Eklisiastis 2:11 - Nobonob Baibel

¹¹ Da eppelppa uɗat amu okkai hein; da aɗi keeke bekkunu uɗat heinne daami. Da anam hemi, amge da hein malen, keeke amu oh am gaɗappa, unuqagppa ele anttak laippu iitta anidmi; keeke amu oh am danab nug ulah aɗakkunu, ulah dim lamidtte, am amubia. Aam waappa uɗat amu oh hemippa, am keeke meu ele ii beum.

Eklisiastis 2:11 Referans Kwoze

Eklisiastis 1:14

Da keeke oh danab ah ag ⌊beɗu ehanittaknu⌋ aam waappa henan daatteb anatten malami, amu keeke amu ohnab am gaɗappa, unuqagppa ele anttak laippu iitta; amuam danab nug ulah aɗakkunu, ulah dim lamidtte, am amubia.

Eklisiastis 1:3

Danab nug wanppa aam waappa dayaya, ⌊beɗu ehanidkkunu⌋ uɗat okkai hette amu; amuppanu nug aɗi meunab aotte?

1 Timoti 6:6

Amge danab nug Kayaknu kobol tutukku dim lamittatta, nuhig keekeppa, “Aakku elele,” dabmette amu, nug enaib daatte, keeke oh awom bia.

Eksodas 39:43

Amu ag keeke amu oh akkan uɗieg, Moses nug ag keeke oh Yawe nug amegppa haknunab aumbianab heppig anttom. Nug anam antta, nug ag itattom.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Habakuk 2:13

Yawe Nukka Ɠagattag Oh Ele Nug dabmak awe ɠagattag eppe, inam dabmette. “Wanppan danab ah dilag uɗat okkai am hamu iite iitta mema. Ao, wanppan wannu danab uɗat naɗi okkai hetteb, amge uɗat amu ohnu meu am hamu iite iitta mema?”

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Eklisiastis 1:17

Da amunu da oolppa awoya, da dakka, da doyak dabmak ena elenu diig dokkulnu, da Kayak dab-ii-maama hak okkai, da kobol amunu diig ele dookkulnu dabmein, da digmein amu hekkulnu hemi. Da anam hemi, amge amu ele am danab nug ulah aɗakkunu ulah dim lamidtte bia daatte anidmi.

Eklisiastis 3:9

Uɗat nid nug uɗat okkai haaha, nug aɗi keeke hanhannu aotte?

Eklisiastis 5:10

Danab nug men doɗonu oo mauhtte, nug deɗ laa men doɗo awa, “Da aakku elele aomi,” ii atte. Iitta! Nug baubau aokkunu hette. Ao, aun nug ennu oo mauhtte amu, nug men doɗo uɗatppan aotte ele amu, nug amunu elele ii dootte. Amu ele am gaɗappa, unuqagppa ele anttak laippu iitta.

Eklisiastis 5:16

Amu ele, am eheɗ nau laa ele. Ge, danab nug wanppa dotte, anamib nug eɗua, wan uua, mauhak abenppa gotte. Nug wanppa uɗat heɗiag ele heumppanu aɗi keeke ena aotte? Laa iitta. Nug uɗat heɗiag ele heum, amge nug danab ulah aɗakkunu dim lamidtte bia haaha daatte.