabmak awa dabmak amu dim lamittak danab nug nuhig doyak dabmak ena ele uɗat metta, nug aɗi keeke hette, nug amunu dabma auta aotte; amge danab nug Kayak dab-ii-maama ii dim lamidtte ele, nug Kayak dab-ii-maama hak kobol dim lamittatta, nukka buppuidtte.

Sam 19:10

Gol am nakok ena. Ge, gol ena dubuttid iitta ele kuɗum am nakok ena. Amge Yawenu ɗo oh am enanagnab. Uppuh leppu amu ubuhi ele. Ge, uppuh leppu teɗuppanu am ubuhi enanag. Amge Yawenu ɗo oh amu, am amu eɗidtte.

Eklisiastis 2:16

Aɗinu? Danab nug doyak dabmak ena ele, nug danab Kayak dab-ii-maama ii dim lamitta mauhtte bia mauhkku. Ao, aa oh mauhpeɗ, danab laa ag ahilahnu daulag atikku. Ag danab doyak dabmak ena elenu anam henana, ag danab Kayak dab-ii-maama ii dim lamidtte elenu anamib hekkulag. Ag aa oh ahilahnu daulag atikku.

Sam 49:11

Danab Kayaknu ii dabmena, ii dim lamidtteb, kaaka danab ele amu, ag oh mauhna, hanhan moɗppa niitteb, Ao, ag hanhan appaib daatteb. Ag onilag aon, wan laala onilag aakku medappig, amge laa ag wan amu aon daaglag.

Eklisiastis 6:8

amunu, danab nug doyak dabmak ena ele, nug danab Kayak dab-ii-maama ii dim lamidtte ele ib attemppa eɗidtte? Daɗek danab nug laa noolagppa attem attem hekkunu dootte amu, doyak amuam aɗi keeke ena danab amu medatte?