Eklisiastis 2:10 - Nobonob Baibel

¹⁰ Da aɗi keeke da amelppa antten, aokkulnu ool heum amu, da aomi. Ao, da oo haknu anuqak doyak kobol aɗi ippuniɗom amu, da dim lamidmi. Da aɗi keeke hemi, da amu heinne, da gamag ahak okkainab doyeye hemi; amuam dahil uɗatnu nob ena aakku.

Eklisiastis 2:10 Referans Kwoze

Eklisiastis 9:9

Wan imuppan dayakppa am dayak gaɗappa, unuqagppa ele anttak laippu iitta, amu Kayak Nug wan imuppa na haen gane bau daan oikkutnu tituanom amu, haen amu oh na ah nahip, na nuhignu oot mauhtte amu, na gamag ahak ele nug ele daayya oiyeɗ! Aɗinu? Kayak Nug na amu hekkutnu metta, aam waappa na uɗat heɗiag ele henan daakkutnu ele mettom.

Eklisiastis 5:18

Da amu oh antten amu, da aakku dabmak aomi. Dabmak amuam inam. Danab nug wanppa dayaya, nug ee, le ele lanana, nug uɗat aɗi heɗiag ele aam waappa haaha, amuppa oo hak dookku am ena. Nug haen tutu Kayak Nug wanppa bau daakkunu mettom amu, nug amu hekku. Kayak anam mettom amunu, nug anam hekku.

Eklisiastis 3:22

Amu da anidmi, danab nug nuhig uɗat hekkunu gamag ahak doyaya hekku, am ena. Keeke laa amu eɗittak laal ii daatte. Aɗinu? Kayak Nug anam babaittom daatte. Laa amu, danab auntai laa nug laa butti aɗi kobol aɗi bekkunu daatte, nug amu ippunitteb dookku?

Sam 119:37

Na ɠagattag iuppe, da keeke nau oh dimattei! Na heppe, da nahip naippa dayen oikkulnu oɗ medattem.

Sam 128:2

Na danab anam laa daattem dayeb, Yawe Nug ana ehanitteb, na ee keeke aokkutnu eppenppa uɗat hettem ele, na amu ele daakkut. Ao, na gaman ahak doon, na elele daakkut.

1 Jon 2:16

Aɗinu? Ig doottem, wanppan keeke oh, amuam beɗu kobol haknu oo hak nau dim lamittak, ameg qak doya awaknu oo hak nau dim lamittak, amu nukka binag maknu oo hak nau dim lamittak ele, kobol amu oh am Mame toppanu iitta, keeke amu oh am wanppanuib.

Eklisiastis 2:22

Aɗinu? Danab nug wanppa dayaya, keeke qagmekkunu uɗat tuɗid ele haaha, nug uɗat ebehi guittette hette amu, nug uɗat amu ohnu aɗi meu ena laa ii aotte.

Eklisiastis 11:9

O nid bau, na nid bau daattem, haen imuppa na oot gamag ahaɗ! Ao, na ootppa aɗi aɗi hena, gamag ahak dookkutnu anidttem ele amu, na amu hekkut. Na ootppa attem attem hekkutnu doottem, na amenppa attem attem hekkutnu anidttem amu, na amu dim lamidkkut; amge dabme! Kayak Nug na aɗi aɗi hekkut amu, Nug na amunu epeɗidkku.

Eklisiastis 6:9

Danab nug keeke aɗom daattenu elele dootte, amuam kobol ena; danab nug hanhan keeke baubau aokkunu dabmette amu, kobol amuam ena iitta. Amu ele am gaɗappa, unuqagppa ele anttak laippu iitta; am danab nug ulah aɗakkunu, ulah dim lamidtte, am amubia daatte.

Prowerb 23:5

En okkai am paha paha iitta mekkunu elelenab; Aɗinu? Haen kuɗum ai igel nug hagagaɗa, paha paha gotte, paha amubia en okkai na eppenppanu gokku.

Job 31:1

Amu da ena daami, haen amuppa da dakka da ele da nug tituanen nai qakkami. Da nai qakkami am, da ah makkun laa oo hak nau ele ii neekkidpa.

Ikki Danab 14:2

Nug antta, haen nug eɗua aabppa ukka, amu nug mameg anig ele amelahppa aum. “Da Pilistia ah makkun laa Timna appa anidmi, amu nug dahil ah daakkunu hepeɗ, i ewau matulak aognihnu ool daatte,” awa aum.

Genesis 6:2

Kayak bekkod ag danab amu aɗelkad, ag iɗulag tuqak ele anadna, ag ahilag dabmakppa diippig.

Genesis 3:6

Aria, haen ah nug ad meu amuam anttaknu ena antta, lanaknu ele ena antta, doyak dabmak ena ele medakkunu elele, ele antta, amu nug meu awa lawowa, gamu nug ele daapiɗ ele mette, nug ele laum.

Eklisiastis 5:10

Danab nug men doɗonu oo mauhtte, nug deɗ laa men doɗo awa, “Da aakku elele aomi,” ii atte. Iitta! Nug baubau aokkunu hette. Ao, aun nug ennu oo mauhtte amu, nug men doɗo uɗatppan aotte ele amu, nug amunu elele ii dootte. Amu ele am gaɗappa, unuqagppa ele anttak laippu iitta.

Eklisiastis 6:2

Kayak Nug danab laa enub keeke, binag ele medatte. Danab amu nug keeke attemunab oo hette amu, nug aakku aɗatte, amge Kayak Nug danab amu nug keeke amunu gamag ahak laa dookkunu ii ehanidtte amunu, nug mauhe, danab nug ii dootte ele, nug awa, amuppa gamag ahak aotte. Kobol amuam gaɗappa, unuqagppa ele anttak laippu iitta; am eheɗ nau laa aakku.

Eklisiastis 9:6

Mauhak dimppa amu, ag wanppa daan, oo mauhak doyak, laa dilagnu, nau ninig ele doyak, ag dahil doya laa aomanu doyak aɗa dayaknu ele dooppig amu, keeke amu oh aakku iitta meum; baula ii daama. Ge, danab ah mauhppig ele ag baula keeke laa aam waappa ba gotte ele, ag amu ooppa daan, amuppa keeke laa hekkulagnu elele iitta.

Eklisiastis 2:1

Anam amu, da dakka, da oolppa inam ami. “Da ahen, da aɗi kobol am ena anidkkulnu, da beɗul nug aɗi kobol digdig hekkulnu eeɗiltte amu, da hekkul,” ami. Da anam ain, aakku hemi, amge amu ele am gaɗappa, unuqagppa ele anttak laippu iitta anidmi.

Eklisiastis 2:24

Da amu oh anitti ukke, keeke laa ele anidmi. Amuam danab nug ee, le ele lanana, nug aɗi uɗat Kayak nug mettom am haaha, uɗat amunu nug oo hak dookkunu am ena; kobol laa oh eɗittak. Kobol amuam Kayak eppegppanu ihinigppa uɗitte, da anam anidttem. Am kobol ena.

Eklisiastis 5:17

Nug keeke aɗi ena laa ii aotte. Nug oo doyak, oɗe qak, oo nauhak ele aakkuib doyaya andatta oitte.

Eklisiastis 8:15

Amunu amu, da danab nug aam waappa dayaya, gamag ahak dookkunu attem. Aɗinu? Nug ee, le ele lakku, gamag ahak ele aokku am enanag; keeke laa amu ii eɗidtte. Nug amu hekku dayeb amu, Kayak nug haen gane wan imuppa daya, uɗat hekkunu mettom amu, nug haen amuppa nuhig uɗat haknu gamag ahebeb daakku.